ໃນວັນທີ 25 ພຶດສະພາ, ທ່ານປະທານປະເທດ ເຈີ່ນດ໋າຍກວາງ ໄດ້ສໍາພາດ ກັບສະຖານນີໂທລະທັດ ສຳນັກຂ່າວຍີ່ປຸ່ນ, ຄື: ສະຖານີໂທລະທັດ ຄື: NHK, ສຳນັກຂ່າວ Kyodo News, Jiji Press, ໜັງສືພິມ Nikkei.
 |
ທ່ານປະທານາປະເທດ ເຈີ່ນດ໋າຍກວາງ ໃຫ້ສຳພາດສຳນັກຂ່າວ ຢີປຸ່ນ.
ຕອບຄຳຖາມຂອງນັກຂ່າວ: ທ່ານປະທານາປະເທດ ເຈີ່ນດ໋າຍກວາງ ໄດ້ໃຫ້ຮູ້ວ່າ: ໃນການຢ້ຽມຢາມຄັ້ງນີ້, ທັງສອງຝ່າຍໄດ້ປຶກສາຫາລືກ່ຽວກັບທິດທາງ ແລະ ມາດຕະການໃນການຊຸກຍູ້ສົ່ງເສີມສາຍພົວພັນລະຫວ່າງສອງປະເທດ. ໃນນັ້ນຈະເນັ້ນຫນັກເພີ່ມທະວີ ຄວາມໄວ້ວາງໃຈທາງດ້ານການເມືອງ, ຍູ້ແຮງຮ່ວມມືການຄ້າ, ການລົງທືນ, ການຮ່ວມມືພັດທະນາ, ປ້ອງກັນຊາດ ແລະ ຄວາມສະຫງົບ, ຍູ້ແຮງການແລກປ່ຽນວັດທະນະທໍາ ແລະ ປະຊາຊົນ. ສອງຝ່າຍຈະປຶກສາຫາລືກ່ຽວກັບການຮ່ວມມືບົນເວທີ ກອງປະຊຸມສາກົນ, ພາກພື້ນ ແລະ ບາງບັນຫາທີ່ທັງສອງມີຄວາມສົນໃຈຮ່ວມກັນ, ໂດຍສະເພາະໃນເວລາທີ່ ຫວຽດນາມກຳລັງເປັນຜູ່ປະສານງານ ສາຍສຳພັນ ອາຊຽນ - ຍີ່ປຸ່ນ ໄລຍະ ປີ 2018-2021
ທ່ານປະທານປະເທດ ເຈີ່ນດ໋າຍກວາງ ຢືນຢັນວ່າ: ໃນອານາຄົດອັນໃກ້ນີ້, ສອງປະເທດຈະສືບຕໍ່ບາດກ້າວການພັດທະນາທີ່ດີຂອງສາຍພົວພັນ ຫວຽດນາມ - ຍີ່ປຸ່ນ, ການຂຸດຄົ້ນທ່າແຮງອັນບົ່ມຊ້ອນ, ຊຸກຍູ້ການຮ່ວມມື ນຳພາສາຍສຳພັນ "ການຮ່ວມມື ຍຸດທະສາດ ອັນເລິກເຊິ່ງ ແລະ ກ້ວາງຂວາງ ເພື່ອສັນຕິພາບ ແລະ ຈະເລີນຮຸ່ງເຮືອງ ຂອງ ອາຊີ" ຂື້ນສູ່ ໄລຍະພັດທະນາໃໝ່ ຂອງພາກພື້ນ, ເພື່ອຜົນປະໂຫຍດ ຂອງປະຊາຊົນ ສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ໃນໂລກ.ທ່ານປະທານປະເທດ ມີຄວາມມຸ້ງມາດປາດຖະໜາວ່າ: ທັງສອງຝ່າຍຈະເອົາໃຈໃສ່ຊຸກຍູ້ ປະສານເສດຖະກິດ ໂດຍຜ່ານການເພີ່ມທະວີ ການຮ່ວມມື ໃນຂົງເຂດ ການຄ້າ, ການລົງທືນ, ຈັດຕັ້ງປະຕິບັດຢ່າງມີປະສິດທິຜົນ ສັນຍາການຮ່ວມມື ຫວຽດນາມ-ຢີປຸ່ນ(VJEPA), ພ້ອມກັນບຸກບືນເພື່ອບັນລຸເປົ້າໝາຍ ເພື່ອຈະເຮັດໃຫ້ມູນຄ່າດ້ານການຄ້າ ການນຳເຂົ້າ-ສົ່ງ ແລະ ມູນຄ່າການລົງທຶນໃນປີ 2020 ເພີ່ມຂື້ນສອງທົບ, ທຽບໃສ່ປີ 2014.
ທ່ານປະທານປະເທດ ຢາກໃຫ້ ຍີ່ປຸ່ນ ຍັງຄົງສືບຕໍ່ຮັກສາ ການຊ່ວຍເຫຼືອທຶນ ODA ໃຫ້ແກ່ຫວຽດນາມ, ໂດຍສະເພາະແມ່ນໃນຂົງເຂດການກໍ່ສ້າງພື້ນຖານໂຄງລ່າງ, ການພັດທະນາຊັບພະຍາກອນມະນຸດທີ່ມີຄຸນນະພາບສູງ, ກຽມພ້ອມໃນການປ່ຽນແປງສະພາບອາກາດ, ຮັກສາສິ່ງແວດລ້ອມ. ຍົກລະດັບຄວາມສາມາດໃນການຄຸ້ມຄອງເສດຖະກິດ. ພ້ອມດຽວກັນນັ້ນ, ສະຫນັບສະຫນູນ ຫວຽດນາມຈັດຕັ້ງປະຕິບັດ ໃຫ້ມີປະສິດທະຜົນ ໂຄງການຂະຫນາດໃຫຍ່, ການປັບໂຄງສ້າງທາງດ້ານເສດຖະກິດ ແລະ ການເຕີບໂຕແບບຍືນຍົງ. ຫວຽດນາມຍັງມີຄວາມມຸ້ງມາດປາດຖະໜາ ຍີ່ປຸ່ນ ຈະພິຈາລະນາ ຫວຽດນາມ ເປັນຄູ່ຮ່ວມມື ບູລິມະສິດ ຂອງໂຄງການ " ຄູ່ຮ່ວມມື ພື້ນຖານໂຄງລ່າງທີ່ມີຄຸນນະພາບ" (200 ຕື້ໂດລາສະຫະລັດ) ແລະ " ແນວຄິດ ເຊື່ອມໂຍງ ປະເທດພາກພື໊ນແມ່ນໍ້າຂອງ ກັບ ຍີ່ປຸ່ນ" (6,8 ຕື້ໂດລາ ສະຫະລັດ).
ຕອບຄຳຖາມ ກ່ຽວກັບຄຳເຫັນ ກ່ຽວຂ້ອງກັບ ການຮ່ວມມື ລະຫວ່າງ ຫວຽດນາມ ແລະ ຍີ່ປຸ່ນ ບົນເວທີ ພາກພື້ນ ແລະ ສາກົນ, ໂດຍສະເພາະແມ່ນ ການຮັກສາສັນຕິພາບ ແລະ ສະຖຽນລະພາບ ຂອງພາກພື້ນ , ທ່ານປະທານປະເທດ ເຈີ່ນດ໋າຍກວາງ ໄດ້ເນັ້ນໜັກວ່າ: ຫວຽດນາມ ແລະ ຍີ່ປຸ່ນ ສະຫນັບສະຫນູນ ເຊິ່ງກັນແລະກັນ ຮ່ວມກັນເສີມຂະຫຍາຍ ບົດບາດອັນຕັ້ງໜ້າ, ປະກອບສ່ວນເພື່ອສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ. ທັງສອງຝ່າຍ ສະຫນັບສະຫນູນເຊິ່ງກັນແລະກັນ ໃຫ້ໄດ້ຮັບການເລຶອກຕັ້ງເຂົ້າໄປໃນອົງການສະຫະປະຊາຊາດ ແລະ ອົງການຈັດຕັ້ງສາກົນອື່ນໆ; ແບ່ງປັນວິໄສທັດ ແລະ ປະສານກັນໃນການແກ້ໄຂບັນຫາ ທີ່ກ່ຽວຂ້ອງກັບການຮ່ວມມື, ການພັດທະນາ ແລະ ຄວາມສະຫງົບຂອງພາກພື້ນ, ໃນນັ້ນລວມທັງບັນຫາ ທະເລຈີນໃຕ້, ເຂດປອດອາວຸດນິວເຄຼຍ ຢູ່ແຫຼມເກົາຫຼີ, ແນວຄິດກ່ຽວກັບ ມະຫາສະມຸດອິນເດຍ - ປາຊີຟິກ ...; ຢ້ຳເຖິງຄວາມສຳຄັນຂອງການຮັບປະກັນສັນຕິພາບ, ຄວາມສະຫງົບ, ຄວາມປອດໄພ, ສິດເສລີພາບທາງດ້ານທະເລ ແລະ ທາງອາກາດ ໃນທະເລຈີນໃຕ້; ການແກ້ໄຂຂໍ້ຂັດແຍ່ງດ້ວຍມາດຕະການສັນຕິພາບ, ບົນພື້ນຖານກົດຫມາຍສາກົນ, ໃນນັ້ນລວມທັງ ສົນທິສັນຍາສະຫະປະຊາຊາດ 1982 ກ່ຽວກັບກົດຫມາຍທະເລ (UNCLOS), ຈັດຕັ້ງປະຕິບັດຢ່າງຄົບຖ້ວນ ແລະ ປະສິດທິຜົນ ໃນ ຄໍາຖະແຫຼງຮ່ວມ ກ່ຽວກັບການປະພຶດຂອງແຕ່ລະຝ່າຍ ໃນທະເລຈີນໃຕ້ (DOC) ປີ 2002 ແລະ ກໍ່ສ້າງຮ່າງກົດລະບຽບ ການປະພຶດ ໃນທະເລຈີນໃຕ້ (COC)ໃຫ້ມີຜົນສັກສິດ. ປະຈຸບັນ, ຫວຽດນາມ ແລະ ຍີ່ປຸ່ນແມ່ນສະມາຊິກຂອງຄູ່ຮ່ວມມືແບບຮອບດ້ານ ແລະ ກ້າວໜ້າ ການຮ່ວມມືລະຫວ່າງ ອາຊີຕາເວັນອອກສ່ຽງໃຕ້ (CPTPP), ທ່ານປະທານປະເທດ ເຈີ່ນດ໋າຍກວາງ ກ່າວວ່າ: CPTPP ຈະປະກອບສ່ວນເຂົ້າໃນການຊຸກຍູ້ ສາຍພົວພັນ ດ້ານເສດຖະກິດ ແລະ ການຄ້າ, ຈາກນັ້ນ ເຮັດໃຫ້ຄວາມສໍາພັນມີຄວາມເລິກເຊິ່ງ "ຄູ່ຮ່ວມຍຸດທະສາດທີ່ເລິກເຊິ່ງ ແລະ ກ້າວຂວາງ ເພື່ອຄວາມສະຫງົບ ແລະ ຄວາມຮຸ່ງເຮືອງ ຂອງ ເອຊີ " ລະຫວ່າງສອງປະເທດ.
（ຫັດທະບູນ）
