| ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ | |
| ກອງປະຊຸມ ອາຊຽນ - ຈີນ: ຮັບຮູ້ຄວາມຄືບໜ້າໃນການເຈລະຈາ COC |
ບັນດາລັດຖະມົນຕີໄດ້ເນັ້ນໜັກເຖິງຄວາມສຳຄັນຂອງການປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆ (DOC) ຢູ່ທະເລຕາເວັນອອກ ຢ່າງຄົບຖ້ວນ ແລະ ຊົມເຊີຍບັນດາມາດຕະການສ້າງຄວາມໄວ້ເນື້ອເຊື່ອໃຈຄື: ກົດແຫ່ງການປະພຶດນອກຄວາມປາຖະໜາຢູ່ທະເລ, ຂໍ້ແນະນຳກ່ຽວກັບການປະທະກັນທາງອາກາດ, ກໍຄືພື້ນຖານໂຄງລ່າງຕິດຕໍ່ໂດຍກົງຂອງອາຊຽນ.
 |
ລັດຖະມົນຕີປ້ອງກັນປະເທດຂອງບັນດາປະເທດ ອາຊຽນ ຊຸກຍູ້ບັນດາຂໍ້ລິເລີ່ມຮັບປະກັນຄວາມສະຫງົບປອດໄພຢູ່ທະເລຕາເວັນອອກ |
ຖະແຫຼງການຮ່ວມ ຈາກາຕາ ທີ່ຮັບການປະກາດພາຍຫຼັງກອງປະຊຸມລັດຖະມົນຕີປ້ອງກັນປະເທດ ອາຊຽນ (ADMM) ຄັ້ງທີ 17 ຢູ່ ອິນໂດເນເຊຍ ເມື່ອວັນທີ 15 ພະຈິກ, ໄດ້ເນັ້ນວ່າ ບັນດາມາດຕະການຂ້າງເທິງນີ້ ຊ່ວຍເພີ່ມທະວີການຕິດຕໍ່ສື່ສານ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ຫຼຸດຜ່ອນຄວາມເຄັ່ງຕຶງທາງອາກາດ ແລະ ທະເລ, ພ້ອມທັງເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມປອດໄພ ແລະ ຄວາມເສລີໃນການເດີນທະເລຢູ່ທະເລຕາເວັນອອກ, ພິເສດແມ່ນການຍັບຍັ້ງຕົນເອງຈາກການກະທຳທີ່ເພີ່ມທະວີຄວາມຂັດແຍ່ງກັນ.
ໂດຍຮັບຮູ້ຂໍ້ຕົກລົງ 5 ຈຸດ (5PC) ຢູ່ ມຽນມາ, ບັນດາປະເທດຖືວ່າ ຕ້ອງມີຕົວຊີ້ວັດສະເພາະເພື່ອອຳນວຍຄວາມສະດວກໃນການປະຕິບັດ ແລະ ຮຽກຮ້ອງໃຫ້ທຸກພາກສ່ວນທີ່ກ່ຽວຂ້ອງຢຸດຕິການໃຊ້ຄວາມຮຸນແຮງ ແລະ ໃຫ້ມີຄວາມອົດກັ້ນສູງສຸດ.
ນອກຈາກນັ້ນ, ບັນດາປະເທດກໍ່ໄດ້ປຶກສາຫາລືກ່ຽວກັບໄພຂົ່ມຂູ່ທີ່ອາດຈະເກີດຂຶ້ນຕໍ່ຄວາມໝັ້ນຄົງ ແລະ ສັນຕິພາບຂອງພາກພື້ນ, ໃນສະພາບການຜັນແປຢ່າງສັບສົນຂອງບັນດາສິ່ງທ້າທາຍດ້ານຄວາມໝັ້ນຄົງແບບເກົ່າ ແລະ ແບບໃໝ່, ໃນນັ້ນມີສະພາບຊຸດໂຊມຂອງເສດຖະກິດໂລກ ແລະ ການປ່ຽນແປງທາງດ້ານພູມສາດການເມືອງ, ເພື່ອແກ້ໄຂບັນດາສິ່ງທ້າທາຍດັ່ງກ່າວ.
ມິງດຶກ
