ແຜ່ຂະຫຍາຍສານ, ຮູບພາບຫວຽດນາມ ສັນຕິພາບ, ຮ່ວມມື ແລະພັດທະນາຢ່າງແຮງ

ຜ່ານການແລກປ່ຽນທີ່ການເຮັດວຽກ, ທ່ານ ຫງວຽນຈ້ອງເຫງ້ຍ ເຊື່ອໝັ້ນວ່າ ດ້ວຍຄຸນນະທາດ, ພູມປັນຍາ, ຄວາມສາມາດຂອງຕົນ, ຫົວໜ້າອົງການຜູ້ຕາງໜ້າຫວຽດນາມ ຢູ່ຕ່າງປະເທດ ຈະແກ້ໄຂທຸກຄວາມຫຍຸ້ງຍາກ, ສ້າງອົງການຜູ້ຕາງໜ້າຫວຽດນາມ ຢູ່ຕ່າງປະເທດໃຫ້ນັບມື້ນັບໝັ້ນຄົງເຂັ້ມແຂງ, ມີອິດທິຜົນຊື່ສຽງ, ປະຕິບັດທຸກໜ້າທີ່, ພາລະບົດບາດສໍາຄັນເຊິ່ງພັກ, ລັດ ແລະປະຊາຊົນມອບໝາຍໃຫ້ເປັນຢ່າງດີ; ປະກອບສ່ວນຢ່າງແທດຈິງເຂົ້າພາລະກິດສ້າງສາ ແລະປົກປັກຮັກສາປະເທດຊາດ, ເພື່ອຫວຽດນາມ ເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື, ມິດຕະພາບ, ພັດທະນາ, ຈະເລີນຮຸ່ງເຮືອງ, ມີຄວາມຜາສຸກ, ໝັ້ນຄົງເຂັ້ມແຂງກ້າວເຂົ້າສູ່ສັກກະຫຼາດໃໝ່, ສັກກະຫຼາດບືນຕົວຂຶ້ນຂອງຊາດ.

ທ່ານ ຫງວຽນຈ້ອງເຫງ້ຍ ສະເໜີບັນດາອົງການຜູ້ຕາງໜ້າຫວຽດນາມ ຢູ່ຕ່າງປະເທດສືບຕໍ່ຍູ້ແຮງການພົວພັນກັບບັນດາປະເທດບ້ານໃກ້ເຮືອນຄຽງ, ປະເທດໃຫຍ່, ຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ, ເພື່ອນມິດທີ່ເປັນມູນເຊື້ອ ແລະບັນດາຄູ່ຮ່ວມມືສໍາຄັນອື່ນເຂົ້າສູ່ລວງເລິກ, ແທດຈິງ, ເຮັດໃຫ້ສາຍພົວພັນລະຫວ່າງພັກກອມມູນິດຫວຽດນາມ ກັບບັນດາພັກການເມືອງເລິກເຊິ່ງກວ່າ; ປະກອບສ່ວນປັບປຸງສະພາບການຕ່າງປະເທດໃຫ້ມີສະຖຽນລະພາບ, ສັນຕິພາບ ແລະສ້າງຄວາມສະດວກສູງສຸດໃຫ້ການພັດທະນາຂອງປະເທດ. ສົມທົບກັນຢ່າງແໜ້ນແຟ້ນກັບບັນດາກໍາລັງເຮັດວຽກງານຖະແຫຼງຂ່າວຕ່າງປະເທດ ຜັນຂະຫຍາຍຢ່າງຄົບຊຸດລະຫວ່າງການຖະແຫຼງຂ່າວພາຍໃນປະເທດ ແລະຕ່າງປະເທດ. ພາບ: ຟ້າມເກືອງ