| ເຂດອານຸສອນສະຖານປະທານໂຮ່ຈິມິນ: ສະຖານທີ່ສຶກສາມູນເຊື້ອມິດຕະພາບ ຫວຽດນາມ-ລາວ | |
| ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ເຂົ້າຢ້ຽມຂ່ຳນັບທ່ານ ພັນຄຳ ວິພາວັນ ຜູ້ປະຈຳການຄະນະເລຂາ, ຮອງປະທານປະເທດລາວ |
ໂດຍໄດ້ກາຍເປັນຄວາມຊິນເຄີຍ ເມື່ອຕົ້ນເຂົ້າເລີ່ມອອກດອກ, ຫົວມັນກອຍເລີ່ມໃຫຍ່ໃນດິນ ເພື່ອພ້ອມທີ່ຈະເກັບກ່ຽວ ກໍ່ແມ່ນຈຸດເວລາຂອງທ່ານ ອາເທືອງ (ບ້ານ ດັກອູ່ງ, ຕາແສງ ດັກຍ່ອງ, ເມືອງ ດັກເກີເລ, ແຂວງ ກອນຕູມ) ໄດ້ຮັບຕ້ອນ "ອ້າຍນ້ອງ" ຈາກບ້ານແຮກສ່ຽວ ບຣອງນ້ອຍ, ກຸ່ມບ້ານ ດັກບາ, ເມືອງ ດັກຈຶງ (ແຂວງ ເຊກອງ, ລາວ) ມາຮ່ວມແຮງຮ່ວມໃຈກັນເກັບກ່ຽວ, ລົກມັນກອຍ.
ອ້າຍ ອາເທືອງ ໃຫ້ຮູ້ວ່າ: “ກ່ອນທີ່ຈະແຮກສ່ຽວ, ປະຊາຊົນບ້ານຂອງຕົນ ແລະ ບ້ານບຣົງນ້ອຍ ໄດ້ຮັກແພງສະໜິດສະໜົມກັນ. ດຽວນີ້ໄດ້ມີການແຮກສ່ຽວ ກໍ່ຍິ່ງສະໜິດສະໜົມກັນຫຼາຍກວ່າເກົ່າ, ຊ່ວຍກັນເຮັດໄຮ່, ຊ່ວຍເຫຼືອກັນເກັບກ່ຽວພືດຜົນລະປູກຕາມລະດູການ, ພ້ອມກັນສະເຫຼີມສະຫຼອງບຸນປີໃໝ່ຫວຽດນາມ ແລະ ບຸນປີໃໝ່ລາວ. ພວກເຮົາໄດ້ຮູ້ພາສາຂອງກັນແລະກັນ ແລະ ເຂົ້າໃຈກັນ, ຮັກແພງກັນ, ເພາະສະນັ້ນ ມີບ້ານໃດທີ່ຕ້ອງການຄວາມຊ່ວຍເຫຼືອ ແມ່ນບ້ານອື່ນກໍພ້ອມທີ່ຈະຊ່ວຍສະເໝີ”.
ບໍ່ພຽງແຕ່ ຢູ່ບ້ານດັກອູ່ງ ແລະ ບ້ານ ບຣອງນ້ອຍ ເທົ່ານັ້ນ, ການເຄື່ອນໄຫວແລກປ່ຽນກິດຈະກໍາ, ຊ່ວຍເຊິ່ງກັນ ແລະ ກັນໃນການພັດທະນາເສດຖະກິດ, ການແລກປ່ຽນສິນຄ້າຂອງປະຊາຊົນ ຢູ່ລຽບຕາມຊາຍແດນແຂວງ ກອນຕູມ ແລະ ແຂວງຊາຍແດນ ລາວ ແລະ ກຳປູເຈຍ ໄດ້ດຳເນີນມາເປັນເວລາດົນນານ, ເຊິ່ງສ້າງນໍ້າໃຈມິດຕະພາບທີ່ເປັນມູນເຊື້ອທີ່ສະໜິດສະໜົມຢ່າງໜຽວແໜ້ນ.
 |
| ຄະນະກຳມະການປະຊາຊົນ ແຂວງກອນຕູມ ແລະ ອົງການປົກຄອງແຂວງ ອັດຕະປື ສປປລາວ ໄດ້ລົງນາມບົດບັນທຶກຊ່ວຍຈໍາກ່ຽວກັບການຮ່ວມມື ໄລຍະປີ 2022-2027 - ພາບ: VGP/Dung Nuong |
ດ້ວຍຄຳນຳທີ່ວ່າ ອີງໃສ່ປະຊາຊົນ, ປະຊາຊົນແມ່ນເຈົ້າກຳ, “ປະຊາຊົນແຕ່ລະຄົນຢູ່ຊາຍແດນ ແມ່ນຫຼັກໝາຍທີ່ມີຊີວິດ”, ການເຄື່ອນໄຫວວຽກງານການທູດປະຊາຊົນ, ຄະນະພັກບັນດາຂັ້ນ, ອຳນາດການປົກຄອງ, ແນວໂຮມປະເທດຊາດ ແລະ ອົງການຈັດຕັ້ງການເມືອງ ແຕ່ຂັ້ນແຂວງຕະຫຼອດຮອດຂັ້ນຮາກຖານ ແມ່ນໄດ້ສຸມໃສ່ການປະຕິບັດດ້ວຍຫຼາຍແບບວິທີ, ດ້ວຍຮູບແບບທີ່ເໝາະສົມ; ຮັບປະກັນການລະດົມກໍາລັງແຮງສັງລວມສູງສຸດຂອງທົ່ວລະບົບການເມືອງ, ຂອງທົ່ວພັກ, ທົ່ວກອງທັບ ແລະ ທົ່ວປວງຊົນ.
ທ່ານ ຮິງກວກຮຸ່ຍ, ຫົວໜ້າຄະນະໂຄສະນາອົບຮົມແຂວງ ທັງເປັນຫົວໜ້າຄະນະຊີ້ນຳວຽກງານຖະແຫຼງຂ່າວການຕ່າງປະເທດແຂວງ ກອນຕູມ ໃຫ້ຮູ້ວ່າ: ແຂວງ ກອນຕູມ ພວມຮັກສາໝາກຜົນຂອງການເຄື່ອນໄຫວແຮກສ່ຽວຂອງບັນດາໝູ່ບ້ານເຂດຊາຍແດນ. ຈາກການເຄື່ອນໄຫວແຮກສ່ຽວ, ປະຊາຊົນສອງຟາກຊາຍແດນ ໄດ້ໂຄສະນາ ແລະ ມີຄວາມເຂົ້າໃຈຢ່າງຈະແຈ້ງ ຕໍ່ກັບບັນດາສົນທິສັນຍາ ແລະ ລະບຽບການກ່ຽວກັບເສັ້ນຊາຍແດນ...
ນອກຈາກນັ້ນ, ວຽກງາານການເຄື່ອນໄຫວແລກປ່ຽນລະຫວ່າງບັນດາປ້ອມທະຫານຊາຍແດນ ຝ່າຍຫວຽດນາມ ກັບຜູ້ຕາງໜ້າບັນດາກອງຮ້ອຍທະຫານຊາຍແດນ, ກຳລັງປ້ອງກັນຊາຍແດນຂອງລາວ ແລະ ກຳປູເຈຍ ກໍ່ໄດ້ຜັນຂະຫຍາຍເປັນປະຈຳປີ. ແຕ່ລະປີ, ແນວໂຮມປະເທດຊາດ, ບັນດາອົງການຈັດຕັ້ງການເມືອງ - ສັງຄົມ, ກໍາລັງແພດທະຫານຂອງທະຫານປ້ອງກັນຊາຍແດນ ແຂວງກອນຕູມ ໄດ້ຈັດຕັ້ງການກວດ ແລະ ປິ່ນປົວພະຍາດໂດຍບໍ່ເສຍຄ່າໃຫ້ປະຊາຊົນຢູ່ເຂດຊາຍແດນ ຟາກກົງກັນຂ້າມ ລາວ ແລະ ກຳປູເຈຍ.
ປະຊາຊົນຢູ່ເຂດຊາຍແດນສອງປະເທດ ໄດ້ຮັບການແນະນຳຈາກບັນດາກຳລັງປະຕິບັດໜ້າທີ່, ສ້າງເງື່ອນໄຂອໍານວຍຄວາມສະດວກໃຫ້ແກ່ການເຂົ້າຫຼອອກເມືອງຕາມລະບຽບການ ແລະ ເຂົ້າຮ່ວມບັນດາການເຄື່ອນໄຫວແລກປ່ຽນວັດທະນະທຳສິລະປະ ຢ່າງເປັນປະຈຳ...
ວຽກງານການທູດປະຊາຊົນ ໄດ້ສົມທົບກັບວຽກງານຜັນຂະຫຍາຍຂະບວນການ “ທົ່ວປວງຊົນເຂົ້າຮ່ວມການປົກປັກຮັກສາສິດອະທິປະໄຕຜືນແຜ່ນດິນ, ຄວາມມັນຄົງຊາຍແດນແຫ່ງຊາດໃນສະພາບການໃໝ່” ຕາມຄຳສັ່ງເລກທີ 01/CT-TTg ລົງວັນທີ 9 ມັງກອນ 2015 ຂອງນາຍົກລັດຖະມົນຕີ.
ມາຮອດປະຈຸບັນ, ຢູ່ແຂວງກອນຕູມ ມີ 336 ໝູ່ບ້ານ, 1.210 ເທື່ອຂອງຄົວເຮືອນ, 1.426 ເທື່ອຄົນຂຶ້ນກັບ 13 ຕາແສງເຂດຊາຍແດນໄດ້ສະໝັກໃຈລົງທະບຽນເຂົ້າຮ່ວມການຄຸ້ມຄອງຊາຍແດນ, ຫຼັ້ກໝາຍຊາຍແດນເອງ; 4.123 ເທື່ອຂອງຄົວເຮືອນ, ບຸກຄົນໄດ້ລົງທະບຽນເຂົ້າຮ່ວມບັນດາກຸ່ມປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານເອງ. ຈາກຂໍ້ມູນຂ່າວສານຂອງມະຫາຊົນ, ເຈົ້າໜ້າທີ່ທີ່ມີສິດອໍານາດຂອງແຂວງ ໄດ້ກວດພົບ ແລະ ສະກັດກັ້ນຢ່າງມີປະສິດທິຜົນ ແລະ ທັນເວລາ ຕໍ່ກັບບັນດາການລະເມີດ, ການຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ.
ໂດຍປະຕິບັດບົດບັນທຶກຄວາມເຂົ້າໃຈກ່ຽວກັບໂຄງການຮ່ວມມືລະຫວ່າງ ຄະນະກຳມະການແນວໂຮມປະເທດຊາດຫວຽດນາມ ແຂວງ ກອນຕູມ ແລະ ບັນດາອົງການທີ່ກ່ຽວຂ້ອງຂອງບັນດາແຂວງຂອງລາວ ແລະ ກຳປູເຈຍ ໃນທຸກໆ 2 ປີ ຕໍ່ຄັ້ງ, ບັນດາຫົວໜ່ວຍໄດ້ຈັດຕັ້ງຄະນະຜູ້ແທນມາຢ້ຽມຢາມ ແລກປ່ຽນບົດຮຽນໃນວຽກງານແນວໂຮມ ແລະ ບັນຫາອື່ນໆ ທີ່ສອງຝ່າຍມີຄວາມສົນໃຈ. ລະດົມປະຊາຊົນເຂົ້າຮ່ວມໃນການຊອກຄົ້ນຊາກສົບຂອງບັນດານັກຊ່ຽວຊານ, ທະຫານອາສາສະໝັກຫວຽດນາມ ທີ່ເສຍສະຫຼະຊີວິດຢູ່ລາວ ແລະ ກຳປູເຈຍ ແລ້ວສົ່ງກັບເມືອຄືນປະເທດ; ປະຕິບັດວຽກງານປະກັນຊີວິດສັງຄົມ, ຊ່ວຍເຫຼືອປະຊາຊົນປະເທດເພື່ອນຢູ່ບັນດາແຂວງໃກ້ຄຽງ...
ໃນຊຸມເດືອນຕົ້ນປີ 2023, ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ, ບຸນປະເພນີບຸນປີໃໝ່ (ລາວ) ແລະ ບຸນປີໃໝ່ (ກຳປູເຈຍ), ແຂວງ ກອນຕູມ ໄດ້ຕ້ອນຮັບພະນັກງານ, ປະຊາຊົນບັນດາປະເທດບ້ານໃກ້ເຮືອນຄຽງເປັນຮ້ອຍໆເທື່ອຄົນ ທີ່ມາຢ້ຽມຢາມຖາມຂ່າວ; ໄດ້ຈັດຕັ້ງການຢ້ຽມຢາມຫຼາຍຄັ້ງນັບແຕ່ຂັ້ນແຂວງຮອດຂັ້ນຮາກຖານ ເພື່ອອວຍພອນໃຫ້ອຳນາດການປົກຄອງ ແລະ ປະຊາຊົນເຂດແຂວງໃກ້ຄຽງ ຈົ່ງມີຄວາມຜາສຸກ, ໂຊກດີປີໃໝ່. ບັນດາອົງການ, ຄະນະ, ຂະແໜງການ, ວິສາຫະກິດຂອງແຂວງກອນຕູມ ໄດ້ໄປຢ້ຽມຢາມ ແລະ ຊ່ວຍເຫຼືອຫຼາຍຕື້ດົ່ງໃຫ້ແກ່ບັນດາແຂວງພາກໃຕ້ຂອງລາວ ແລະ ພາກຕາເວັນອອກສຽງເໜືອຂອງກຳປູເຈຍ ເພື່ອຈັດຕັ້ງພິທີສະເຫຼີມສະຫຼອງວັນບຸນເຕັດໃຫ້ແກ່ບັນດາຄອບຄົວທີ່ຫຍຸ້ງຍາກ. ນັກສຶກສາລາວ ແລະ ກໍາປູເຈຍ ທັງໝົດທີ່ສຶກສາຮໍ່າຮຽນຢູ່ແຂວງ ແມ່ນໄດ້ຮັບການຊ່ວຍເຫຼືອຈາກ ບັນດາສະມາຄົມມິດຕະພາບ ແລະ ໂຮງຮຽນໄດ້ຈັດຕັ້ງຫຼາຍກິດຈະກໍາຕ້ອນຮັບບຸນປະເພນີ ຢູ່ແຂວງກອນຕູມ, ຊ່ວຍໃຫ້ພວກນ້ອງໆຫາຍຄິດຮອດບ້ານ.
ທ່ານນາງ ຫງວຽນໂຕ້ຍື ຮອງຜູ້ອຳນວຍການມະຫາວິທະຍາໄລດານັງ ສາຂາແຂວງ ກອນຕູມ ໃຫ້ຮູ້ວ່າ: ຢູ່ສາຂານີ້ມີນັກສຶກສາ ລາວ 86 ຄົນ ແລະ ນັກສຶກສາກຳປູເຈຍ 12 ຄົນພວມຮ່ຳຮຽນ ເຊິ່ງນອນໃນບັນດາຂະແໜງວິຊາຄື: ການເງິນ, ການບໍລິຫານທຸລະກິດ, ການບັນຊີ... ໃນຊຸມປີທີ່ຜ່ານມາ, ໂຮງຮຽນແມ່ນໄດ້ມີຄວາມເອົາໃຈໃສ່ຢ່າງສະເໝີຕົ້ນສະເໝີປາຍ ແລະສ້າງທຸກເງື່ອນໄຂໃຫ້ນັກສຶກສາສາກົນໃນການສຶກສາ ແລະ ປະຕິບັດເພື່ອບັນລຸຄຸນນະພາບດີທີ່ສຸດ.
ອາຈານ ຫງວຽນໂຕ້ຍື ໃຫ້ຮູ້ວ່າ: ໃນໄລຍະບຸນປີໃໝ່ປະຈຳຊາດຂອງລາວ ແລະ ກຳປູເຈຍ, ໂຮງຮຽນມັກຈະຈັດກິດຈະກຳແລກປ່ຽນວັດທະນະທຳ ເພື່ອໄປຢ້ຽມຢາມ ແລະ ເປັນກຳລັງໃຈໃຫ້ນັກສຶກສາຕ່າງປະເທດ ເພື່ອໃຫ້ທຸກຄົນໄດ້ຕ້ອນຮັບ ປີໃໝ່ຕາມປະເພນີຄືຢູ່ບ້ານ. “ນີ້ແມ່ນການເຄື່ອນໄຫວປະຈຳປີເພື່ອສ້າງສະພາບແວດລ້ອມແຫ່ງການພົບປະແລກປ່ຽນ ລະຫວ່າງບັນດານັກສຶກສາ ລາວ ແລະ ກຳປູເຈຍ ແລະ ນັກສຶກສາຫວຽດນາມ, ຜ່ານນັ້ນ ກໍ່ເພີ່ມເພູນຄູນສ້າງນ້ຳໃຈມິດຕະພາບ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນ 3 ປະເທດ ຫວຽດນາມ - ລາວ - ກຳປູເຈຍ”.
ດ້ວຍວິທີການຈັດຕັ້ງຜັນຂະຫຍາຍຢ່າງຄົບຖ້ວນ, ໝູນໃຊ້ບັນດາການຊີ້ນໍາຂອງສູນກາງ ເຂົ້າກັບສະພາບຕົວຈິງຢູ່ທ້ອງຖິ່ນຢ່າງມີໄຫວພິບ; ລະດົມ ແລະ ສ້າງເງື່ອນໄຂໃຫ້ບັນດາອົງການ, ຫົວໜ່ວຍ ແລະ ປະຊາຊົນ, ພິເສດແມ່ນປະຊາຊົນຢູ່ເຂດຊາຍແດນ ເຂົ້າຮ່ວມການເຄື່ອນໄຫວວຽກງານການຕ່າງປະເທດ, ແຂວງ ກອນຕູມ ໄດ້ ແລະ ພວມເສີມຂະຫຍາຍບົດບາດເສົາຄ້ຳຂອງການທູດປະຊາຊົນ ໃນການເຄື່ອນໄຫວການຕ່າງປະເທດຂອງແຂວງຢ່າງມີປະສິດທິຜົນ. ວຽກງານການທູດຂອງປະຊາຊົນ ໄດ້ຮັບການຜັນຂະຫຍາຍຢ່າງຄົບຊຸດ, ກວ້າງຂວາງໃນຫລາຍຂະແໜງການ ແລະ ຫຼາຍຂົງເຂດ; ຜ່ານນັ້ນ ກໍ່ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າ ງຫວຽດນາມ - ລາວ - ກຳປູເຈຍ ແລະ ປະກອບສ່ວນຢ່າງແທດຈິງ ເຂົ້າໃນການຄຸ້ມຄອງ ແລະ ປົກປັກຮັກສາຊາຍແດນແຫ່ງຊາດ.
ອານຸໄຊ ສະຫວັດ
