| ຊົມຄວາມງາມອັນງົດງາມຂອງນ້ຳຕົກຕາດ ບ້ານຢົກ ກາວບັ່ງ | |
| ມາ ກາວບັ່ງ ເພື່ອຊົມທັດສະນີຍະພາບທີ່ສວຍງາມຄືດັ່ງພາບແຕ້ມ |
ບ່ອນທີ່ບົດເພງສັນລະເສີນພະເຈົ້າ ດັງກ້ອງກັງວານ
ທຸກໆຕອນເຊົ້າວັນພະຫັດ ແລະ ຕອນບ່າຍວັນອາທິດ, ຈຸດກຸ່ມດໍາເນີນຊີວິດສາສະໜາ ໂປເຕັດສະຕັງ ຢູ່ເຮືອນຂອງທ່ານ ຮວ່າງອາຢີ (ບ້ານ ປາກຢາ, ຕາແສງ ຫຼີບົນ, ເມືອງ ບ໋າວເລີ່ມ, ແຂວງ ກ່າວບັ່ງ) ກໍ່ມີສຽງບັນດາບົດເພງສັນລະເສີນພະເຈົ້າ, ຄຳສອນຜູກຄຳພີດັງກ້ອງຂຶ້ນ. ບໍ່ພຽງແຕ່ແມ່ນສະຖານທີ່ດໍາເນີນຊີວິດທາງສາສະໜາເທົ່ານັ້ນ, ນີ້ຍັງແມ່ນສະຖານທີ່ ເພື່ອຍາດຕິພີ່ນ້ອງ ໄດ້ພົບປະ, ແລກປ່ຽນບັນດານະໂຍບາຍຂອງພັກ, ລັດ, ຄວາມຮູ້ດ້ານກົດໝາຍ ກໍຄືແບ່ງປັນວິທີດຳເນີນທຸລະກິດ, ມຸ່ງໄປເຖິງບັນດາສິ່ງທີ່ດີ.
ມື້ນີ້, ໃນພິທີວັນອາທິດ, ອ້າຍ ມາວັນບິ່ງ (ຢູ່ໝູ່ບ້ານ ປາກຢາ) ໄດ້ນຸ່ງໂສ້ງສີດຳ, ເສື້ອເສີດສີຂາວ, ເກີບໜັງຈາກຝ່າຍຕາເວັນຕົກ, ມາຮອດຈຸດກຸ່ມນັດພົບກ່ອນເວລາໜຶ່ງຊົ່ວໂມງ ເພື່ອຝຶກບົດເພງສັນລະເສີນພະເຈົ້າບົດໃໝ່. “ບົດເພງພາວະນາເຖິງພະເຈົ້າ ເພື່ອຊ່ວຍໃຫ້ທ່ານປ່ຽນແປງຕົວເອງ, ມັນມີທຳນອງຂຶ້ນໆລົງໆ, ຮຽກຮ້ອງໃຫ້ມີການຝຶກເປັນຫຼາຍຄັ້ງ”, ອ້າຍ ບິ່ງ ແບ່ງປັນ.
ໂດຍເຂົ້າຮ່ວມສາສະໜາ ໂປເຕັດສະຕັງ ນັບແຕ່ປີ 2021, ທ່ານ ບິ່ງ ໃຫ້ຮູ້ວ່າ ຊີວິດການເປັນຢູ່ຂອງຕົນ ໄດ້ມີການປ່ຽນແປງຢ່າງຕັ້ງໜ້າ, ຍາດຕິພີ່ນ້ອງຜູ້ເຊື່ອຖືສາສະໜາ ໂປເຕັດສະຕັງ ມີຄວາມສະໜິດຕິດພັນຄືອ້າຍນ້ອງ. “ປະຈຸບັນ, ຂາ້ພະເຈົ້າເຕົ້າໂຮມສູບຢາ, ດື່ມເຫຼົ້າໜ້ອຍລົງ, ຢູ່ແຕ່ເຮືອນເຮັດນາໄຮ່, ລ້ຽງງົວໃຫ້ພໍ່ແມ່. ທຸກໆອາທິດ, ໃນຄືນວັນເສົາ ຂ້າພະເຈົ້າຈະໄປຈຸດກຸ່ມ ເພື່ອຮຽນຮ້ອງເພງ, ຫຼິ້ນເປຍໂນ, ກີຕ້າ ແລະ ໄປເຮັດພິທີໃນວັນອາທິດ”, ອ້າຍ ບິ່ງ ກ່າວ.
ຕາມທ່ານ ເຮົ່າອາຫຼື ແລ້ວ, ຮອງຫົວໜ້າຈຸດກຸ່ມ ໂປເຕັດສະຕັງ ຕາແສງ ປາກຢາ ແລ້ວ, ຈຸດກຸ່ມນີ້ ຍັງບໍ່ໄດ້ຮັບອະນຸຍາດ ເພາະຍັງຂາດບາງເງື່ອນໄຂ, ແຕ່ສາສະນິກກະຊົນຍັງໄດ້ຮັບການອໍານວຍຄວາມສະດວກຈາກອໍານາດການປົກຄອງທຸກຂັ້ນ ເພື່ອດໍາເນີນກິດຈະກໍາປະຈໍາອາທິດ. “ທຸກໆຄັ້ງທີ່ດໍາເນີນກິດຈະກໍາ, ພວກຂາ້ພະເຈົ້າ ຍັງຕັກເຕືອນໃຫ້ຍາດຕິພີ່ນ້ອງປະຕິບັດຕາມລະບຽບການຂອງລັດ, ເຮັດວຽກໃຫ້ດີ ແລະ ຮັບປະກັນຄວາມປອດໄພ ແລະ ຄວາມເປັນລະບຽບຮຽບຮ້ອຍ. ອໍານາດການປົກຄອງ ພວມເເນະນຳໃຫ້ພວກຂາ້ພະເຈົ້າເຮັດສຳເລັດສຳເນົາເອກະສານ ເພື່ອສະເໜີມອບໃບອະນຸຍາດໃຫ້ດໍາເນີນກິດຈະກຳເຕົ້າໂຮມ".
 |
| ຜູ້ເຊື່ອຖືທີ່ການດຳເນີນຊີວິດທາງສາດສະໜາ. (ພາບ: ແທ່ງລວນ) |
ຢູ່ໝູ່ບ້ານ ນາກ່າ, ເທດສະບານ ປາກເມົ່າ, ເມືອງ ບ່າວເລີ່ມ, ປະຈຸບັນມີ 2 ຈຸດກຸ່ມ ໂປເຕັດສະຕັງ ພວມດຳເນີນຊີວິດ: ຈຸດກຸ່ມຂອງຊາວ ມົ້ງ ໂດຍທ່ານ ຮວ່າງວັນຊຸງ ເປັນຫົວໜາ້ກຸ່ມ ແລະ ຈຸດກຸ່ມຂອງຊາວ ຢ້າວ ໂດຍທ່ານ ຈ່າວເວີ່ນຟີນ ເປັນຫົວໜາ້ກຸ່ມ.
ທ່ານ ຮວ່າງວັນຊຸງ ໃຫ້ຮູ້ວ່າ: ຍ້ອນພູມສັນຖານ, ເສັ້ນທາງທີ່ຫຍຸ້ງຍາກ, ຍາດຕິພີ່ນ້ອງ ໄປມາຫາສູ່ກັນກໍ່ລຳບາກ ສະນັ້ນ ຄອບຄົວຂອງຂ້າພະເຈົ້າໄດ້ຍ້າຍໄປຢູ່ບ່ອນອື່ນເພື່ອດຳລົງຊີວິດ, ໃຫ້ຍາດຕິພີ່ນ້ອງຢືມເຮືອນເພື່ອດຳເນີນກິດຈະກຳເຄື່ອນໄຫວ. ໃນຖານະເປັນຫົວຫນ້າກຸ່ມ, ຂ້າພະເຈົ້າ ຈະສອນຜູກຄຳພີ, ອະທິບາຍຕໍ່ຍາດຕິພີ່ນ້ອງກ່ຽວກັບແຜນນະໂຍບາຍຂອງພັກ, ລັດ ເພື່ອໃຫ້ຍາດຕິພີ່ນ້ອງບໍ່ໄປຜິດກ່ຽວກັບທິດທາງຂອງແຜນນະໂຍບາຍ, ນະໂຍບາຍ ແລະ ໄດ້ສະແດງຄວາມສັດທາຂອງຕົນຢ່າງເສລີ.
ຕາມ ເອື້ອຍ ຊຸງທິຢິວ (ໝູ່ບ້ານ ນາກ່າ) ແລ້ວ, ໃນເມື່ອກ່ອນ, ຄອບຄົວຂອງເອື້ອຍຈະຂ້າມແມ່ນ້ຳ ເພື່ອໄປດຳເນີນຊີວິດທາງສາສະໜາ. ນັບແຕ່ວັນທີ່ມີຈຸດດຳເນີນກິດຈະກຳທາງສາສະໜາເຕົ້າໂຮມກັນຢູ່ເຮືອນຂອງທ່ານ ຮວ່າງວັນຊຸງ ແລ້ວ, ຄອບຄົວຂອງເອື້ອຍກໍ່ໄດ້ເດີນທາງໄປດ້ວຍໄລຍະທາງທີ່ໃກ້ກວ່າ 2 ກິໂລແມັດ. ຍ້ອນການໜູນຊ່ວຍຂອງອຳນາດການປົກຄອງ, ປະຈຸບັນ, ຖະໜົນຫົນທາງໃນໝູ່ບ້ານໄດ້ປູດ້ວຍຊີມັງ, ມີໄຟເຢືອງທາງເຮັດໃຫ້ຍາດຕິພີ່ນ້ອງສາມາດເດີນທາງໄປມາໄດ້ສະດວກສະບາຍ, ເຂົ້າຮ່ວມບັນດາການດຳເນີນກິດຈະກຳຢ່າງເຕັມທີ່.
ສ້າງເງື່ອນໄຂໃຫ້ຍາດຕິພີ່ນ້ອງສະແດງຄວາມສັດທາ
ເພື່ອສ້າງເງື່ອນໄຂໃຫ້ຊາວຊົນເຜົ່າສ່ວນໜ້ອຍຢູ່ເຂດຊາຍແດນ ດຳເນີນກິດຈະກຳສາສະໜາຢ່່າງເສລີ, ອຳນາດການປົກຄອງແຂວງ ກ່າວບັ່ງ ທຸກຂັ້ນ ໄດ້ຜັນຂະຫຍາຍຫຼາຍມາດຕະການ, ວຽກເຮັດທີ່ແທດຈິງ, ໃນນັ້ນມີຮູບແບບ “ຈຸດກຸ່ມສາສະໜາທີ່ປົກຄອງເອງກ່ຽວກັບຄວາມປອດໄພ, ຄວາມເປັນລະບຽບຮຽບຮ້ອຍ”. ນີ້ແມ່ນຮູບແບບທີ່ກະຊວງຕຳຫຼວດໄດ້ເລືອກເອົາເປັນໜຶ່ງໃນບັນດາຮູບແບບທີ່ພົ້ນເດັ່ນ ໃນຂະບວນການທົ່ວປວງຊົນປົກປັກຮັກສາຄວາມໝັ້ນຄົງແຫ່ງຊາດ, ພ້ອມກັນນັ້ນ ກໍ່ປະກອບສ່ວນຮັບປະກັນສິດເສລີໃນການເຊື່ອຖືສາສະໜາຂອງ ຫວຽດນາມ.
 |
| ຜູ້ຕາງໜ້າອຳນາດການປົກຄອງ ແລະອົງການເຈົ້າໜ້າທີ່ ມອບກິດຈະການ “ແສງສະຫວ່າງແຫ່ງຄວາມໝັ້ນຄົງ” ໃຫ້ປະຊາຊົນບ້ານ ນາກ່າ, ເທດສະບານ ປາກເມົ່າ, ເມືອງ ບ່າວເລີ່ມ, ແຂວງ ກ່າວບັ່ງ. (ພາບ: ແທ່ງລວນ) |
ຜ່ານການຕິດຕາມສະພາບການ, ຕຳຫຼວດຂອງເທດສະບານ ປາກເມົ່າ ເຫັນວ່າ ຈຸດກຸ່ມ ໂປເຕັດສະຕັງ ຂອງຊາວ ມົ້ງ ຢູ່ໝູ່ບ້ານ ນາກ່າ ມີນ້ຳໃຈສາມັກຄີ, ຮັກແພງເຊິ່ງກັນ ແລະ ກັນ, ປະຕິບັດແນວທາງ, ແຜນນະໂຍບາຍຂອງພັກ, ນະໂຍບາຍກົດໝາຍຂອງລັດ ແລະ ກົດລະບຽບຂອງທ້ອງຖິ່ນ ກ່ຽວກັບານຄຸ້ມຄອງ, ດຳເນີນກິດຈະກໍາທາງສາສະຫນາໄດ້ເປັນຢ່າງດີ. ພໍ່ແມ່ປະຊາຊົນ, ຜູ້ມີຍົດສັກ ແລະ ສາສະນິກະຊົນຢູ່ຈຸດກຸ່ມ ໂປເຕັດສະຕັງ ຊາວ ມົ້ງ ໄດ້ເຫັນດີເປັນເອກະພາບທັງໝົດຕໍ່ການກໍ່ສ້າງຮູບແບບຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍຢູ່ຈຸດກຸ່ມ.
ສະນັ້ນ, ວັນທີ 20 ມິຖຸນາ 2024, ຄະນະກຳມະການປະຊາຊົນເທດສະບານ ປາກເມົ່າໄດ້ອອກມະຕິກ່ຽວກັບການສ້າງຮູບແບບ “ຈຸດກຸ່ມສາສະໜາປົກຄອງເອງກ່ຽວກັບຄວາມປອດໄພ, ຄວາມເປັນລະບຽບຮຽບຮ້ອຍ” ຢູ່ໝູ່ບ້ານ ນາກ່າ, ທ່ານ ຮວ່າງວັນຊຸງ, ຫົວໜ້າຈຸດກຸ່ມ ໂປເຕັດສະຕັງ ຊາວມົ້ງ ຢູ່ ໝູ່ບ້ານ ນາກ່າ ເປັນຫົວໜ້າຄະນະຊີ້ນຳຮູບແບບ. ເປົ້າໝາຍເຄື່ອນໄຫວຂອງຮູບແບບ ແມ່ນເພື່ອຫຼຸດຜ່ອນເງື່ອນໄຂ, ປັດໄຈທີ່ກໍ່ໃຫ້ເກີດອາດຊະຍາກຳຢູ່ບໍລິເວນຮາກຖານ ແລະ ໃນສາສະໜາ; ເສີມຂະຫຍາຍຄວາມເປັນເຈົ້າການ, ປະສິດທິພາບຂອງບຸກຄົນ, ຜູ້ເຊື່ອຖືແຕ່ລະຄົນໃນວຽກງານກຳແໜ້ນສະພາບການ, ປ້ອງກັນ, ຕໍ່ສູ້ກັບອາດຊະຍາກຳ ແລະ ບັນດາການລະເມີດກົດໝາຍ. ການເຂົ້າຮ່ວມຮູບແບບ ຍັງຊ່ວຍໃຫ້ປະຊາຊົນດຳລົງຊີວິດທີ່ດີງາມ, ຮັບໃຊ້ຢ່າງມີປະສິດທິຜົນໃນການພັດທະນາເສດຖະກິດ, ວັດທະນະທຳ, ສັງຄົມຂອງຈຸດກຸ່ມ ໂປເຕັດສະຕັງ ຊາວມົ້ງ, ໝູ່ບ້ານ ນາກ່າ ເວົ້າສະເພາະ ແລະ ເທດສະບານ ປາກເມົ່າ, ເມືອງ ບ໋າວເລີ່ມ, ແຂວງ ກ່າວບັ່ງ ເວົ້າລວມ.
ໂດຍແບ່ງປັນກ່ຽວກັບແຜນການເຄື່ອນໄຫວຂອງຮູບແບບ, ທ່ານ ຮວ່າງວັນຊຸງ ໃຫ້ຮູ້ວ່າ ຈະເພີ່ມທະວີບົດບາດຄຸ້ມຄອງຂອງຄະນະຊີ້ນຳ, ຜູ້ມີຍົດສັກໃນຈຸດກຸ່ມ; ປະຕິບັດບັນດາຂໍ້ກຳນົດຂອງກົດໝາຍວ່າດ້ວຍສາສະໜາ ເປັນຢ່າງດີ; ສົມທົບກັບກຳລັງເຈົ້າທີ່ເພື່ອແກ້ໄຂບັນດາຄະດີຢ່າງວ່ອງໄວ, ທັນການ, ມີປະສິດທິຜົນ ເພື່ອຮັບປະກັນສະຖຽນລະພາບດ້ານຄວາມໝັ້ນຄົງ, ການເມືອງ, ສາສະໜາ, ຄວາມເປັນລະບຽບຮຽບຮ້ອຍທາງສັງຄົມໃນຈຸດກຸ່ມ ແລະ ບໍລິເວນໝູ່ບ້ານ ນາກ່າ. ພ້ອມກັນນັ້ນ, ກໍ່ໃຫ້ຖືເປັນສຳຄັນວຽກງານແລກປ່ຽນ, ສ່ອງແສງຂໍ້ມູນຢ່າງຄົບຖ້ວນ ເພື່ອຮັບປະກັນຢ່າງທັນການ, ສົມທົບກັນໃນການແກ້ໄຂທຸກສະພາບການ, ເຫດການເກີດຂຶ້ນທີ່ກ່ຽວຂ້ອງເຖິງຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຢູ່ຈຸດກຸ່ມ ເວົ້າສະເພາະ, ທົ່ວໝູບ້ານ ເວົ້າລວມ. ຍູ້ແຮງວຽກງານສົມທົບກັນໃນວຽກງານການສ້າງຂະບວນການທົ່ວປວງຊົນປົກປັກຮັກສາຄວາມໝັ້ນຄົງແຫ່ງຊາດ, ຍົກສູງປະສິດທິຜົນການປ້ອງກັນ, ຕໍ່ຕ້ານອາດຊະຍາກຳທຸກປະເພດ.
ດ້ວຍການໜູນຊ່ວຍ ແລະ ອຳນວຍຄວາມສະດວກຈາກອຳນາດການປົກຄອງທຸກຂັ້ນ, ຊີວິດທາງດ້ານຈິດໃຈ ແລະ ສິດເສລີທາງດ້ານສາສະໜາຂອງຊົນເຜົ່າສ່ວນໜ້ອຍຢູ່ ກ່າວບັ່ງ ກໍ່ໄດ້ຮັບການຮັບປະກັນ, ປະກອບສ່ວນສຳຄັນເຂົ້າໃນຄວາມໝັ້ນຄົງ ແລະ ການພັດທະນາຂອງທ້ອງຖິ່ນ. ຄວາມພະຍາຍາມເຫຼົ່ານີ້ ບໍ່ພຽງແຕ່ຊ່ວຍໃຫ້ຍາດຕິພີ່ນ້ອງປະຕິບັດຕາມຄວາມສັດທາຂອງຕົນ, ຫາກຍັງປະກອບສ່ວນໃນການສ້າງຊຸມຊົນທີ່ໃກ້ຊິດ, ສາມັກຄີ ແລະ ພັດທະນາແບບຍືນຍົງອີກດ້ວຍ.
ມີງດຶກ
