| ປະທານປະເທດ ຫວຽດນາມ, ຈີນ ແລະ ນາຍົກລັດຖະມົນຕີ ອາຣັບບີຊະອຸດີ ຢ້ຽມຢາມ ໄທ ຢ່າງເປັນທາງການ ໃນໂອກາດສັບປະດາສຸດຍອດ APEC 2022 | |
| ຫວຽດນາມ ເຂົ້າຮ່ວມກອງປະຊຸມຂັ້ນສູງ APEC ຄັ້ງທີ 12 ກ່ຽວກັບດ້ານສາທາລະນະສຸກ ແລະ ເສດຖະກິດ |
ເວທີປາໄສການຮ່ວມມືດ້ານເສດຖະກິດອາຊີ - ປາຊີຟິກ (APEC) ລວມມີ 21 ພື້ນຖານເສດຖະກິດສະມາຊິກ, ໃນນັ້ນມີບັນດາປະເທດເສດຖະກິດໃຫຍ່ທີ່ສຸດໃນໂລກ. APEC ເປັນຕົວແທນປະມານ 39% ຂອງປະຊາກອນໂລກ, ປະກອບສ່ວນ 62% GDP ແລະ 48% ຂອງການຄ້າທົ່ວໂລກ. APEC ປະຕິບັດຕາມຫຼັກການເຫັນດີເຫັນພ້ອມ, ສະໝັກໃຈ, ແລະ ບໍ່ບັງຄັບ; ບໍ່ມີກົດບັດ ຫຼືກົດລະບຽບ.
 |
ກອງປະຊຸມໃນຂອບເຂດສັບປະດາຂັ້ນສູງ APEC 2023 ໃນວັນທີ 11 ພະຈິກ |
ພາຍຫຼັງ 35 ປີແຫ່ງການສ້າງຕັ້ງ ແລະ ພັດທະນາ, ມາຮອດປະຈຸບັນ, APEC ໄດ້ຮັບບັນດາຜົນງານທີ່ໂດດເດັ່ນ ແບະ ແທດຈິງໃນທັງ 3 ເສົາຄ້ຳແຫ່ງການຮ່ວມມືຄື: ການຫັນເປັນການຄ້າ ແລະ ການລົງທຶນເສລີ; ການຫັນທຸລະກິດເປັນສະດວກ; ການຮ່ວມມືດ້ານເສດຖະກິດ - ເຕັກນິກຊີ, ການສ້າງຄວາມສາມາດ, ການພັດທະນາທີ່ສະເຫມີພາບ ແລະ ຄວາມໝັ້ນຄົງ.
APEC ສືບຕໍ່ຢັ້ງຢືນແມ່ນກົນໄກຮ່ວມສຳພັນດ້ານເສດຖະກິດພາກພື້ນແຖວໜ້າ, ເລີ່ມດຳເນີນ ແລະ ເປັນເຈົ້າການຊຸກຍູ້ການຊຸກຍູ້ການຫັນເສດຖະກິດ, ການຄ້າ ແລະ ການລົງທຶນຢູ່ພາກພື້ນ ແລະ ໃນໂລກ ເປັນເສລີ, ປະກອບສ່ວນສຳຄັນເຂົ້າໃນການເຕີບໂຕເສດຖະກິດ ແລະ ຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນອາຊີ-ປາຊີຟິກ.
ການເຕີບໂຕຍອດຜະລິດຕະພັນພາຍ (GDP) ໃນຕົວຈິງຂອງ APEC ສະເລ່ຍ 3,9% ຕໍ່ປີ, ໄວກວ່າປະເທດອື່ນໆໃນຂະນະທີ່ຍອດຜະລິດຕະພັນພາຍໃນເຕີບໂຕ 3.1%. ກ່ຽວກັບການຮ່ວມມືດ້ານເສດຖະກິດ ແລະ ເຕັກນິກ, ແຕ່ລະປີ APEC ໄດ້ໜູນຊ່ວຍດ້ານການເງິນໃຫ້ປະມານ 150 ໂຄງການຮ່ວມມື ແລະ ຍົກສູງກຳລັງແຮງດ້ວຍຍອດມູນຄ່າເຖິງ 23 ລ້ານ USD.
ປະຈຸບັນ, APEC ພວມຜັນຂະຫຍາຍບັນດາຍຸດທະສາດ ແລະ ໂຄງການຮ່ວມມືໃຫຍ່ຄື: ໂຄງການດຳເນີນງານເພີ່ມທະວີກຽວກັບການປະຕິຮູບໂຄງປະກອບ ຮອດປີ 2025, ແຜນການແກ່ງແຍ້ງການບໍລິການ ຮອດປີ 2025, ແຜນການເຊື່ອມຕໍ່ສັງລວມ ຮອດປີ 2025, ໂຄງການດຳເນີນງານພັດທະນາກວມລວໃດ້ານເສດຖະກິດ, ການເງິນ ແລະ ສັງຄົມ ຮອດປີ 2030, ຂອບເຂດການພັດທະນາຊັບພະຍາກອນມະນຸດໃນຍຸກດິຈິຕອນ ຮອດປີ 2025, ແຜນການ La Serena ກຽວກັບແມ່ຍິງ ແລະ ການເຕີບໂຕກວມລວມ ຮອດປີ 2030.
APEC ໄດ້ປະກອບສ່ວນຢ່າງຕັ້ງໜ້າເຂົ້າໃນຂະບວນການສ້າງໂຄງປະກອບການຮ່ວມມືພາກພື້ນຫຼາຍຊັ້ນຂັ້ນ, ຮັກສາບົດບາດນຳໜ້າຂອງ ອາຊີ - ປາຊີຟິກ ໃນຂະບວນການເຕີບໂຕ ແລະ ຮ່ວມສຳພັນເສດຖະກິດທົວໂລກ.
ທີ່ສັບປະດາຂັ້ນສູງ APEC 2023 ໄດ້ດຳເນີນຢູ່ນະຄອນ San Francisco, ລັດ California (ອາເມລິກາ) ແຕ່ວັນທີ 11 – 17ພະຈິກ. ເວທີປາໄສແມ່ນໂອກາດເພື່ອໃຫ້ບັນດາການນຳຂອງ 21 ພື້ນຖານເສດຖະກິດປຶກສາຫາລືຫຼາຍບັນຫາທີ່ກ່ຽວຂ້ອງເຖິງພື້ນຖານເສດຖະກິດໂລກໃນປະຈຸບັນ: ຮັກສາລະບົບຕ່ອງໂສ້ການສະໜອງແບບຍືນຍົງ, ການຫັນເປັນດິຈິຕອນ, ການຄ້າດິຈິຕອນ, ການຫັນປ່ຽນພະລັງງານ, ການຕ້ານການປ່ຽນແປງຂອງດິນຟ້າອາກາດ, ເສດຖະກິດສີຂຽວ... ບັນຫາກ່ຽວກັບການຄ້ຳປະກັນສະບຽງອາຫານ, ສາທາລະນະສຸກ, ການຕ້ານການສໍ້ລາດບັງຫຼວງ, ການຫັນເປັນດີຈີຕອນ, ການມອບສິດທາງດ້ານເສດຖະກິດໃຫ້ແກ່ແມ່ຍິງ ແລະ ການຫນູນຊ່ວຍຊຸມຊົນທີ່ກ່ອນນີ້ບໍ່ທັນໄດ້ຮັບຄວາມເອົາໃຈໃສ່ ແລະ ໄດ້ຮັບຄວາມເອົາໃຈໃສ່ໜ້ອຍ ກໍ່ຈະນຳເຂົ້າໃນໂຄງການດຳເນີນງານດັ່ງກ່າວ. ບັນດາຜູ້ແທນຈະປຶກສາຫາລືບັນດາມາດຕະການແກ້ໄຂ, ກໍ່ຄືການປະສານສົມທົບດ້ານນະໂຍບາຍລະຫວ່າງບັນດາພື້ນຖານເສດຖະກິດ, ເຮັດແນວໃດໃຫ້ເສດຖະກິດຟື້ນຟູໄວທີ່ສຸດ, ກໍ່ຄືແມ່ນການຮັບປະກັນພື້ນຖານເສດຖະກິດພັດທະນາຢ່າງປອດໃສ ແລະ ເຂັ້ມແຂງໃນໄລຍະຈະມາເຖິງ.
ດ້ວຍຫົວຂໍ້ “ສ້າງອະນາຄົດທີ່ເຂັ້ມແຂງ ແລະ ໝັ້ນຄົງຂອງທຸກຄົນ”, ປີ APEC 2023 ໄດ້ສຸມໃສ່ 3 ບຸລິມະສິດຄື:
- ສ້າງພາກພື້ນທີ່ເຂັ້ມແຂງ ແລະ ເຊື່ອມຕໍ່, ຊຸກຍູ້ການພັດທະນາເສດຖະກິດຮອບດ້ານ.
- ຊຸກຍູ້ສະພາບແວດລ້ອມແຫ່ງນະວັດຕະກຳເພື່ອອະນາຄົດທີ່ຍືນຍົງ.
- ປັບປຸງອະນາຄົດທີ່ສະເໝີພາບ ແລະ ກວມລວມຂອງທຸກຄົນ.
ໃນ 25 ປີທີ່ເຂົ້າຮ່ວມ APEC, ຫວຽດນາມ ໄດ້ປະກອບສ່ວນຢ່າງຕັ້ງໜ້າເຂົ້າໃນເວທີປາໄສ APEC, ປະກອບສ່ວນຊຸກຍູ້ສັນຕິພາບ, ຄວາມໝັ້ນຄົງ, ການຮ່ວມມື, ການເຊື່ອມຕໍ່ເສດຖະກິດພາກພື້ນ, ຮັກສາບົດບາດຂອງ APEC ແມ່ນກົນໄກຮ່ວມດ້ານເສດຖະກິດແຖວໜ້າຢູ່ອາຊີ - ປາຊີຟິກ. ໃນຕົວຈິງແລ້ວ, ຫວຽດນາມໄດ້ເປັນເຈົ້າພາບຈັດຕັ້ງເປັນປະທານ APEC 2 ຄັ້ງ.
ຫວຽດນາມ ໄດ້ມີການປະກອບສ່ວນ ແລະ ຂໍ້ລິເລີ່ມຫຼາຍຢ່າງເພື່ອແນໃສ່ຊຸກຍູ້ວິວັດການ APEC, ການເຂົ້າຮ່ວມຂອງຫວຽດນາມ ກໍ່ສະແດງໃຫ້ເຫັນການສະໜັບສະໜູນຂອງ ຫວຽດນາມ ໃນບັນດາຫຼັກການ ແລະ ວິວັດການຂອງ APEC. ຫວຽດນາມກຽມພ້ອມທີ່ຈະສົມທົບກັບບັນດາປະເທດສະມາຊິກ ເພື່ອໃຫ້ວິວັດການນີ້ຂະຫຍາຍຕົວກ່ວາອີກ. ຜ່ານນັ້ນ ກໍ່ຮັບປະກັນການພັດທະນາເສດຖະກິດແບບຍືນຍົງ. ຜ່ານນັ້ນຮັບປະກັນການພັດທະນາເສດຖະກິດແບບຍືນຍົງ ແລະ ນຳມາເຊິ່ງກາລະໂອກາດໃໝ່, ທ່າຂໍ້ຄວາມສະດວກໃໝ່ ແລະ ພິເສດແມ່ນເງື່ອນໄຂເພື່ອຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຂອງສະພາບການໂລກທີ່ສັບສົນ.
ສົມເຟັດ
