ສົມທົບກັນຢ່າງແໜ້ນແຟ້ນ, ປະຕິບັດໜ້າທີ່່ການທະຫານ-ການປ້ອງກັນຊາດເປັນຢ່າງດີ

ທ່ານພົນໂທ ເຈິ່ນເດິນ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າກຸ່ມປະຕິບັດງານຂອງກະຊວງປ້ອງກັນປະເທດກ່ຽວກັບການສົມທົບກັນປະຕິບັດໜ້າທີ່ການທະຫານ-ການປ້ອງກັນຊາດຕິດພັນກັບການພັດທະນາເສດຖະກິດ-ວັດທະນະທໍາ-ສັງຄົມໃນບໍລິເວນນະຄອນຫຼວງຮ່າໂນ້ຍ ແລະນະຄອນໂຮ່ຈິມິນ (ເອີ້ນຫຍໍ້ວ່າກຸ່ມປະຕິບັດງານ) ເປັນປະທານກອງປະຊຸມ.

ກອງປະຊຸມສົມທົບກັນປະຕິບັດໜ້າທີ່ການທະຫານ, ການປ້ອງກັນຊາດຕິດພັນກັບການພັດທະນາເສດຖະກິດ-ວັດທະນະທໍາ-ສັງຄົມໃນບໍລິເວນນະຄອນຫຼວງຮ່າໂນ້ຍ ແລະນະຄອນໂຮ່ຈິມິນ

ນັບແຕ່ຕົ້ນປີມາຮອດປະຈຸບັນນີ້, ບັນດາອົງການ, ກົມກອງ, ທ້ອງຖິ່ນໄດ້ຜັນຂະຫຍາຍບັນດາມະຕິຂອງພັກ, ດຳລັດ, ຂໍ້ຕົກລົງຂອງລັດຖະບານກ່ຽວກັບການກໍ່ສ້າງບັນດາແຂວງ, ນະຄອນສັງກັດສູນກາງເປັນເຂດປ້ອງກັນຢ່າງໝັ້ນຄົງເຂັ້ມແຂງ.

ອົງການການທະຫານນະຄອນເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນໃນການກໍ່ສ້າງ, ປັບປຸງບັນດາກິດຈະກໍາປ້ອງກັນຢ່າງມີປະສິດທິຜົນ. ກະຊວງປ້ອງກັນປະເທດ ຊີ້ນໍາກໍາລັງປະກອບອາວຸດສອງນະຄອນຕ້ອງຮັກສາລະບອບເວນຍາມກຽມພ້ອມສູ້ຮົບຢ່າງເຂັ້ມງວດ, ກໍາແໜ້ນສະພາບການໃນບໍລິເວນ, ສົມທົບກັນກັບກໍາລັງຕໍາຫຼວດຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢ່າງໝັ້ນຄົງ, ປະຕິບັດສໍາເລັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ.

ທ່ານພົນໂທ ເຈິ່ນເດິນ

ກ່າວຄໍາເຫັນສະຫຼຸບກອງປະຊຸມ, ທ່ານພົນໂທ ເຈິ່ນເດິນ ຮັບຮູ້, ຍ້ອງຍໍຊົມເຊີຍບັນດາໝາກຜົນທີ່ບັນລຸໄດ້ຂອງບັນດາອົງການ, ກົມກອງໃນການສົມທົບກັບຄະນະພັກ, ອໍານາດການປົກຄອງ, ບັນດາຄະນະ, ຂະແໜງການ, ອົງການຈັດຕັ້ງມະຫາຊົນທ້ອງຖິ່ນປະຕິບັດໜ້າທີ່ການທະຫານ-ການປ້ອງກັນຊາດຕິດພັນກັບການພັດທະນາເສດຖະກິດ-ວັດທະນະທໍາ-ສັງຄົມໃນໄລຍະຜ່ານມາ. ບົນພື້ນຖານແຜນການວຽກງານສົມທົບກັນໃນປີ 2018 ແລະບັນດາບັນຫາທີ່ໄດ້ວາງອອກຈາກພຶດຕິກຳຕົວຈິງ, ທ່ານພົນໂທ ເຈິ່ນເດິນ ໄດ້ມອບໝາຍໃຫ້ກົມສູ້ຮົບ (ກົມໃຫຍ່ເສນາທິການ)-ອົງການປະຈໍາການຂອງກຸ່ມປະຕິບັດງານກະຊວງປ້ອງກັນປະເທດສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງສອງນະຄອນ, ກໍານົດບັນດາເນື້ອໃນຕາມແຕ່ລະວຽກງານ, ສະເໜີບັນດາວິທີການແກ້ໄຂ, ລາຍງານໃຫ້ກຸ່ມປະຕິບັດງານກະຊວງປ້ອງກັນປະເທດຊີ້ນໍາບັນດາອົງການ, ກົມກອງປະຕິບັດຢ່າງຄົບຊຸດ, ມີປະສິດທິຜົນ.

（ແຫຼ່ງ​ຂໍ້​ມູນ​： ກປ.ອອນໄລ）