 | ແຂວງຕວຽນກວາງ: ນັກສຶກສາ 150 ຄົນໄດ້ຮັບການຝຶກອົບຮົມການທູດປະຊາຊົນ |
| ແຂວງກອນຕູມ: ການທູດປະຊາຊົນປະກອບສ່ວນເຊື່ອມຕໍ່ສາຍພົວພັນມິດຕະພາບລະຫວ່າງ ຫວຽດນາມ - ລາວ - ກຳປູເຈຍ |
ເງະອ່ານ ຈັດກອງປະຊຸມວິທະຍາສາດກ່ຽວກັບວຽກງານການທູດປະຊາຊົນ
ຕອນບ່າຍວັນທີ 27 ພະຈິກ, ຄະນະກຳມະການປະຊາຊົນແຂວງ ເງະອ່ານ ໄດ້ສົມທົບກັບ ສະຖາບັນການເມືອງແຫ່ງຊາດ ໂຮ່ຈີມິນ ແລະ ສະຫະພັນ ບັນດາອົງການມິດຕະພາບແຂວງ ຈັດກອງປະຊຸມວິທະຍາສາດ “ວຽກງານການທູດປະຊາຊົນໃນຂະບວນການການເຊື່ອມໂຍງ ແລະ ພັດທະນາເສດຖະກິດສັງຄົມ - ສັງຄົມ ແຂວງ ເງະອານ”.
ໃນຊຸມປີຜ່ານມາ, ວຽກງານການທູດປະຊາຊົນ ເຊິ່ງຍາມໃດກໍ່ໄດ້ຮັບຄວາມສົນໃຈໃນການຊີ້ນຳ ແລະ ນຳພາຢ່າງໃກ້ຊິດຈາກພັກ ແລະ ລັດ; ກໍ່ຄືໄດ້ຮັບຄວາມເອົາໃຈໃສ່ ແລະ ສະໜັບສະໜູນ ຂອງທັງລະບົບການເມືອງ ແລະ ປະຊາຊົນ. ຄຽງຄູ່ກັບວຽກງານການຕ່າງປະເທດຂອງພັກ ແລະ ວຽກງານການທູດຂອງລັດ, ວຽກງານການທູດປະຊາຊົນ ກໍ່ໄດ້ຮັບການຜັນຂະຫຍາຍຢ່າງແຮງ, ເປັນເອກະພາບ, ມີປະສິດທິຜົນ, ປະກອບສ່ວນເຂົ້າໃນການກໍ່ສ້າງ ແລະ ພັດທະນາພື້ນຖານການທູດ, ການພົວພັນຕ່າງປະເທດຂອງຫວຽດນາມ ຢ່າງຮອບດ້ານ ແລະ ທັນສະໄໝ.
ທ່ານ ບຸຍດິງລ່ອງ, ຮອງປະທານ ຄະນະກຳມະການປະຊາຊົນແຂວງ ເງະອ່ານ ໃຫ້ຮູ້ວ່າ: ແຂວງ ເງະອ່ານ ແມ່ນໜຶ່ງໃນບັນດາທ້ອງຖິ່ນທີ່ໄດ້ຮັບການຕີລາຄາການເຄື່ອນໄຫວໃນວຽກງານການທູດປະຊາຊົນຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າ ເຂົ້າໃນການຊຸກຍູ້ການພົວພັນ ລະຫວ່າງ ແຂວງ ເງະອ່ານ ກັບຫຼາຍປະເທດໃນໂລກ, ໂຄສະນາຮູບພາບຂອງບ້ານເກີດເມືອງນອນ, ປະເທດຊາດ, ບັນດາຄຸນຄ່າທາງດ້ານວັດທະນະທຳ, ທ່າແຮງບົ່ມຊ້ອນ ແລະ ທ່າໄດ້ປຽບຂອງນະຄອນເງະອ່ານ ໃຫ້ກັບບັນດານັກລົງທຶນຕ່າງປະເທດ, ປະກອບສ່ວນສຳຄັນເຂົ້າໃນການພັດທະນາເສດຖະກິດ, ສັງຄົມຂອງແຂວງ.
|
ເພື່ອເຮັດໃຫ້ວຽກງານການທູດປະຊາຊົນເຂົ້າສູ່ລວງເລິກ ແລະ ບັນລຸປະສິດທິຜົນທີ່ແທດເປັນຈິງ, ຕອບສະໜອງຄວາມຮຽກຮ້ອງຕ້ອງການ ແລະ ໜ້າທີ່ໃນຂະບວນການເຊື່ອມໂຍງ ແລະ ພັດທະນາ, ຄະນະກຳມະການປະຊາຊົນແຂວງ ເງະອ່ານ ໄດ້ປະສານສົມທົບກັບ ສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງກອງປະຊຸມວິທະຍາສາດ “ວຽກງານການທູດປະຊາຊົນໃນຂະບວນການການເຊື່ອມໂຍງ ແລະ ພັດທະນາເສດຖະກິດສັງຄົມ - ສັງຄົມ ແຂວງ ເງະອານ”.
ທີ່ກອງປະຊຸມ, ທ່ານເອກອັກຄະລັດຖະທູດ ຫງວ້ຽນເຟືອງງາ, ອະດີດປະທານສະຫະພັນບັນດາອົງການມິດຕະພາບຫວຽດນາມ ໄດ້ມີຄຳເຫັນແລກປ່ຽນ ດ້ວຍການຍົກບັນຫາປຶກສາຫາລື “ການທູດປະຊາຊົນໃນການພົວພັນການເມືອງ, ເສດຖະກິດ ແລະ ວັດທະນະທຳ” ດ້ວຍ 3 ເນື້ອໃນຕົ້ນຕໍ: ບົດບາດຂອງການທູດຊາຊົນໃນການພົວພັນການເມືອງ, ເສດຖະກິດ ແລະ ວັດທະນະທຳ; ປັບປຸງປະສິດທິຜົນໃນການເຄື່ອນໄຫວວຽກງານການທູດປະຊາຊົນໃນສະພາບການໃໝ່; ເສີມຂະຫຍາຍກຳລັງແຮງດ້ານການທູດປະຊາຊົນ ເພື່ອພັດທະນາເສດຖະກິດ - ສັງຄົມ ແລະ ການເຊື່ອມໂຍງເຂົ້າກັບສາກົນຂອງແຂວງ ເງະອ່ານ.
ທ່ານເອກອັກຄະລັດຖະທູດ ຫງວຽນເຟືອງງາ ເຊື່ອໝັ້ນວ່າ ດ້ວຍທ່າແຮງຂອງທ້ອງຖິ່ນວິລະຊົນ, ອຸດົມສົມບູນດ້ວຍມູນເຊື້ອການປະຕິວັດ, ບັນລຸໄດ້ບັນດາຜົນງານຫຼາຍຢ່າງໃນການພັດທະນາເສດຖະກິດ - ສັງຄົມ, ດ້ວຍແຫຼ່ງກຳລັງຂອງປະຊາຊົນເກືອບ 60.000 ຄົນທີ່ພວມດຳລົງຊີວິດຢູ່, ໄປຮ່ຳຮຽນ ແລະ ເຮັດວຽກຢູ່ຕ່າງປະເທດ ແລະ 17 ອົງການຈັດຕັ້ງມິດຕະພາບ ກັບບັນດາປະເທດ ແລະ ຖັນແຖວພະນັກງານທີ່ເຮັດວຽກງານການທູດປະຊາຊົນ ທີ່ມີປະສົບການ, ວຽກງານການທູດປະຊາຊົນແຂວງ ເງະອ່ານ ຈະເສີມຂະຫຍາຍມູນເຊື້ອອັນດີງາມ ແລະ ປະສົບຜົນສຳເລັດໃໝ່ຫລາຍຢ່າງ; ເຊິ່ງຈະນໍາເອົາບ້ານເກີດເມືອງນອນຂອງລຸງໂຮ່ ທີ່ເຄົາລົບຮັກ ກາຍເປັນແຂວງອຸດສາຫະກຳຕາມທິດທີ່ທັນສະໄໝໃນປີ 2030, ພ້ອມກັນນັ້ນ ກໍ່ເພີ່ມທະວີການພົວພັນມິດຕະພາບ ລະຫວ່າງປະຊາຊົນຫວຽດນາມ ກັບປະຊາຊົນບັນດາປະເທດ.
ທີ່ກອງປະຊຸມ, ບັນດາຜູ້ແທນທີ່ເຂົ້າຮ່ວມໄດ້ຮັບຟັງການນຳສະເໜີ ແລະ ປຶກສາຫາລືກ່ຽວກັບວຽກງານການທູດປະຊາຊົນ ໃນຂະບວນການເຊື່ອມໂຍງເຂົ້າກັບການພັດທະນາເສດຖະກິດ - ສັງຄົມຂອງ ເງະອ່ານ ໃນຂະບວນການເຊື່ອມໂຍງຄື: ການທູດປະຊາຊົນໃນການພົວພັນທາງການເມືອງ, ເສດຖະກິດ ແລະ ວັດທະນະທຳ; ຕົວຈິງໃນການເຄື່ອນໄຫວການທູດປະຊາຊົນໃນຂົງເຂດປ້ອງກັນຄວາມສະຫງົບເຂດຊາຍແດນຫວຽດນາມ - ລາວ; ຂຸດຄົ້ນຄວາມຮັບຮູ້ຂອງຊາວຊົນເຜົ່າສ່ວນໜ້ອຍ ຢູ່ທາງທິດຕາເວັນຕົກແຂວງ ເງະອ່ານ ໃນການພັດທະນາຜະລິດຕະພັນໄປສູ່ສາກົນ; ສື່ສານໂຄສະນາຮູບພາບຕາມວິທີເຮັດແບບໃຫມ່ ...
 |
| ທ່ານ ສາດສະດາຈານ, ປອ ເລວັນເລີຍ, ຮອງຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ ໄດ້ສະຫຼຸບທີ່ກອງປະຊຸມ |
ທ່ານ ສາດສະດາຈານ, ປອ ເລວັນເລີຍ, ຮອງສະຖາບັນການເມືອງແຫ່ງຊາດ ໂຮ່ຈີມິນ ເນັ້ນໜັກວ່າ ວຽກງານການທູດປະຊາຊົນ ຕ້ອງໄດ້ວາງໃນຍຸດທະສາດ ແລະ ສອດຄ່ອງກັບຍຸດທະສາດພັດທະນາເສດຖະກິດ, ການເມືອງ ແລະ ວັດທະນະທຳຂອງແຂວງ ເງະອ່ານ . ພ້ອມກັນນັ້ນ, ກໍ່ຕ້ອງສືບຕໍ່ປ່ຽນແປງໃໝ່ດ້ານແນວຄິດຈິນຕະນາການ, ວິທີການເຂົ້າເຖິງ, ເນື້ອໃນ, ແບບວິທີການ, ຍົກສູງຄຸນນະພາບການເຄື່ອນໄຫວວຽກງານການຕ່າງປະເທດໃຫ້ນັບມືນັບເຂັ້ມແຂງກວ່າ, ດ້ວຍຈິດໃຈກ້າຄິດ, ກ້າເຮັດ, ກ້າ “ກ້າວຜ່ານຂ້າມແນວຄວາມຄິດແບບເກົ່າ, ບັນດາຂົງເຂດທີ່ຄຸ້ນເຄີຍ ເພື່ອມີແນວຄິດ ແລະ ການກະທຳໃນລະດັບຊາດ, ບັນລຸລະດັບພາກພື້ນ ແລະ ສາກົນ".
ຄຽງຄູ່ກັນນັ້ນ, ກໍ່ສືບຕໍ່ເສີມຂະຫຍາຍທ່າແຮງຂອງການທູດປະຊາຊົນ, ເຮັດບົດບາດເປັນ “ຂົວຕໍ່” ຊຸກຍູ້ການຮ່ວມມືດ້ານເສດຖະກິດ-ການຄ້າ, ການທ່ອງທ່ຽວ, ການລົງທຶນ, ວັດທະນະທຳ, ການສຶກສາ, ຍົກສູງປະສິດທິຜົນວຽກງານທີ່ບໍ່ຂຶ້ນກັບລັດຖະບານຕ່າງປະເທດໃຫ້ເປັນຢ່າງດີ ແລະ ເພີ່ມທະວີການຮ່ວມມືກັບບັນດາຄູ່ຮ່ວມມືທີ່ມີທ່າແຮງ, ພິເສດແມ່ນ ໃນຂົງເຂດກໍ່ສ້າງແຫຼ່ງຊັບພະຍາກອນມະນຸດ, ນະວັດຕະກຳ, ການຫັນເປັນດິຈິຕອລ...ເໝາະສົມກັບທ່າແຮງ ແລະ ຄວາມຕ້ອງການຂອງບັນດາຄູ່ຮ່ວມມືແຕ່ລະທ້ອງຖິ່ນ.
ພ້ອມກັນນັ້ນ, ກໍ່ເສີມຂະຫຍາຍທ່າໄດ້ປຽບຂອງການທູດປະຊາຊົນໃນການສ້າງ ແລະ ຮັກສາສະພາບແວດລ້ອມທີ່ມີສັນຕິພາບ ແລະ ຄວາມໝັ້ນຄົງ ເພື່ອພັດທະນາປະເທດຊາດ, ປົກປັກຮັກສາຜົນປະໂຫຍດຂອງຊາດ, ຊົນເຜົ່າ; ສືບຕໍ່ຍູ້ແຮງການດຶງດູດແຫຼ່ງທຶນຈາກບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ ເຂົ້າຮ່ວມການພັດທະນາເສດຖະກິດ - ສັງຄົມຂອງແຂວງ; ລະດົມວົງຄະນາຍາດຊາວຫວຽດນາມຢູ່ຕ່າງປະເທດ ກັບມາສ້າງສາບ້ານເກີດເມືອງນອນ, ປະເທດຕົນ.
ຄຽງຄູ່ກັບການຍົກສູງຄຸນນະພາບການສື່ສານ ແລະ ໂຄສະນາຮູບພາບຂອງແຂວງ ເງະອ່ານ ເຖິງເພື່ອນມິດສາກົນ ໂດຍຜ່ານບັນດາການເຄື່ອນໄຫວວຽກງານການທູດປະຊາຊົນ, ຕ້ອງຂຸດຄົ້ນບັນດາທ່າແຮງດ້ານວັດທະນະທຳ ແລະ ເສດຖະກິດຂອງແຂວງ ເງະອ່ານ. ບັນດາການເຄື່ອນໄຫວແລກປ່ຽນມິດຕະພາບທີ່ຕິດພັນກັບການແລກປ່ຽນວັດທະນະທຳ, ສິລະປະຂອງທ້ອງຖິ່ນ. ຕັ້ງໜ້າເຂົ້າຮ່ວມບັນດາອົງການສາກົນ ກ່ຽວກັບວັດທະນະທຳ, ເສີມຂະຫຍາຍບົດບາດຂອງຊາວຫວຽດນາມຢູ່ຕ່າງປະເທດ ໃນການຊຸກຍູ້ການເຄື່ອນໄຫວແລກປ່ຽນວັດທະນະທໍາ.
ຜ່ານກອງປະຊຸມສຳມະນາວິທະຍາສາດ “ວຽກງານການທູດປະຊາຊົນໃນຂະບວນການການເຊື່ອມໂຍງ ແລະ ພັດທະນາເສດຖະກິດສັງຄົມ - ສັງຄົມ ແຂວງ ເງະອານ”, ດ້ວຍຄວາມສາມາດບົ່ມຊ້ອນ ແລະ ທ່າແຮງທີ່ມີຢູ່ແລ້ວນັ້ນ ພ້ອມກັບການ ຈັດຕັ້ງປະຕິບັດບັນດາວິທີການແກ້ໄຂວຽກງານການທູດປະຊາຊົນຢ່າງຄົບຊຸດ ແລະ ມີປະສິດທິຜົນ ຈະປະກອບສ່ວນສຳຄັນ ເຂົ້າໃນການພັດທະນາເສດຖະກິດ - ສັງຄົມ, ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ, ຍົກສູງທີ່ຕັ້ງຂອງແຂວງ ເງະອ່ານ ໃນການພັດທະນາລວມຂອງທົ່ວປະເທດ.
ຊ ສະຫວັດ
