ທີ່ພິທີມອບຮັບ, ຜູ້ຕາງໜ້າກະຊວງສາທາລະນະສຸກ ຫງຽດນາມ ໃຫ້ຮູ້ວ່າ ເພື່ອເພີ່ມເຕີມວັກຊີນທີ່ນຳໃຊ້ໃນໂຄງການສັກຢາກັນພະຍາດເປີດກ້ວາງ, ໜ່ວຍງານນີ້ ໄດ້ລະດົມການໜູນຊ່ວຍຈາກບັນດາອົງການຈັດຕັ້ງ ສາກົນ ເພື່ອສະໜອງວັກຊີນ 5 ໃນ 1. ສະຖານທູດ ອົດສະຕຣາລີ ປະຈຳ ຫວຽດນາມ ໄດ້ສົ່ງຈົດໝາຍເຖິງກະຊວງສາທາລະນະສຸກ ຫວຽດນາມ ແຈ້ງວ່າລັດຖະບານ ອົດສະຕຣາລີ ຈະໃຫ້ການຊ່ວຍເຫລືອວັກຊິນ 5 ໃນ 1 ໃຫ້ ຫວຽດນາມ ຜ່ານກອງທຶນເພື່ອເດັກ ສະຫະປະຊາຊາດ UNICEF ຈໍານວນ 490.600 ໂດສ ເພື່ອນຳໃຊ້ເຂົ້າໃນໂຄງການສັກຢາກັນພະຍາດເປີດກ້ວາງ. ຄາດວ່າຢາວັກຊີນນີ້ຈະມາຮອດ ຫວຽດນາມ ໃນມໍ່ໆນີ້.
ທ່ານລັດຖະມົນຕີກະຊວງສາທາລະນະສຸກ ນາງ ດາວຮົ່ງລານ ໃຫ້ຮູ້ວ່າ ການໜູນຊ່ວຍທີ່ທັນການຂອງລັດຖະບານ ອົດສະຕາລີ ສຳລັບໂຄງການສັກຢາກັນພະຍາດເປີດກ້ວາງ ວັກຊີນ 5 ໃນ 1 ຈຳນວນ 490.600 ໂດສ ແມ່ນມີຄຸນຄ່າທີ່ສຸດ ແລະ ມີຄວາມຈຳເປັນເພື່ອຜັນຂະຫຍາຍວັກຊີນໃຫ້ເດັກນ້ອຍໃນໄລຍະຈະມາເຖິງ.
 |
ພິທີມອບ-ຮັບວັກຊີນ "5 in 1" ຈຳນວນ 490.600 ໂດສ |
ທ່ານ Andrew Goledzinowski - ເອກອັກຄະລັດຖະທູດ ອົດສະຕຣາລີ ປະຈຳ ຫວຽດນາມ ສະແດງຄວາມເປັນກຽດ ທີ່ໄດ້ເຮັດວຽກກັບກະຊວງສາທາລະນະສຸກ ຫວຽດນາມ ແກ້ໄຂຄວາມຂາດເຂີນຢາວັກຊີນຊົ່ວຄາວ ເພື່ອໄດ້ສັກຢາວັກຊີນໃຫ້ເດັກນ້ອຍໂດຍໄວ.
ທ່ານນາງ Rana Flowers - ຫົວໜ້າຜູ້ຕາງໜ້າອົງການ UNICEF ປະຈຳ ຫວຽດນາມ ໄດ້ສະແດງຄວາມຂອບໃຈມາຍັງລັດຖະບານ ອົດສະຕຣາລີ ທີ່ໄດ້ສົມທົບກັບອົງການ UNICEF ແລະ ກະຊວງສາທາລະນະສຸກ ຫວຽດນາມ ເພື່ອໄດ້ມີແຫຼ່ງຢາວັກຊີນ 5 ໃນ 1 ຢ່າງທັນການ ເພື່ອສັກຢາກັນພະຍາດໃຫ້ເດັກນ້ອຍ ຫວຽດນາມ. ນາງເຊື່ອໝັ້ນວ່າ ດ້ວຍປະສົບການສັກຢາວັກຊີນຫຼາຍປີ, ໂດຍສະເພາະແມ່ນການສັກຢາປ້ອງກັນພະຍາດໂຄວິດ-19 ໃນໄລຍະປ້ອງກັນພະຍາດໂຄວິດ-19, ຫວຽດນາມ ຈະປະຕິບັດການສັກຢາວັກຊີນ 5 ໃນ 1 ໃຫ້ເດັກນ້ອຍຢ່າງສຳເລັດຜົນ ໃນການສັກຢາວັກຊີນເປີດກ້ວາງ.
ທ່ານນາງ ເຢຶ່ອງທິຮົ່ງ, ຮອງຫົວໜ້າສະຖາບັນອະນາໄມ ແລະ ລະບາດວິທະຍາສູນກາງ ໃຫ້ຮູ້ວ່າ ໜ່ວຍງານໄດ້ຜັນຂະຫຍາຍແຜນການຈັດສັນຢາວັກຊີນທີ່ມອບໃຫ້ດັ່ງກ່າວນັ້ນຕາມຄວາມຕ້ອງການ ແລະ ຕົວຈິງຂອງທ້ອງຖິ່ນ. ໃນນັ້ນ, ກໍ່ໃຫ້ບຸລິມະສິດແກ່ເດັກນ້ອຍທີ່ຍັງບໍ່ໄດ້ຮັບການສັກຢາວັກຊີນ "5 ໃນ 1" ເຂັມທຳອິດ ແລະ ບຸລິມະສິດໃຫ້ເດັກນ້ອຍໃນກຸ່ມອາຍຸນ້ອຍທີ່ສຸດຕັ້ງແຕ່ 2 ເດືອນຂຶ້ນໄປ, ຈາກນັ້ນ ກໍ່ໃຫ້ເດັກນ້ອຍທີ່ມີອາຍຸກ່ວາອີກປະກອບມີ ເດັກນ້ອຍທີ່ມີອາຍຸ 12 ເດືອນຂຶ້ນໄປ. ຖັດຈາກນັ້ນ, ກໍ່ໃຫ້ຄວາມສໍາຄັນກັບການສັກຢາວັກຊີນເຂັມທີ 2 ແລະ 3 ສໍາລັບເດັກນ້ອຍທີ່ຍັງບໍ່ໄດ້ຮັບວັກຊີນ "5 ໃນ 1" ທັງ 3 ເຂັມ.
"ດ້ວຍຈໍານວນຢາວັກຊີນທີ່ໄດ້ຮັບການຫນູນຊ່ວຍຈາກລັດຖະບານອົດສະຕາລີ, ບັນດາທ້ອງຖິ່ນ ຈະນໍາໄປໃຊ້ຕາມລໍາດັບບູລິມະສິດ ທີ່ໄດ້ກ່າວມາຂ້າງເທິງ ແລະ ໂຄງການສັກຢາກັນພະຍາດເປີດກ້ວາງ ຈະສະຫນອງຢາວັກຊີນທີ່ເຫມາະສົມກັບຈໍານວນເດັກນ້ອຍໃນທ້ອງຖິ່ນ. ໃຫ້ບຸລິມະສິດເພີ່ມທະວີອັດຕາການສະໜອງວັກຊີນໃຫ້ບັນດາທ້ອງຖິ່ນເຂດພູດອຍ, ເຂດທຸກຍາກເພື່ອຮັບປະກັນຄວາມຍຸຕິທຳໃນການເຂົ້າເຖິງວັກຊີນໃຫ້ແກ່ເດັກນ້ອຍ”, ທ່ານນາງ ເຢຶ່ອງທິຮົງ ກ່າວ.
ມິງດຶກ
