| IFC ສະໜັບສະໜູນຫວຽດນາມ ບັນດາມາດຕະການແກ້ໄຂເພື່ອປ້ອງກັນ ແລະ ຄວບຄຸມພະຍາດ ອະຫິວາໝູອາຟຣິກາ | |
| IFC: ອຸປະຖຳເງິນ 40 ລ້ານUSD ໃຫ້ແກ່ວິສາຫະກິດຫວຽດນາມທີ່ຖືກຮັບຜົນກະທົບຈາກ ໂລກລະບາດ COVID-19 |
ຕອນບ່າຍວັນທີ 13 ພະຈິກ, ທ່ານຮອງລັດຖະມົນຕີກະຊວງການເງິນ ຫງວຽນດືກຈີ່ ໄດ້ມີການຕ້ອນຮັບ ແລະ ເຮັດວຽກກັບຄະນະປະຕິບັດງານບໍລິສັດການເງິນສາກົນ (IFC).
ກ່າວຄຳປາໄສທີ່ກອງປະຊຸມ, ທ່ານຮອງລັດຖະມົນຕີ ງວຽນດຶກຈີ ໄດ້ຕີລາຄາສູງເລື່ອງ IFC ແລະ ບັນດາອົງການຈັດຕັ້ງສາກົນ ໄດ້ລະດົມແຫຼ່ງທຶນໂດຍກົງກໍ່ຄືທາງອ້ອມຈາກບັນດາອົງການການເງິນການຄ້າ ລົງທຶນເຂົ້າຂົງເຂດເອກະຊົນຂອງຫວຽດນາມ. ຜ່ານນັ້ນ, ກໍ່ຊ່ວຍຫວຽດນາມ ເພີ່ມທະວີຄວາມອາດສາມາດເຂົ້າເຖິງການເງິນ ເພື່ອຮັບໃຊ້ເປົ້າໝາຍພັດທະນາເສດຖະກິດພາກເອກະຊົນ, ສະໜອງຄວາມຕ້ອງການທຶນເພື່ອປະຕິບັດບັນດາຄຳໝັ້ນສັນຍາຂອງ ຫວຽດນາມ ທີ່ COP 26 ແລະ ປະຕິບັດບັນດາຈຸດໝາຍກ່ຽວກັບເຕີບໂຕສີຂຽວ ແລະ ການຫັນປ່ຽນພະລັງງານຍຸຕິທຳ.
 |
| ບັນຍາກາດທີ່ກອງປະຊຸມ (ພາບ: ໜັງສືພິມ ພາສີ). |
ທ່ານຮອງລັດຖະມົນຕີຢືນຢັນວ່າ: ກະຊວງການເງິນ ຍາມໃດກໍ່ສ້າງເງື່ອນໄຂສະດວກທີ່ສຸດເພື່ອຊ່ວຍ IFC ສືບຕໍ່ລົງທຶນ ແລະ ລະດົມແຫຼ່ງກຳລັງເພື່ອລົງທຶນຢູ່ ຫວຽດນາມ, ຊຸກຍູ້ການພັດທະນາເສດຖະກິດ, ພິເສດແມ່ນພາກເອກະຊົນ.
ຕໍ່ກັບຂ່າວທີ່ແຈ້ງວ່າ IFC ຈະເພີ່ມທະວີລະດັບລົງທຶນຢູ່ ຫວຽດນາມ ໃນໄລຍະຈະມາເຖິງ, ທ່ານຮອງລັດຖະມົນຕີ ງວຽນດືກຈີ ໃຫ້ຮູ້ວ່າ: ກະຊວງການເງິນຈະຄົ້ນຄວ້າ ແລະ ແລກປ່ຽນກັບບັນດາກະຊວງ, ຂະແໜງການ ເພື່ອລາຍງານຕໍ່ທ່ານນາຍົກລັດຖະມົນຕີ ກ່ຽວກັບບັນດາເນື້ອໃນ ໂດຍການສະເໜີຂອງ IFC ທີ່ກ່ຽວຂ້ອງເຖິງການກຳນົດລະດັບພາສີກ່ຽວກັບລາຍຮັບ ແລະ ຊັບສິນຂອງບັນດາອົງການຈັດຕັ້ງອື່ນນອກຈາກ IFC. ທ່ານຮອງລັດຖະມົນຕີເນັ້ນໜັກວ່າ: ກະຊວງການເງິນຈະມານະພະຍາຍາມແກ້ໄຂຄວາມຫຍຸ້ງຍາກບົນຈິດໃຈຮັບປະກັນໃຫ້ຖືກຕາມກຳນົດກົດໝາຍ.
ກ່າວຄຳປາໄສທີ່ກອງປະຊຸມ, ທ່ານ Riccardo Puliti, ຮອງປະທານຜູ້ຮັບຜິດຊອບພາກພື້ນອາຊີ - ປາຊີຟິກ ສະແດງຄວາມຂອບໃຈຕໍ່ກັບກະຊວງການເງິນທີ່ໄດ້ສະຫຼະເວລາມາແລກປ່ຽນກັບ IFC ເພື່ອຮ່ວມກັນແກ້ໄຂບັນດາຂໍ້ຄົງຄ້າງໃນວິວັດການຮ່ວມມືລະຫວ່າງ 2 ຝ່າຍ, ພ້ອມກັນນັ້ນ ກໍ່ແຈ້ງຂໍ້ມູນຂ່າວໃຫ້ກັນຊາບ, IFC ຫວັງຢາກເພີ່ມທະວີຂອບຂະໜາດເງີນລົງທຶນຢູ່ ຫວຽດນາມ ຈາກ 2 ຕື້ USD ຂຶ້ນເປັນ 5 ຕື້ USD ໃນໄລຍະຈະມາເຖິງ.
ທີ່ການພົບປະ, ທ່ານ John F. Gandolfo, ຮອງປະທານຜູ້ຮັບຜິດຊອບກອງທຶນ IFC ຢືນຢັນວ່າ IFC ຍາມໃດກໍ່ປາດຖະໜາຢາກສົມທົບກັບກະຊວງການເງິນ ຫວຽດນາມ ເພື່ອຊອກຫາວິທີການແກ້ໄຂແນໃສ່ເພີ່ມທະວີຂອບຂະໜາດເງິນລົງທຶນເຂົ້າ ຫວຽດນາມ ເວົ້າລວມ ແລະ ເພີ່ມທະວີການລະດົມທຶນລົງທຶນໜູນຊ່ວຍພາກເອກະຊົນຫວຽດນາມ ເວົ້າສະເພາະ ໃນຫຼາຍຂົງເຂດ.
ໃນໄລຍະມໍ່ໆມານີ້, IFC ໄດ້ໜູນຊ່ວຍພາກເອກະຊົນຫວຽດນາມ ໃນຂົງເຂດຕ່າງໆ, ໂດຍຜ່ານ 3 ຮູບແບບແຫຼ່ງທຶນຕົ້ນຕໍຄື: ໂດຍກົງຈາກແຫຼ່ງທຶນປະຈຳຂອງ IFC (ເງິນກູ້ຢືມ A); ການສົມທົບກັບບັນດາຜູ້ອຸປະຖຳຕ່າງປະເທດອື່ນໆ (ເງິນກູ້ຢືມ B); ໂດຍທາງອ້ອມແມ່ນຜ່ານບັນດານິຕິບຸກຄົນຕ່າງປະເທດ ເພື່ອໜູນຊ່ວຍບັນດາໂຄງການ, ວິສາຫະກິດ ແລະ ບັນດາບໍລິສັດຂະໜາດນ້ອຍຢູ່ ຫວຽດນາມ. ໃນປີ 2022, IFC ໄດ້ລະດົມທຶນກູ້ຢືມກ່ວາ 1 ຕື້ USD ໃຫ້ພາກເອກະຊົນຫວຽດນາມ.
ດີງເລື້ອງ
