| ຫວຽດນາມ ປາດຖະໜາຢາກເພີ່ມທະວີການຮ່ວມມືກັບອົງການສະມັດຊາລັດຖະສະພາຝຣັ່ງໂກໂຟນີ (APF) | |
| ລາວ - ສະຫະພັນລັດເຊຍ ເຫັນດີເປັນເອກະພາບເພີ່ມທະວີການຮ່ວມມືສອງຝ່າຍກ່ຽວກັບດ້ານການຄ້າ ແລະ ການລົງທຶນ |
ວັນທີ 6 ມີນາ, ຢູ່ນະຄອນວີງ, ສະຫາຍ ຖາຍແທັງກຸຍ ເລຂາພັກແຂວງເງະອານ ໄດ້ໃຫ້ການຕ້ອນຮັບສະຫາຍ ອາລຸນໄຊ ສູນນະລາດ, ກຳມະການຄະນະບໍລິຫານງານສູນກາງພັກປະຊາຊົນປະຕິວັດລາວ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີລາວ ແລະບັນດາສະຫາຍໃນຄະນະປະຕິບັດງານມາຢ້ຽມຢາມ, ເຮັດວຽກຢູ່ແຂວງເງະອານ.
ກ່າວຄຳເຫັນທີ່ການພົບປະ, ສະຫາຍ ຖາຍແທັງກຸຍ ເລຂາພັກແຂວງເງະອານ ໄດ້ສະແດງຄວາມປິຕິຊົມຊື່ນເມື່ອໄດ້ຕ້ອນຮັບຄະນະປະຕິບັດງານລາວ ມາຢ້ຽມຢາມ, ເຮັດວຽກຢູ່ນະຄອນເງະອານ ແລະອວຍພອນໃຫ້ການປະຕິບັດງານຂອງຄະນະຢູ່ແຂວງເງະອານ ປະສົບຜົນສຳເລັດຢ່າງຈົບງາມ.
 |
| ສະຫາຍ ຖາຍແທັງກຸຍ ເລຂາພັກແຂວງເງະອານ ຕ້ອນຮັບສະຫາຍ ອາລຸນໄຊ ສູນນະລາດ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີລາວ. ພາບ: truyenhinhnghean.vn |
ຕາງໜ້າຄະນະ, ສະຫາຍ ອາລຸນໄຊ ສູນນະລາດ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີລາວ ສະແດງຄວາມຂອບໃຈຕໍ່ການຕ້ອນຮັບຄະນະຢ່າງສົມກຽດຂອງການນຳແຂວງເງະອານ. ໃນການຢ້ຽມຢາມແຂວງເງະອານ ຄັ້ງນີ້, ຄະນະປາດຖະໜາຢາກແລກປ່ຽນບົດຮຽນໃນການກໍ່ສ້າງບັນດາເຂດອຸດສາຫະກຳໃນບໍລິເວນແຂວງ; ພ້ອມທັງຜ່ານການຢ້ຽມຢາມ ຈະເພີ່ມພູນຄູນສ້າງສາຍພົວພັນມິດຕະພາບລະຫວ່າງລາວ-ຫວຽດນາມ ເວົ້າລວມ ແລະແຂວງເງະອານ ກັບບັນດາທ້ອງຖິ່ນຂອງລາວ ເວົ້າສະເພາະ.
ທີ່ການພົບປະ, ສະຫາຍ ອາລຸນໄຊ ສູນນະລາດ ຫວັງວ່າ ສອງແຂວງເງະອານ ແລະຄຳມ່ວນ ຈະສືບຕໍ່ເສີມຂະຫຍາຍສາຍພົວພັນຮ່ວມມື, ພັດທະນາ, ເປັນຕົ້ນແມ່ນໃນອຸດສາຫະກຳປຸງແຕ່ງ; ພັດທະນາການທ່ອງທ່ຽວລະຫວ່າງແຂວງເງະອານ ແລະບັນດາແຂວງຂອງລາວ ທີ່ມີເສັ້ນທາງຊາຍແດນຮ່ວມກັນ. ເນື່ອງໃນໂອກາດນີ້, ສະຫາຍ ອາລຸນໄຊ ສູນນະລາດ ກໍ່ໄດ້ສົ່ງຄຳເຊື້ອເຊີນການນຳແຂວງເງະອານ ມາຢ້ຽມຢາມບັນດາແຂວງຂອງລາວ.
ບູນມີ
