| ຫວຽດນາມ ປາດຖະໜາຢາກຊອກຮູ້ປະສົບການຈາກ ຍີ່ປຸ່ນ ແລະ ບັນດາປະເທດທີ່ມີການສຶກສາກ້າວໜ້າ | |
| 50 ປີແຫ່ງການພົວພັນທາງການທູດລະຫວ່າງ ຫວຽດນາມ ແລະ ຍີ່ປຸ່ນ: ມຸ່ງໄປເຖິງອະນາຄົດ, ຕົວຂຶ້ນອອກສູ່ໂລກ |
ບັນດາເຄື່ອງອຸປະກອນນີ້ໄດ້ແຈກຢາຍໃຫ້ຫຼາຍຫົວໜ່ວຍສັງກັດກະຊວງສາທາລະນະສຸກຫວຽດນາມ ແລະ 7 ແຂວງເຂດພູດອຍທາງພາກເໜືອ ແລະ ເຂດໄຕ່ຫງຽວນ. ນີ້ແມ່ນບັນດາແຂວງທີ່ມີຄວາມຫຍຸ້ງຍາກຫຼາຍດ້ານກ່ຽວກັບພູມສາດ ແລະ ເສດຖະກິດ, ເພື່ອແນໃສ່ເພີ່ມທະວີການນຳໃຊ້ເຕັກໂນໂລຊີຂໍ້ມູນຂ່າວສານໃນການຄຸ້ມຄອງສຸຂະພາບແມ່ ແລະ ເດັກ ເປັນຕົ້ນແມ່ນສຸຂະພາບຜູ້ຍິງຖືພາເກີດລູກ.
ເປົ້າຫມາຍໂດຍລວມແມ່ນເພື່ອຮັບປະກັນການລາຍງານສະຖິຕິບົດລາຍງານຂໍ້ມູນທີ່ຮອບດ້ານສໍາລັບແມ່ ແລະ ເດັກ, ເຊິ່ງຂໍ້ມູນທີ່ສໍາຄັນໄດ້ຖືກລາຍງານແລະ ອັບເດດໃນເວລາຕົວຈິງ. ທັງໝົດລວມມີຜົນຂອງການສັກຢາວັກຊີນ, ບັນດາຂໍ້ມູນສຸຂະພາບຂອງແມ່ ແລະ ເດັກ ແມ່ນໄດ້ຖືກລວມເຂົ້າໃນລະບົບຄຸ້ມຄອງຂໍ້ມູນທີ່ເຫມາະສົມ, ບໍ່ວ່າເດັກຈະຢູ່ໃສ ຫຼືວ່າບັນດາເອກະສານໄດ້ສູນເສຍໄປແລ້ວກໍ່ຕາມ.
 |
| ພິທີມອບ-ຮັບອຸປະກອນໃນວັນທີ 7 ພະຈິກ |
ໂຄງການນີ້ແມ່ນດຳເນີນໂດຍການປະສານງານສົມທົບກັບກອງທຶນເພື່ອເດັກແຫ່ງສະຫະປະຊາຊາດ (UNICEF) ແລະ ຍີ່ປຸ່ນ. ບ້ວງເງິນໜູນຊ່ວຍລວມມູນຄ່າ 1 ຕື້ 267 ລ້ານເຢນຍີ່ປຸ່ນ ເຊິ່ງໄດ້ມອບໃຫ້ບັນດາປະເທດອາຊີຕາເວັນອອກສ່ຽງໃຕ້, ໃນນັ້ນ ຫວຽດນາມ ໄດ້ຮັບການໜູນຊ່ວຍມູນຄ່າ 290 ລ້ານເຢນ.
ໂຄງການນີ້ຈະຫນູນຊ່ວຍໃນການປັບປຸງບົດບາດ ແລະ ຄວາມອາດສາມາດປະສານຊຶ່ງກັນແລະກັນຂອງບັນດາຊອບແວໃນການຄຸ້ມຄອງຂໍ້ມູນສາທາລະນະສຸກດິຈິຕອນທີ່ມີຢູ່ແລ້ວ; ການບຳລຸງສ້າງທີ່ຮອບດ່້ານສໍາລັບພະນັກງານການແພດ, ໂດຍສະເພາະແມ່ນພະນັກງານທ້ອງຖິ່ນ, ເພື່ອສາມາດນໍາໃຊ້ຊອບແວສະຖິຕິຂໍ້ມູນຂ່າວສານທາງການແພດຢ່າງຊໍານານ.ນອກຈາກນັ້ນ, ກໍ່ຮັບປະກັນເເຕ່ລະຮາກຖານສາທາລະນະສຸກທີ່ມີຄວາມຕ້ອງການ (ລວມທັງສຸກສາລາ) ພາຍໃນຂອບເຂດໂຄງການ ຈະໄດ້ມີອຸປະກອນເຕັກໂນໂລຢີຂໍ້ມູນຂ່າວສານທີ່ຈໍາເປັນເພື່ອປະກອບໃສ່ ແລະລາຍງານຂໍ້ມູນທີ່ກ່ຽວຂ້ອງເຖິງສຸຂະພາບຂອງແມ່ ແລະ ເດັກ.
ຜ່ານການຮ່ວມມືກັບ UNICEF, ລັດຖະບານ ຍີ່ປຸ່ນ ໄດ້ໜູນຊ່ວຍໃຫ້ຂະແໜງສາທາລະນະສຸກຫວຽດນາມ ພໍສົມຄວນໃນການຕ້ານໂລກລະບາດ Covid – 19. ການຫນູນຊ່ວຍນີ້ມີບົດບາດສໍາຄັນໃນການເພີ່ມທະວີການລາຍງານສະຖິຕິ ແລະ ການປັບປຸງຄຸນນະພາບຂໍ້ມູນ. ການສະຫນັບສະຫນູນນີ້ໄດ້ຊ່ວຍສະຫນອງຫຼັກຖານທີ່ຈໍາເປັນເພື່ອພັດທະນາ ແລະ ປະຕິບັດນະໂຍບາຍທີ່ມີປະສິດທິຜົນ, ໂດຍສະເພາະແມ່ນໃນຂົງເຂດສຸຂະພາບແມ່ ແລະ ເດັກ, ກໍ່ຄືບັນຫາສຸຂະພາບທົ່ວໂລກທີ່ກວ້າງຂວາງ.
ດີງເລື້ອງ
