| ນະຄອນ ຮ່າໂນ້ຍ ນຳໜ້າທົ່ວປະເທດກ່ຽວກັບການດຶງດູດໂຄງການ FDI | |
| ສະມາຄົມມິດຕະພາບ ຫວຽດນາມ - ລາວ ນະຄອນ ຮ່າໂນ້ຍ ເສີມຂະຫຍາຍມູນເຊື້ອສາມັກຄີມິດຕະພາບ ຫວຽດນາມ - ລາວ |
ຕາມການແນະນຳຂອງສະຫະພັນແຮງງານນະຄອນ ຮ່າໂນ້ຍ, ຂະແໜງການ ໄດ້ໜູນຊ່ວຍ ແລະ ມອບຂອງຂວັນໃຫ້ພະນັກງານ, ຄູອາຈານ 2.202 ຄົນ ແລະ ນັກຮຽນ 151 ຄົນດ້ວຍຍອດຈຳນວນເງິນເກືອບ 2 ຕື້ດົ່ງ. ໃນນັ້ນ, ສະຫະພັນແຮງງານນະຄອນກໍໄດ້ໜູນຊ່ວຍພະນັກງານ, ຄູອາຈານທີ່ປະສົບກັບຄວາມຫຍຸ້ງຍາກ 275 ຄົນດ້ວຍຈຳນວນເງິນເກືອບ 373 ລ້ານດົ່ງ, ມອບ 62 ລ້ານດົ່ງເປັນຂອງຂວັນໃຫ້ພັນລະຍາທະຫານ 31 ຄົນທີ່ເຮັດວຽກຢູ່ເກາະ. ຂະແໜງການສຶກສາ ຮ່າໂນ້ຍ ໄດ້ໜູນຊ່ວຍພະນັກງານ, ຄູອາຈານທີ່ປະສົບກັບຄວາມຫຍຸ້ງຍາກ 1.754 ຄົນດ້ວຍຍອດຈຳນວນເງິນເກືອບ 1,5 ຕື້ດົ່ງ; ມອບຂອງຂວັນໃຫ້ພະນັກງານ, ຄູອາຈານທີ່ເປັນເມຍທີ່ເປັນລູກຫຼານຂອງທະຫານທີ່ເຮັດວຽກຢູ່ເກາະ 31 ຄົນ ແລະ ນັກຮຽນທີ່ເປັນລູກຫຼານຂອງທະຫານທີ່ເຮັດວຽກຢູ່ເກາະ 111 ຄົນດ້ວຍມູນຄ່າທັງໝົດ 71 ລ້ານດົ່ງ.
 |
|
|
ຄຽງຄູ່ກັບການເອົາໃຈໃສ່, ຫ່ວງໃຍ, ຢ້ຽມຢາມຄະນະຄູອາຈານ ແລະ ນັກຮຽນທີ່ປະສົບກັບຄວາມຫຍຸ້ງຍາກ ໄດ້ຜັນຂະຫຍາຍຢ່າງແທດຈິງ ແລະ ມີປະສິດທິຜົນຂອງອົງການກຳມະບານຂະແໜງການສຶກສາ ຮ່າໂນ້ຍ ແລ້ວນັ້ນ, ບັນດາຫົວໜ່ວຍໃນທົ່ວຂະແໜງກໍໄດ້ຈັດຕັ້ງບັນດາການເຄື່ອນໄຫວພົບປະ, ມອບຂອງຂວັນ ແລະ ຢ້ຽມຢາມຄູອາຈານ ແລະ ນັກຮຽນເປົ້າໝາຍນະໂຍບາຍ. ບັນດາໂຮງຮຽນມີຫຼາຍການເຄື່ອນໄຫວວັດທະນະທຳ, ສິລະປະ, ກິລາ, ຈັດຕັ້ງຫໍ່ເຂົ້ົ້າຕົ້ົ້ມ, ການພົບປະມື້ທ້າຍປີ, ການພົບປະໃພ້ເຂີຍ... ສ້າງບັນຍາກາດທີ່ມ່ວນຊື່ນໃຫ້ແກ່ພະນັກງານ, ຄູອາຈານ.
ທ່ານຫົວໜ້າພະແນກສຶກສາ ແລະ ບຳລຸງສ້າງ ຮ່າໂນ້ຍ ເຈີ່ນເຖເກື່ອງ ໃຫ້ຮູ້ວ່າ ວັນທີ 30 ຫາ 31 ມັງກອນ, ຄະນະຫົວໜ້າພະແນກ ພ້ອມກັບຄະນະປະຈຳອົງການກຳມະບານຂະແໜງການຈະຈັດຕັ້ງ 5 ຄະນະໄປຢ້ຽມຢາມ, ມອບຂອງຂວັນໂດຍກົງໃຫ້ບັນດາຄູອາຈານທີ່ເປັນພະຍາດຮ້າຍແຮງ, ມີສະພາບການທີ່ປະສົບກັບຄວາມຫຍຸ້ງຍາກ, ພິເສດເພື່ອແບ່ງປັນ, ລະດົມໃຫ້ຢ່າງທັນການ. ເນື່ອງໃນໂອກາດນີ້, ຂະແໜງການ ຈະສົມທົບກັບບໍລິສັດ Vinfast ສ້າງເງື່ອນໄຂໃຫ້ພະນັກງານ, ຄູອາຈານ 280 ຄົນ ໄດ້ຊື້ລົດຈັກໄຟຟ້າດ້ວຍສ່ວນຫຼຸດລາຄາ 32%.
ມິງດຶກ
