 | ເຫງະອານຈັດຕັ້ງການໂຄສະນາກ່ຽວກັບປີມິດຕະພາບຫວຽດນາມ - ລາວ, ຫວຽດນາມ - ກຳປູເຈຍ. |
| ລາວ -ຫວຽດນາມ ຮ່ວມມືດ້ານ ກໍ່ສ້າງຊັບພະຍາກອນມະນຸດ ໃນຂົງເຂດການຄົ້ນຄວ້າ |
ສີສັນຂອງປະເທດດອກຈຳປາ ຢູ່ໃຈກາງນະຄອນຫຼວງຮ່າໂນ້ຍ
ດຳເນີນແຕ່ວັນທີ 13 – 18/12/2023, ສັບປະດາ ວັດທະນະທຳລາວ 2023 ຢູ່ ຫວຽດນາມ ໄດ້ແນະນຳ ບັນດາລາຍການສະແດງສິລະປະ ທີ່ເປັນເອກະລັກສະເພາະ ວັດທະນະທຳຂອງຊົນເຜົ່າ ແຕ່ລະພາກຂອງລາວ, ຮັກຫອມນໍ້າໃຈ ມິດຕະພາບ ທີ່ເປັນມູນເຊື້ອຫວຽດນາມ -ລາວ ເຊິ່ງສ້າງຄວາມປະທັບໃຈ ຢ່າງປະທັບໃຈຢ່າງເລິກເຊິ່ງ ທົ່ວປວງຊົນ.
ວັດທະນະທໍາດິນແດນລ້ານຊ້າງ
ວັນທີ 14/12 ໂຮງຮ້ອງເພງໃຫຍ່ຂອງຮ່າໂນ້ຍ ທີ່ເຕັມໄປຜູ້ຄົນມານັ່ງແຕ່ເວັນ. ມີນັກສຶກສາຫວຽດນາມ ແລະ ນັກສຶກສາສາກົນລາວ ທີ່ຮຽນຢູ່ມະຫາວິທະຍາໄລ ທ່ອງທ່ຽວຮ່າໂນ້ຍ, ມະຫາວິທະຍາໄລ ວັດທະນະທໍາຮ່າໂນ້ຍ ແລະ ໂຮງຮຽນຊັ້ນກາງ ສິລະປະຫວຽດນາມ ໄດ້ເຂົ້າຮ່ວມພິທີເປີດ ສັບປະດາ ວັດທະນະທຳລາວ ຢູ່ຫວຽດນາມ ປີ 2023. ວົງຄະນາຍາດ ຄົນຕ່າງລາວຢູ່ຫວຽດນາມ ໄດ້ຍິນຂ່າວວ່າ ຄະນະສິລະປະລາວ ຈະມາສະແດງ, ເຂົາເຈົ້າກໍ່ມີຄວາມດີໃຈ ແລະມາໂຮງຮ້ອງເພງ, ຄອຍຖ້າລາຍການ ບ້ານເກີດເມືອງນອນ.
 |
| ການສະແດງສິລະປະ ຂອງນັກສິລະປິນລາວ. (ພາບ: icd.gov.vn) |
ບັນດາລາຍການຟ້ອນ,ສະແດງ, ຮ້ອງເພງ:ປະເທດລາວສວຍງາມ, ງາມກີບຈໍາປາ, ຟ້ອນ.... ສ້າງຄວາມມ່ວນຊື່ນໃຫ້ແກ່ມວນຊົນ ເພື່ອຊົມສິລະປະ ພ້ອມທັງຊອກຮູ້ເອກະລັກ ວັດທະນະທຳ ຂອງດິນແດນລ້ານຊ້າງ. ຄຽງຄູ່ກັບນັ້ນ ແມ່ນບັນດາລາຍການສະແດງ ສິລະປະຍ້ອງຍໍຄວາມງາມຂອງປະເທດຊາດ ແລະ ປະຊາຊົນ ຫວຽດນາມ ຄື: ຮາໂນຍຄວາມເຊື່ອ ແລະ ຄວາມຫວັງ, ເສັ້ນສາຍແຫ່ງຄວາມຮັກ ແຫ່ງຄວາມຊົງຈໍາ...ລາຍການຍັງມີການສະແດງຮ້ອງເພງ ແລະ ຟ້ອນ ເອກະລັກຄວາມສາມັກຄີມິດຕະພາບ ຫວຽດນາມ - ລາວ.
ຕາມ ທ່ານນາງ ສວນສະຫວັນ ວິຍາເກດ ລັດຖະມົນຕີວ່າການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ແລ້ວ, ງານສັບປະດາ ວັດທະນະທຳລາວ ຢູ່ ຫວຽດນາມຄັ້ງນີ້ ແນໃສ່ຜັນຂະຫຍາຍ ແຜນການຮ່ວມມື ວັດທະນະທຳ ແລະ ທ່ອງທ່ຽວ ໄລຍະ 2021 – 2025 ລະຫວ່າງ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ແລະ ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ. ໂອກາດນີ້, ຍັງມີການສະເຫຼີມສະຫຼອງວັນທີ່ສຳຄັນໃນລາວ ລວມທັງວັນຊາດລາວ ຄົບຮອບ 48 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 103 ປີ.
ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃຫ້ຮູ້ວ່າ: ຜ່ານລາຍການສິລະປະຮ້ອງເພງ, ຟ້ອນ , ເພງພື້ນເມືອງຂອງບັນດານັກສິລະປິນລາວ, ຜູ້ຊົມຫວຽດນາມ ແລະ ລາວ ຮ່ວມກັບເພື່ອນມິດສາກົນມີໂອກາດເຂົ້າໃຈເລິກເຊິ່ງກວ່າເກົ່າກ່ຽວກັບ ວັດທະນະທໍາລາວ. ນີ້ກໍ່ແມ່ນໂອກາດເພື່ອໃຫ້ພວກເຮົາ ກວດກາຄືນຮີດຄອງປະເພນີ ມິດຕະພາບ ລະຫວ່າງ ສອງພັກ, ສອງລັດ ແລະ ປະຊາຊົນສອງປະເທດ, ແລະ ມຸ່ງໄປເຖິງອະນາຄົດແຫ່ງການຮ່ວມມື ນັບມື້ນັບແໜ້ນແຟ້ນ ແລະ ມີປະສິດທິຜົນກວ່າ.”
ປີນີ້, ນອກຈາກລາຍການສະແດງຢູ່ຮ່າໂນ້ຍ, ຄະນະສິລະປະລາວ ຍັງມີລາຍການສະແດງ ເພື່ອຮັບໃຊ້ປະຊາຊົນຫວຽດນາມ ຢູ່ແຂວງນິງບິ່ງ.
ຂົວຕໍ່ ນໍ້າໃຈມິດຕະພາບ ຫວຽດນາມ-ລາວ
ໃນບັນຍາກາດ ສັບປະດາ ວັດທະນະທຳລາວ ຢູ່ຫວຽດນາມ ປີ 2023, ທ່ານ ຫວ້ຽນຫວັນ່ນຮຸງ ລັດຖະມົນຕີວ່າການກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ໄດ້ມີກກອງປະຊຸມພົບປະ ກັບທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ.
ລັດຖະມົນຕີທັງສອງທ່ານ ໄດ້ຕີລາຄາວ່າ: ໄລຍະຜ່ານມານີ້, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ໄດ້ຜັນຂະຫຍາຍ ປະຕິບັດແຜນການຮ່ວມມື ດ້ານວັດທະນະທຳ, ສິລະປະ ແລະ ທ່ອງທ່ຽວໄລຍະ 2021 – 2025.
 |
| ລາຍການສະແດງ ໄດ້ຮັບການເຊຍ ຈາກຜູ້ຊົມຢ່າງຫຼວງຫຼາຍ. (ພາບ: icd.gov.vn) |
ສີ່ຈຸດ ທີ່ເນັ້ໜໜັກ ທັງສອງຝ່າຍບັນລຸໄດ້ຄື: ເຜີຍແຜ່ກຳລັງແຮງ ດ້ານວັດທະນະທຳ ຂອງແຕ່ລະປະເທດ, ບໍາລຸງພູນສ້າງ ສາຍພົວພັນຕ່າງປະເທດ ລະຫວ່າງ ສອງປະເທດ. 2 ຝ່າຍຮັກສາການຈັດຕັ້ງ ສັບປະດາວັດທະນະທຳ ຜັດປ່ຽນກັນຢູ່ແຕ່ລະປະເທດ, ສ້າງຂົວຕໍ່ເພີ່ມທະວີຄວາມເຂົ້າໃຈເຊິ່ງກັນ ແລະກັນ ລະຫວ່າງ ປະຊາຊົນສອງປະເທດ. ນອກນີ້, ສອງຝ່າຍຍັງໄດ້ຮ່ວມກັນຄົ້ນຄວ້າ, ຮ່ຳຮຽນ ແລະ ຊ່ວຍເຫຼືອເຊິ່ງກັນ ແລະ ກັນ, ສະເໜີໃຫ້ ອົງການທີ່ມີສິດອໍານາດ ສາມາດຮັບຮອງຮອງຮອຍ ມໍລະດົກ , ໃນນັ້ນ ມີເອກະສານ ແມ່ນສະເໜີໃຫ້ UNESCO ຂຶ້ນທະບຽນ ປ່າສະຫງວນແຫ່ງຊາດຫີນໜາມໜໍ່, ແຂວງຄຳມ່ວນ, ປະເທດລາວ ກາຍເປັນມໍລະດົກໂລກ ກັບ ປ່າສະຫງວນແຫ່ງຊາດ ຟອງຍາ-ເກບາງ, ແຂວງ ກວາງບິ່ງ, ຂອງຫວຽດນາມ.
ໃນຂົງເຂດທ່ອງທ່ຽວ, 2 ຝ່າຍໄດ້ສ້າງເງື່ອນໄຂສະດວກທີ່ສຸດ ເພື່ອນຳເອົານັກທ່ອງທ່ຽວຫວຽດນາມ ມາຢ້ຽມຢາມລາວ ແລະ ນັກທ່ອງທ່ຽວລາວມາຫວຽດນາມ. ຫວຽດນາມ ສືບຕໍ່ຢືນອັນດັບທີ 2 ໃນບັນດາປະເທດ ສົ່ງນັກທ່ອງທ່ຽວມາລາວ ຈໍານວນ 608.678 ຄົນ. ຜ່ານການພັດທະນາການທ່ອງທ່ຽວ, ຊ່ວຍໃຫ້ປະຊາຊົນສອງປະເທດ ເຂົ້າໃຈວັດທະນະທຳ, ປະຫວັດສາດ, ນ້ຳໃຈມິດຕະພາບອັນເປັນມູນເຊື້ອ, ຄວາມສາມັກຄີລະຫວ່າງປະຊາຊົນສອງປະເທດ.
ທີ່ການພົບປະ, ລັດຖະມົນຕີສອງທ່ານ ສະເໜີທິດທາງ ການຮ່ວມມືໃນໄລຍະຈະມາເຖິງ, ສຸມໃສ່ປະຕິບັດແຜນການຮ່ວມມືດ້ານວັດທະນະທຳ, ສິລະປະ ແລະ ທ່ອງທ່ຽວ ຫວຽດນາມ - ລາວ ໄລຍະ 2021-2025 ຢ່າງມີປະສິດທິຜົນ. ຄາດວ່າ, ກະຊວງວັດທະນະທຳ, ກິລາ ແລະ ທ່ອງທ່ຽວ ຈະຈັດຕັ້ງສັບປະດາວັດທະນະທຳ ຫວຽດນາມ ຢູ່ ລາວ ໃນໄຕມາດທີ 1 ປີ 2024.
ສອງຝ່າຍສົມທົບກັບ ບັນດາທ້ອງຖິ່ນ ຢູ່ເຂດຊາຍແດນຕິດກັບລາວ ຈັດຕັ້ງບັນດາການເຄື່ອນໄຫວຄື: ງານບຸນແລກປ່ຽນວັດທະນະທຳ, ກິລາ ແລະ ທ່ອງທ່ຽວຢູ່ເຂດຊາຍແດນ ຫວຽດນາມ - ລາວ, ສ້າງເງື່ອນໄຂໃຫ້ບັນດາການພົບປະແລກປ່ຽນປະຊາຊົນບັນດາເຜົ່າ ລະຫວ່າງສອງປະເທດ, ປະກອບສ່ວນຊຸກຍູ້ການອະນຸລັກຮັກສາ. ວັດທະນະທຳພື້ນເມືອງຂອງຊົນເຜົ່າສ່ວນນ້ອຍຢູ່ເຂດຊາຍແດນ.
ກ່ຽວກັບການຮ່ວມມືດ້ານການທ່ອງທ່ຽວ, 2 ຝ່າຍໄດ້ກຳນົດ ການພັດທະນາການທ່ອງທ່ຽວ ແມ່ນຈຸດໝາຍສຳຄັນ. ຫວຽດນາມ ສະໜັບສະໜູນ ແລະ ຕີລາຄາສູງປີທ່ອງທ່ຽວລາວ 2024 ດ້ວຍຫົວຂໍ້ “ທ່ອງທ່ຽວປອດໄພ, ມ່ວນຊື່ນວັດທະນະທຳ, ທຳມະຊາດ ແລະ ປະຫວັດສາດ”. 2 ຝ່າຍເພີ່ມທະວີການປະຕິບັດ ບັນດາມາດຕະການຟື້ນຟູການທ່ອງທ່ຽວ; ກໍ່ສ້າງບັນດາຂະບວນການໂຄສະນາ, ເຊື່ອມຕໍ່ບັນດາມໍລະດົກໂລກຂອງ ຫວຽດນາມ ແລະ ລາວ; ຄົ້ນຄວ້າຂະຫຍາຍສາຍການບິນ ໄປຍັງສະຖານທີ່ທ່ອງທ່ຽວໃໝ່ ທີ່ດຶງດູດຂອງສອງປະເທດ. ສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ, ສົມທົບກັນປະຕິບັດແຜນການພັດທະນາ ການທ່ອງທ່ຽວ ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ໄລຍະ 2020 - 2025 ແລະ ທິດທາງຮອດປີ 2030, “ພັດທະນາພື້ນຖານໂຄງລ່າງ” ການທ່ອງທ່ຽວ ເພື່ອຊ່ວຍເຫຼືອການເຕີບໂຕຢ່າງຮອບດ້ານ. ອະນຸພາກພື້ນແມ່ນ້ຳຂອງ, ໄລຍະທີ 2, ໂຄງການ “ໜຶ່ງແລວທາງໜຶ່ງເສັ້ນທາງ, ສາມຈຸດໝາຍ”.
ສົ່ງຄະນະຊ່ຽວຊານຫວຽດນາມ ໄປຊ່ວຍການຝຶກອົບຮົມໃຫ້ແກ່ພະນັກງານຂອງລາວ. ຝ່າຍຫວຽດນາມ ໄດ້ເຫັນດີສະໜັບສະໜູນ ແລະ ສະເໜີລາວ ເຂົ້າລາຍຊື່ ເນື້ອໃນ ໃນຂົງເຂດທີ່ຕ້ອງການກໍ່ສ້າງ ແລະ ສົ່ງໃຫ້ກະຊວງວັດທະນະທຳ, ກິລາ ແລະ ທ່ອງທ່ຽວຄົ້ນຄວ້າ ແລະຊ່ວຍເຫຼືອ.
ອານຸໄຊ ສະຫວັດ
