ລາຍການດັ່ງກ່າວ ແມ່ນໜຶ່ງໃນບັນດາການເຄື່ອນໄຫວຕ້ອນຮັບປີໃໝ່ລາວ ແລະ ປີໃໝ່ກຳປູເຈຍ Chol Chnam Thmay ສຳລັບນັກສຶກສາຕ່າງປະເທດ. ໂດຍເຂົ້າຮ່ວມລາຍການມີຄູອາຈານໜ່ວຍພາສາ ຫວຽດນາມ ພ້ອມກັບນັກສຶກສາລາວ, ກຳປູເຈຍກວ່າ 300 ຄົນ ທີ່ພວມຮ່ຳຮຽນຢູ່ໂຮງຮຽນ.
ຢູ່ພື້ນທີ່ວັດທະນະທຳພາກຕາເວັນຕົກສຽງເໜືອຢູ່ໝູ່ບ້ານຊົນເຜົ່າ ຜູ້ໄທ, ບັນດານັກສຶກສາຕ່າງປະເທດ ກໍໄດ້ຮຽນຮູ້ກ່ຽວກັບສະຖາປັດຕະຍະກຳເຮືອນຮ້ານ; ມ່ວນຊື່ນກັບຟ້ອນແຊ່ວພື້ນເມືອງຂອງຊາວຊົນເຜົ່າ ຜູ້ໄທ; ເຂົ້າຮ່ວມການລະຫຼິ້ນພື້ນເມືອງທີ່ເປັນເອກະລັກສະເພາະຄື: ເຕັ້ນສາບ, ເດື່ອງດ່າງ, ຂີ່ໄມ້ໂຢກເຢກ, ແກວ່ງໝາກຄອນ...
 |
| ນັກສຶກສາຕ່າງປະເທດລອງຫຼິ້ນດົນຕີພື້ນເມືອງ. |
ມາຮອດເຂດວັດທະນະທຳ ໄຕງວຽນ, ຢຸດຢູ່ໝູ່ບ້ານຊົນເຜົ່າ ເຊີດັ່ງ (ກອນຕູມ) ແລະ ຢ້ຽມຢາມໝູ່ບ້ານ ເອເດ (ດັກລັກ), ບັນດານັກສຶກສາຕ່າງປະເທດ ໄດ້ຮຽນຮູ້ກ່ຽວກັບສະຖາປັດຕະຍະກຳຂອງເຮືອນ ຣົງ, ໄດ້ຟັງບັນດາບົດເພງ, ການຮ້ອງເພງຂອງບ່າວສາວ ເອເດ ກໍຄືມ່ວນຊື່ນກັບການສະແດງປະສານສຽງ ແລະ ພ້ອມກັນລົງຕົວຈິງລອງຫຼິ້ນບັນດາເຄື່ອງດົນຕີກະຈັບປີ ເຕີຣຶງ, ກະຈັບປີ ກຣອງ ປຸດ...
ພິເສດ, ບັນດານັກສຶກສາລາວ ມີບັນດາການລົງຕົວຈິງທີ່ໜ້າຈັບໃຈຢູ່ໝູ່ບ້ານວັດທະນະທໍາບັນດາຊົນເຜົ່າລາວ, ບັນດານັກສຶກສາກໍາປູເຈຍ ໄດ້ຮຽນຮູ້, ໄປຖະຫວາຍທູບທຽນ, ດອກໄມ້, ໄຫວ້ພະພຸດທະເຈົ້າຢູ່ວັດ ຂະແມ...
ທ່ານນາງ ເລຫງອກ, ຄູສອນໜ່ວຍພາສາ ຫວຽດນາມ, ໂຮງຮຽນມິດຕະພາບ 80 ໃຫ້ຮູ້ວ່າ ການລົງທັດສະນະຕົວຈິງຢູ່ໝູ່ບ້ານວັດທະນະທຳບັນດາເຜົ່າ ຫວຽດນາມ ເປັນວັນອັດວັນບຸນປີໃໝ່ທີ່ພິເສດ ພ້ອມກັບນັກຮຽນລາວ, ກຳປູເຈຍ. ຢູ່ທີ່ນີ້, ຄູອາຈານ ແລະ ນັກຮຽນກໍ່ໄດ້ຊິມບັນດາອາຫານພິເສດຂອງເຂດພາກ, ເຂົ້າຮ່ວມການລະຫຼີ້ນພື້ນເມືອງທີ່ເປັນເອກະລັກສະເພາະ... ນີ້ກໍ່ແມ່ນຮູບແບບມ່ວນຊື່ນທີ່ເປັນປະໂຫຍດ ພາຍຫຼັງການຮ່ຳຮຽນໃນຫ້ອງທີ່ເຄັ່ງຕຶງ, ຊ່ວຍໃຫ້ບັນດານັກສຶກສາຕ່າງປະເທດ ມີທີ່ຄວາມຊົງຈຳອັນດີງາມທີ່ສຸດໃນໄລຍະທີ່ຮຽນຢູ່ໂຮງຮຽນມິດຕະພາບ 80.
ທ່ານນາງ ເລຫງອກ ຫວັງວ່າ ການເຄື່ອນໄຫວ ຈະຊ່ວຍໃຫ້ນັກສຶກສາຕ່າງປະເທດເຂົ້າໃຈຢ່າງເລິກເຊິ່ງກວ່າກ່ຽວກັບຄວາມສາມັກຄີ, ຄວາມຫຼາກຫຼາຍທີ່ເປັນເອກະພາບຂອງ 54 ຊົນເຜົ່າອ້າຍນ້ອງ, ຈາກນັ້ນ ກໍ່ອະນຸລັກຮັກສາ ແລະ ເສີມຂະຫຍາຍສີສັນວັດທະນະທຳຂອງຊົນເຜົ່າ ຫວຽດນາມ.
ມິງດຶກ
