ມອບພາຫະນະລ້ຽງຊີບໃຫ້ປະຊາຊົນຢູ່ເຂດຊາຍແດນ

11:12 | 16/09/2023

ຍສໝ - ວັນທີ 15 ກັນຍາ, ຄະນະເສດຖະກິດ-ປ້ອງກັນຊາດ 92 (ກອງ 92), ທະຫານເຂດ 4 ໄດ້ຈັດຕັ້ງການໜູນຊ່ວຍງົວ - ຄວາຍ ແນວພັນ ໃຫ້ແກ່ປະຊາຊົນເຂດຊາຍແດນຢູ່ເຫ້ວ. ນີ້ບໍ່ພຽງແຕ່ເປັນຊັບສົມບັດອັນໃຫຍ່ຫຼວງ ແລະ ລ້ຳຄ່າຂອງປະຊາຊົນເທົ່ານັ້ນ, ຫາກຍັງເປັນພາຫະນະມນການຫາລ້ຽງຊີບ ແລະ ແຫຼ່ງທຶນໃຫ້ແກ່ຄອບຄົວພັດທະນາເສດຖະກິດອີກດ້ວຍ.

	ຕໍ່າຫູກ - ວັດທະນະທຳພື້ນເມືອງ ທີ່ເປັນເອກະລັກສະເພາະຂອງຊົນເຜົ່າ ກະຕູ່ ຢູ່ຫວຽດນາມ ແລະ ລາວ
	ງານບຸນວັດທະນະທຳ ແລະ ກິລາຊາວໜຸ່ມຫວຽດນາມ - ລາວ ຢູ່ແຂວງ ບິ່ງດິ້ງ

ສະຫາຍ ພັນເອກ ລີວດຶກຈິ່ງ, ເລຂາຄະນະພັກ, ກໍາມະການການເມືອງຂອງກອງ 92 ໃຫ້ຮູ້ວ່າ: “ຄັ້ງນີ້, ກອງ 92 ໄດ້ໜູນຊ່ວຍແນວພັນງົວ 160 ໂຕ, ຄວາຍ 33 ໂຕ ແລະ ວັດຖຸອຸປະກອນອື່ນໆໃຫ້ 193 ຄອບຄົວທີ່ປະສົບກັບຄວາມຫຍຸ້ງຍາກຢູ່ເຂດ 4 ຕາແສງ ເລິມເດິດ, ດົ່ງເຊີນ, ອາຣວ່າງ, ເຮື່ອງຟອງ, ເມືອງ ອາເລືອຍ ເພື່ອແບ່ງເບົາຄວາມຫຍຸ້ງຍາກໃຫ້ແກ່ປະຊາຊົນຜູ້ທຸກຍາກຢູ່ເຂດຊາຍແດນຢ່າງທັນການ”. ພ້ອມກັບການໜູນຊ່ວຍຄວາຍ ແລະ ງົວ, ຄະນະຍັງໄດ້ຈັດຕັ້ງການຝຶກອົບຮົມການລ້ຽງງົວ - ຄວາຍໃຫ້ແກ່ປະຊາຊົນ, ໂດຍສຸມໃສ່ບັນດາເນື້ອໃນຄື: ວິທີກໍ່ສ້າງ ແລະ ອະນາໄມຄອກ, ກັ້ງບັງໃນຍາມອາກາດໜາວ, ວິທີປູກຫຍ້າງວງຊ້າງ, ເຕັກນິກລ້ຽງງົວຄວາຍພັນຊີ້ນ, ງົວຄວາຍແນວພັນ; ວິທີການຮັບຮູ້ບາງພະຍາດທີ່ພົບເລື້ອຍໆ ແລະ ການປ້ອງກັນພະຍາດ ແລະ ຫມັ້ນຫມາຍທີ່ຈະຫຼຸດພົ້ນອອກຈາກຄວາມທຸກຍາກແບບຍືນຍົງ.