ນັກອອກແບບຂອງຮ່າໂນ້ຍ ສ້າງ Homestay ຢູ່ໃຈກາງສວນ ໝາກລິ້ນຈີ່

ສາມປີກ່ອນ ແນວຄວາມຄິດທີ່ຢາກສ້າງເຮືອນພັກ ເພື່ອມາພັກຜ່ອນໃນທ້າຍອາທິດເທົ່ານັ້ນມາຮອດປະຈຸບັນ ໄດ້ກາຍເປັນ Homestay ໃຫ້ເຊົ່າແລ້ວ. ເຈົ້າຂອງສ້າງ Homestay ໃຫ້ອອກມາຄືເຮືອນຮ້ານຂອງປະຊາຊົນທ້ອງຖິ່ນ ແຕ່ປະສົມປະສານກັບ ແບບທັນສະໄໝ, ສະດວກສະບາຍ ພ້ອມສະລອຍນຳ້. ໂຄງສ້າງ ແລະ ອຸບປະກອນຕ່າງ ເປັນຕົ້ນເຟີນີ້ເຈິ້ພາຍໃນແລະພາຍນອກ ເຮັດມາຈາກໄມ້ເປັນສ່ວນໃຫຍ່. ແນວຄວາມຄິດໃນການອອກແບບ ແລະ ຕົກແຕ່ງພາຍນອກ ແມ່ນມາຈາກແນວຄວາມຄິດຂອງ ນາງ ຢາງ ຜູ້ເປັນເຈົ້າຂອງ. ຜາເຮືອນກໍ່ດ້ວຍດິນຈີ່ ສະຫຼັບກັນສ້າງ ຊ່ອງລົມ ປະກອບກັບປະຕູແວ່ນແຈ້ງ, ຜ້າມ້ານສີຂ່າວ ເຮັດໃຫ້ຮູ້ສຶກໂລ່ງສະບາຍຕາ. ເຮືອນໄດ້ຮັບການຍົກລະດັບໃຫ້ສູງຂື້ນເພື່ອໃຫ້ເກີດທັດສະນີຍະພາບໂລ່ງ, ໂຄງສ້າງໄດ້ຮັບການເສີມດ້ວຍເຫຼັກເພື່ອຄວາມແຂງແກ່ນ. ກ້ອງຕະລ່າງເຮືອນຊັ້ນ 1 ມີຄວາມກວ້າງຂວາງເໝາະແກ່ການຈັດກິດຈະກຳຄອບຄົວ. ປະຕູປ່ອງຢ້ຽມກວ້າງ ຕິດແວ່ນແຈ້ງ ເຮັດໃຫ້ບັນຍາດພາຍໃນແລະພາຍນອກເຊື່ອມໂຍງກັນໄດ້. ເຮັດໃຫ້ຜູ້ຢູ່ອາໄສຮູ້ສືກວ່າເຮືອນກວ້າງຂວາງກວ່າເກົ່າ. ຂັ້ນໄດ້ເຮືອນຍ້າຍເຂົ້າມາພາຍໃນເຮືອນເພື່ອໃຫ້ສອດຄ່ອງ ແລະ ສ້າງຄວາມປອດໄພໃຫ້ແກ່ຜູ້ຢູ່ອາໄສ ແຕ່ບໍ່ເຮັດໃຫ້ຮູ້ສືກເຮືອນແຄບລົງ. ເຈົ້າຂອງເຮືອນມີຄວາມມັກສະຕາຍ ພື້ນບ້ານເອກກະລັກຫວຽດນາມ ສະນັ້ນເຟີນີເຈີ້ຕົກແຕ່ງພາຍໃນແມ່ນສ່ວນຫຼາຍແມ່ນໄມ້. ຢູ່ອ້ອມຮອບເຮືອນ ເຕັມໄປດ້ວຍສວນຜັກ ແລະ ຕົ້ນໝາກລິ້ນຈີ່ ປູກໄດ້ຫຼາຍສິບປີ. ຢູ່ຊັ້ນສອງ ມີສອງຫ້ອງນອນ ແລະ ຫ້ອງລວມ ໜຶ່ງຫ້ອງ. ຫ້ອງນຳ້ສ້າງແບບທັນສະໄໝ ແຕ່ຕົກແຕ່ງແບບສະຕາຍພື້ນບ້ານ.