| ທະຫານຊາຍແດນ ຫວຽດນາມ-ລາວ: ພ້ອມກັນຮ່ວມມື, ຮ້ອງເພງ ແລະ ມ່ວນຊື່ນ | |
| ພົບປະແລກປ່ຽນ, ມອບຂອງຂວັນໃຫ້ບັນດາກໍາລັງທະຫານຊາຍແດນ, ຄູອາຈານ, ນັກຮຽນຫວຽດນາມ-ລາວ |
ກອງປະຊຸມຄັ້ງນີ້ມີ 10 ປະເທດອາຊຽນ ເຂົ້າຮ່ວມ ໂດຍມີລັດຖະມົນຕີກະຊວງໂຍທາທິການ ແລະ ຂົນສົ່ງລາວ ເປັນປະທານ ເເລະ ລັດຖະມົນຕີກະຊວງຄົມມະນາຄົມຂົນສົ່ງມາເລເຊຍ ເປັນຮອງປະທານກອງປະຊຸມ.
ກ່າວຄຳປາໄສທີ່ກອງປະຊຸມ, ທ່ານຮອງລັດຖະມົນຕີກະຊວງຄົມມະນາຄົມຂົນສົ່ງ ຫງວຽນຢູຍເລີມ ກ່າວວ່າ ຫວຽດນາມ ໄດ້ເປັນເອກະສັນກັບ 7 ຂໍ້ສະເໜີຂອງຂັ້ນ STOM ແລະ ໃຫ້ຄຳໝັ້ນສັນຍາສືບຕໍ່ສົມທົບກັບບັນດາປະເທດສະມາຊິກ ແລະ ຄະນະເລຂາທິການ ອາຊຽນ ເພື່ອຜັນຂະຫຍາຍບັນດາການເຄື່ອນໄຫວດັ່ງກ່າວຢ່າງມີປະສິດທິຜົນ.
ສຳຫຼັບບົດບັນທຶກຊ່ວຍຈຳກ່ຽວກັບການພັດທະນາຕາໜ່າງທາງບົກ ອາຊຽນ, ທ່ານຮອງລັດຖະມົນຕີໃຫ້ຮູ້ວ່າ “ປະຈຸບັນ, ຫວຽດນາມ ພວມຜັນຂະຫຍາຍບັນດາລະບຽບການພາຍໃນຢ່າງຮີບດ່ວນເພື່ອສາມາດລົງນາມໄດ້ໃນເວລາໄວທີ່ສຸດ, ຄາດວ່າໃນເດືອນພະຈິກ 2023 ນີ້”.
 |
| ກອງປະຊຸມລັດຖະມົນຕີຂົນສົ່ງ ອາຊຽນ (ATM) ຄັ້ງທີ 29 ຢູ່ແຂວງຫຼວງພະບາງ, ປະເທດ ລາວ.(ທີ່ມາ: VGP) |
ສິ້ນສຸດກອງປະຊຸມຄົບຄະນະ, ບັນດາລັດຖະມົນຕີໄດ້ເປັນເອກະສັນອອກຖະແຫຼງການຮ່ວມ. ຕາມນັ້ນແລ້ວ, ກໍ່ສືບຕໍ່ຍູ້ແຮງຕະຫຼາດການບິນລວມ ປະເທດອາຊຽນ, ກອງປະຊຸມໄດ້ຮັບຮອງເອົາແຜນການສັງລວມກ່ຽວກັບການສະໜອງການບໍລິການຮັບປະກັນການເຄື່ອນໄຫວອາຊຽນ (ເອກະສານພິມຄັ້ງທີ 3) ເພື່ອບັນລຸໄດ້ເປົ້າໝາຍກ່ຽວກັບການຄຸ້ມຄອງການສັນຈອນທາງອາກາດຢ່າງລຸລ່ວງ.
ກ່ຽວກັບການປັບປຸງພື້ນຖານໂຄງລ່າງລົດໄຟຟ້າໃນພາກພື້ນ, ກອງປະຊຸມໄດ້ຮັບຮອງເອົາຂໍ້ສະເໜີແນະດ້ານນະໂຍບາຍປັບປຸງພື້ນຖານໂຄງລ່າງລົດໄຟຟ້າ ແລະ ປ້ອມສາກໄຟໃນອາຊຽນ, ໃນນັ້ນ ໄດ້ຊີ້ນຳພັດທະນາພື້ນຖານໂຄງລ່າງສາກລົດໄຟຟ້າ ແລະ ພື້ນຖານໂຄງລ່າງໜູນຊ່ວຍ, ລວມມີບັນດາອຸປະກອນສາກໄຟ ແລະ ອຸປະກອນສະໜອງໃຫ້ລົດໄຟຟ້າ.
ສຳຫຼັບການເພີ່ມທະວີທີ່ເຊື່ອມຕໍ່ພາຫະນະທາງບົກ, ບັນດາຫົວໜ້າຄະນະໄດ້ລົງນາມໃນບົດບັນທຶກຈົດຈຳກ່ຽວກັບການພັດທະນາຕາໜ່າງເສັ້ນທາງບົກອາຊຽນ (AHN), ໃນນັ້ນ ອັບເດດບັນດາເສັ້ນທາງບົກອາຊຽນ ແລະ ສ້າງເງື່ອນໄຂສະດວກໃຫ້ແກ່ການປັບປຸງເສັ້ນທາງ ກໍ່ຄືມາດຕະຖານການອອກແບບເສັ້ນທາງບົກສຳຫຼັບບັນດາປະເທດສະມາຊິກອາຊຽນ ໃນອະນາຄົດ.
ເພື່ອແນໃສ່ເພີ່ມທະວີການສ້າງຄວາມສະດວກໃນການຂົນສົ່ງສິນຄ້າຂ້າມຊາຍແດນ ແລະ ຫຼາຍຮູບຫຼາຍແບບໃຫ້ສຳຫຼັບສິນຄ້າ, ກອງປະຊຸມໄດ້ຊົມເຊີຍການໃຫ້ສັດຕະຍາບັນທີ່ຄົບຊຸດ ອານຸສັນຍາເລກທີ 6 (ກ່ຽວກັບເສັ້ນທາງລົດໄຟຊາຍແດນ ແລະ ສະຖານີລົດໄຟຄ່ຽນຖ່າຍ) ຂອງກອບສັນຍາອາຊຽນ ກ່ຽວກັບການສ້າງຄວາມສະດວກໃຫ້ສິນຄ້າຜ່ານແດນ (AFAFGIT). ຕາມນັ້ນແລ້ວ ກໍ່ສຳເລັດການໃຫ້ສັດຕະຍາບັນບັນດາອານຸສັນຍາໃນ AFAFGIT ທີ່ໄດ້ມີຜົນສັກສິດສຳຫຼັບບັນດາປະເທດສະມາຊິກອາຊຽນ.
ເພື່ອຊຸກຍູ້ຄວາມສາມາດຂອງຕ່ອງໂສ້ການສະໜອງທາງທະເລ, ກອງປະຊຸມໄດ້ຮັບຮອງເອົາຄຳແນະນຳກ່ຽວກັບທ່າກຳປັ່ນອັດສະລິຍະ, ໄດ້ກໍ່ສ້າງເພື່ອວັດແທກ ແລະ ວິເຄາະຕົວເລກດັດຊະນີທ່າກຳປັ່ນອັດສະລິຍະ (SPPI) ສຳຫຼັບ 14 ທ່າເຮືອໃນຕາງໜ່າງອາຊຽນ.
ກອງປະຊຸມໄດ້ເປັນເອກະສັນຈັດຕັ້ງກອງປະຊຸມລັດຖະມົນຕີຂົນສົ່ງ ອາຊຽນ ຄັ້ງທີ 30 ຢູ່ມາເລເຊຍ ໃນປີ 2024.
ດີງເລື້ອງ
