| ການໝູນໃຊ້ດິຈິຕອນເພື່ອນໍາໝາກລິ້ນຈີ່ຖ່ຽວ ຫວຽດນາມ ໄປສູ່ທົ່ວໂລກ | |
| ການຄ້າອີເລັກໂທຣນິກ ຂ້າມຊາຍແດນ: ວິທີແກ້ໄຂເພື່ອຊຸກຍູ້ການສົ່ງອອກ |
ໃນການສົນທະນາ, ຄວາມຄິດເຫັນສ່ວນຫຼາຍກ່າວວ່າ ຄວນມີ GDC ທີ່ກຳນົດບັນດາຫຼັກການ ແລະ ເປົ້າໝາຍພື້ນຖານເພື່ອຊຸກຍູ້ການຮ່ວມມື ແລະ ການຄຸ້ມຄອງດິຈິຕອນທົ່ວໂລກ ເພື່ອຮັບປະກັນຄວາມຍຸຕິທຳ ແລະ ຜົນປະໂຫຍດຂອງທົ່ວປະເທດ.
ພິເສດ, ຫຼາຍປະເທດພວມພັດທະນາເນັ້ນໜັກວ່າ GDC ຕ້ອງໝູນໃຊ້ທ່າແຮງຂອງການປະຕິວັດ ແລະ ຫັນເປັນດີຈີຕອນ ເພື່ອຊ່ວຍຮັດແຄບຊ່ອງຫວ່າງດີຈີຕອນ, ເຕັກໂນໂລຢີ, ສ້າງພື້ນຖານໂຄງລ່າງດີຈີຕອນ, ເສີມຂະຫຍາຍກຳລັງຄວາມສາມາດ ແລະ ເຊື່ອມໂຍງເຂົ້າກັບທົ່ວໂລກ, ຜ່ານນັ້ນ ກໍ່ໄດ້ສ້າງສະພາບແວດລ້ອມທີ່ສະດວກ ເພື່ອຊຸກຍູ້ການປະຕິບັດບັນດາໂຄງການດຳເນີນງານການປຶກສາຫາລື 2030 ສໍາລັບການພັດທະນາແບບຍືນຍົງ (SDGs).
 |
ຫວຽດນາມ ຈະປະກອບສ່ວນຢ່າງຕັ້ງໜ້າເຂົ້າໃນຂະບວນການປຶກສາຫາລື ແລະ ກໍ່ສ້າງສັນຍາດິຈິຕອນທົ່ວໂລກ |
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ດັ້ງຮ່ວາງຢ່າງ, ຫົວໜ້າຄະນະປະຈຳຫວຽດນາມ ປະຈຳ ສປຊ ໃຫ້ຮູ້ວ່າ: ນອກຈາກບັນດາຜົນປະໂຫຍດທີ່ໄດ້ຮັບແລ້ວ, ຍຸກດີຈີຕອນຍັງສ້າງຄວາມທ້າທາຍຫຼາຍຢ່າງ ທີ່ຕ້ອງໄດ້ຮັບການແກ້ໄຂ. ດັ່ງນັ້ນ, ການສ້າງ GDC ແມ່ນມີຄວາມຈໍາເປັນ, ເພື່ອສົ່ງເສີມໂລກດິຈິຕອນທີ່ປອດໄພກວ່າ, ມີຄວາມສະເຫມີພາບ ແລະ ພັດທະນາສໍາລັບທຸກຄົນ.
ຕາມນັ້ນແລ້ວ, ຕ້ອງຮັບປະກັນເປົ້າໝາຍການເຊື່ອມຈອດທີ່ແຜ່ຫຼາຍທົ່ວໄປໃນທົ່ວໂລກ ໃນປີ 2030, ທຸກຄົນ ໄດ້ເຂົ້າເຖິງອິນເຕີເນັດ, ເຕັກໂນໂລຢີດິຈິຕອນ ແລະ ການບໍລິການດ້ວຍລາຄາທີ່ເໝາະສົມ, ແຕ່ໃນຂະນະດຽວກັນກໍ່ຕ້ອງຮັບປະກັນຄວາມປອດໄພຂອງການເຂົ້າເຖິງ, ຂອງລະບົບ ແລະ ໂຄງລ່າງດິຈິຕອນ.
ກ່ຽວກັບທິດທາງການສົນທະນາທີ່ຈະມາເຖິງ, ທ່ານເອກອັກຄະລັດຖະທູດ ໄດ້ເນັ້ນໜັກວ່າ: ເຖິງແມ່ນວ່າ GDC ແມ່ນຂະບວນການລະຫວ່າງລັດຖະບານ, ມີບົດບາດເປັນເຈົ້າພາທາງໂດຍບັນດາປະເທດ, ແຕ່ຕ້ອງສ້າງເງື່ອນໄຂໃຫ້ພາກເອກະຊົນເຂົ້າຮ່ວມ ເພື່ອເຮັດໃຫ້ຂະບວນການດຳເນີນຮອບດ້ານດ້ວຍການປະກອບສ່ວນລະອຽດ ແລະ ມີປະສິດທິຜົນ.
 |
| ທ່ານເອກອັກຄະລັດຖະທູດ ດັ້ງຮ່ວາງຢ່າງ, ຫົວໜ້າຄະນະປະຈຳຫວຽດນາມ ປະຈຳ ສປຊ |
ນອກຈາກນີ້, GDC ຕ້ອງຮັບປະກັນຫຼັກການພື້ນຖານຂອງກົດບັດສະຫະປະຊາຊາດ ແລະ ກົດໝາຍສາກົນ, ຕາມນັ້ນແລ້ວ ບັນດາປະເທດ ແລະ ບັນດາຝ່າຍທີ່ກ່ຽວຂ້ອງ ຕ້ອງປະຕິບັດຕາມອະທິປະໄຕແຫ່ງຊາດໃນຂົງເຂດອິນເຕີເນັດ, ຜືນແຜ່ນດິນອັນຄົບຖ້ວນ ແລະ ບໍ່ແຊກແຊງເຂົ້າວຽກງານພາຍໃນຂອງປະເທດ.
ດ້ວຍຖານະເປັນປະເທດທີ່ມີປະສົບການ ແລະ ບັນລຸຫຼາຍຜົນສຳເລັດຢ່າງກວ້າງຂວາງໃນການຫັນເປັນດີຈີຕອນ, ການພັດທະນາລັດຖະບານເອເລັກໂຕນິກ, ມຸ່ງໄປສູ່ເສດຖະກິດດີຈີຕອນ ແລະ ສັງຄົມດີຈີຕອນ, ຫວຽດນາມ ໃຫ້ຄຳໝັ້ນສັນຍາຈະຕັ້ງໜ້າເຂົ້າຮ່ວມ ແລະ ປະກອບສ່ວນຊຸກຍູ້ການປະຕິບັດໂຄງການດຳເນີນງານ 2030 .
ຄຳຮຸ່ງ
