 |
ໜີ້ສາທາລະນະ ສ.ອາເມຣິກາ ບັນລຸ 22.000 ຕື້ກວ່າໂດລາສະຫະລັດ
ກະຊວງການເງິນ ອາເມຣິກາ ໄດ້ເປີດເຜີຍຕົວເລກສະຖິຕິເມື່ອບໍ່ດົນມານີ້ວ່າ: ຍອດຈຳນວນໜີ້ສາທາລະນະຂອງ ສ.ອາເມຣິກາ ໄດ້ບັນລຸເຖິງ 22.000 ຕື້ກວ່າ ໂດລາສະຫະລັດ ເປັນສະຖິຕິສູງສຸດຄັ້ງໃໝ່. ສຳລັບໜີ້ເພີ່ມຂຶ້ນຄັ້ງນີ້ຈະສົ່ງຜົນເຮັດໃຫ້ຕົ້ນທຶນດອກເບ້ຍເພີ່ມຂຶ້ນຢ່າງສູງ ແລະ ອາດຈະເປັນການກົດດັນຕໍ່ເສດຖະກິດ ແລະ ເຮັດໃຫ້ລັດຖະບານຫຍຸ້ງຍາກໃນການສະໜອງທຶນໃຫ້ແກ່ໂຄງການລົງທຶນທີ່ສຳຄັນໃນຕໍ່ໜ້າ. ພາຍຫລັງ ທ່ານ ໄມເຄີນ ປີເຕີເຊິນ, ຫົວໜ້າຄະນະບໍລິຫານງານກອງທຶນປີເຕີເຊິນທີ່ຕິດຕາມບັນຫາການເງິນ ສ.ອາເມຣິກາ ໄດ້ອອກຖະແຫລງການສະບັບໜຶ່ງ ໂດຍຊີ້ໃຫ້ເຫັນວ່າ: ໃນ 11 ເດືອນຜ່ານມາ, ໜີ້ສາທາລະນະຂອງລັດຖະບານ ສ.ອາເມຣິກາ ໄດ້ເພີ່ມຂຶ້ນ 1.000 ຕື້ໂດລາສະຫະລັດ ເຮັດໃຫ້ໜີ້ດັ່ງກ່າວທະລຸເຖິງ 22.000 ຕື້ກວ່າໂດລາສະຫະລັດຢ່າງວ່ອງໄວເຊິ່ງເປັນການສະແດງໃຫ້ເຫັນວ່າສະພາບການເງິນ ສ.ອາເມຣິກາ ບໍ່ພຽງແຕ່ບໍ່ສາມາດສືບຕໍ່ຄວບຄຸມໄດ້ເທົ່ານັ້ນແຕ່ຍັງມີທ່າອ່ຽງຮ້າຍແຮງຂຶ້ນຕື່ມອີກ.
（ແຫຼ່ງຂໍ້ມູນ： ຂປລ）
