ຕາມກະຊວງຊັບພະຍາກອນ ແລະ ສິ່ງແວດລ້ອມຂອງລາວ, ນັບແຕ່ຕົ້ນປີນີ້ເປັນຕົ້ນມາ, ປະເທດລາວໄດ້ຮັບຜົນສະທ້ອນຈາກມົນລະພິດສິ່ງແວດລ້ອມຢ່າງໜັກໜ່ວງ, ໂດຍສະເພາະແມ່ນມົນລະພິດຂີ້ຝຸ່ນລະອຽດ (PM 2.5) ທີ່ເກີດຈາກໄຟໄໝ້ປ່າ. ນອກຈາກນັ້ນ, ມົນລະພິດຈາກໂຮງງານ, ຍານພາຫະນະ ແລະ ການຈູດຂີ້ເຫຍື້ອຢ່າງບໍ່ຢຸດຢັ້ງ ໂດຍສະເພາະຂີ້ເຫຍື້ອພລາສຕິກທີ່ສົ່ງຜົນກະທົບໂດຍກົງຕໍ່ສະຂະພາບ ແລະ ການດຳລົງຂອງປະຊາຊົນລາວ.
ທ່ານ ນາງ ບຸນຄຳ ວໍລະຈິດ, ລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ ລາວ ໃຫ້ຮູ້ວ່າ: "ຂີ້ເຫຍື້ອພລາສຕິກກາຍເປັນສິ່ງທ້າທາຍອັນໃຫຍ່ຫຼວງຂອງປະເທດລາວ, ການນຳໃຊ້ຜະລິດຕະພັນປຼາສະຕິກທີ່ບໍ່ສາມາດລະລາຍ ຫຼື ການຖິ້ມຂີ້ເຫຍື້ອຊະຊາຍໄດ້ສົ່ງຜົນສະທ້ອນຮ້າຍແຮງຕໍ່ສິ່ງແວດລ້ອມ ແລະ ສຸຂະພາບຂອງມະນຸດ".
 |
| ທ່ານ ນາງ ບຸນຄຳ ວໍລະຈິດ, ລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ ລາວ. |
ຕາມ ທ່ານ ນາງ ບຸນຄຳ ວໍລະຈິດ ແລ້ວ, ເພື່ອປະເຊີນກັບສະຖານະການຄືແນວນັ້ນ, ປະເທດລາວ ໄດ້ ເເລະ ກຳລັງຍູ້ແຮງວຽກງານໂຄສະນາ, ການສຶກສາສິ່ງແວດລ້ອມ, ຍົກສູງສະຕິໃນການປົກປັກຮັກສາສິ່ງແວດລ້ອມໃຫ້ທົ່ວສັງຄົມ ເພື່ອປະເທດລາວ ກາຍເປັນປະເທດສີຂຽວ, ສະອາດ ແລະ ສວຍງາມ. ນອກຈາກນັ້ນ, ລາວກໍ່ໄດ້ຍົກບັນຫາການແກ້ໄຂຂີ້ເຫຍື້ອເຂົ້າສູ່ແຜນການພັດທະນາເສດຖະກິດສັງຄົມແຫ່ງຊາດ ໄລຍະ 2021-2025.
ອີງຕາມສະຖິຕິໃນປີ 2022, ຜະລິດຕະພັນພລາສຕິກກວມເອົາຈຳນວນສິນຄ້ານຳເຂົ້າສ່ວນໃຫຍ່ ແລະ ປະເທດຕ້ອງໃຊ້ເງິນປະມານ 200 ລ້ານ usd ເພື່ອນຳເຂົ້າຜະລິດຕະພັນພລາສຕິກ. ນະຄອນຫຼວງວຽງຈັນສະເລ່ຍຂີ້ເຫຍື້ອໃນຄົວເຮືອນ 500 - 600 ໂຕນຕໍ່ມື້ ແຕ່ສາມາດບຳບັດໄດ້ພຽງແຕ່ 50 - 60% ເທົ່ານັ້ນ.
ດີງເລື້ອງ
