 |
| ທ່ານນາງ ຫງວຽນທິແທັງ ກຳມະການຄະນະບໍລິຫານງານສູນກາງພັກກອມມູນິດ ຫວຽດນາມ ແລະ ທ່ານນາງ Men Sam An ຮອງນາຍົກລັດຖະມົນຕີ, ລັດຖະມົນຕີກະຊວງພົວພັນສະພາແຫ່ງຊາດ |
ນ້ຳໃຈສາມັກຄີ, ມິດຕະພາບ ຫວຽດນາມ - ລາວ, ຫວຽດນາມ - ກຳປູເຈຍ ນັບມື້ນັບໄດ້ຮັບການປັບປຸງ ແລະໝັ້ນແກ່ນ
ນ້ຳໃຈສາມັກຄີ, ມິດຕະພາບ ຫວຽດນາມ - ລາວ, ຫວຽດນາມ - ກຳປູເຈຍ ຈະນັບມື້ນັບໄດ້ຮັບການປັບປຸງ, ໃກ້ຊິດສະໜິດແໜ້ນ ແລະ ໝັ້ນແກ່ນກ່ວາອີກ. ປະຊາຊົນ ຫວຽດນາມ ຈະສືບຕໍ່ບັນລຸໄດ້ຜົນງານອັນຍິ່ງໃຫຍ່ກ່ວາອີກໃນພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝ.
ເນື່ອງໃນໂອກາດບຸນເຕັດປະຈຳຊາດ ສາທາລະນະລັດ ສັງຄົມນິຍົມ ຫວຽດນາມ ລະດູບານໃໝ່ປີແມວ 2023, ທ່ານ Men Sam An ຮອງນາຍົກລັດຖະມົນຕີ, ລັດຖະມົນຕີກະຊວງພົວພັນສະພາແຫ່ງຊາດ, ສະພາສູງ ແລະ ອົງການກວດກາ ລາຊະອານາຈັກ ກຳປູເຈຍ, ຮອງປະທານພັກປະຊາຊົນ ກຳປູເຈຍ, ປະທານສະຫະພັນສັງຄົມພົນລະເມືອງເພື່ອຄວາມໝັ້ນຄົງຂອງມວນມະນຸດ, ສາມັກຄີ ແລະ ພັດທະນາປະເທດຊາດ ກຳປຸເຈຍ, ປະທານສະມາຄົມມິດຕະພາບ ກຳປູເຈຍ - ຫວຽດນາມ ໄດ້ສົ່ງຈົດໝາຍອວຍພອນທ່ານເລຂາຄະນະພັກ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ນາງ ຫງວຽນເຟືອງງາ ແລະ ທ່ານນາງ ຫງວຽນທິແທັງ ກຳມະການຄະນະບໍລິຫານງານສູນການພັກກອມມູນິດ ຫວຽດນາມ, ຄະນະກຳມະການຄະນະປະຈຳສະພາແຫ່ງຊາດ, ປະທານກຳມາທິການວຽກງານສະມາຊິກສະພາແຫ່ງຊາດ, ຮອງຫົວໜ້າຄະນະຈັດຕັ້ງສູນກາງ, ປະທານສະມາຄົມມິດຕະພາບ ຫວຽດນາມ - ກຳປູເຈຍ.
ໃນຈົດໝາຍອວຍພອນ, ທ່ານນາງ Men Sam An ຂຽນວ່າ: ເນື່ອງໃນໂອກາດນີ້, ຂ້າພະເຈົ້າພາວະນາຂໍໃຫ້ສິ່ງສັກສິດທັງຫຼາຍ ຈົ່ງອຸປະຖຳຄ້ຳຊູ ທ່ານນາງ ໃຫ້ມີສຸຂະພາບທີ່ເຂັ້ມແຂງ, ມີຄວາມຜາສຸກ, ມີແຕ່ສິ່ງທີ່ດີ, ມີອາຍຸໝັ້ນຂວັນຍືນ ເພື່ອບໍລິຫານວຽກງານໃຫ້ນັບມື້ນັບມີຄວາມກ້າວໜ້າ ແລະ ບັນລຸໄດ້ຜົນງານໃໝ່ໃຫ້ແກ່ຊາດ, ປະເທດຊາດ ແລະ ປະຊາຊົນ ຫວຽດນາມ.
ທ່ານນາງ Men Sam An ເຊື່ອໝັ້ນວ່າ, ນ້ຳໃຈສາມັກຄີ, ມິດຕະພາບ, ການຮ່ວມມືທີ່ເປັນມູນເຊື້ອລະຫວ່າງພັກ, ລັດ, ແນວໂຮມປະເທດຊາດ ແລະ ປະຊາຊົນສອງປະເທດ ກຳປູເຈຍ - ຫວຽດນາມ ຈະນັບມື້ນັບໄດ້ຮັບການປັບປຸງ, ໃກ້ຊິດສະໜິດແໜ້ນ ແລະ ໝັ້ນແກ່ນກ່ວາອີກ.
ກໍ່ໃນໂອກາດບຸນເຕັດຫວຽດນາມ, ທ່ານ ສຈ.ປອ. ບໍວຽງຄຳ ວົງດາລາ ກຳມະການຄະນະບໍລິຫານງານສູນກາງພັກປະຊາຊົນປະຕິວັດ ລາວ, ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ປະທານສູນກາງສະມາຄົມມິດຕະພາບ ລາວ - ຫວຽດນາມ ໄດ້ສົ່ງຈົດໝາຍອວນພອນໄປຍັງທ່ານ ເຈິ່ນວັນຕຸຍ, ອະດີດກຳມະການສູນກາງພັກ, ອະດີດກຳມະການຄະນະປະຈຳສະພາແຫ່ງຊາດ, ອະດີດປະທາານກຳມາທິການວຽກງານສະມາຊິກສະພາແຫ່ງຊາດ, ອະດີດຮອງຫົວໜ້າຄະນະຈັດຕັ້ງສູນກາງ, ປະທານສະມາຄົມມິດຕະພາບ ຫວຽດນາມ - ລາວ ແລະ ຄະນະບໍລິຫານງານສະມາຄົມ.
ໃນຈົດໝາຍອວຍພອນ, ທ່ານ ບໍວຽງຄຳ ວົງດາລາ ໄດ້ຕີລາຄສູງ ບັນດາໝາກຜົນອັນໃຫຍ່ຫຼວງ ເຊິ່ງປະຊາຊົນ ຫວຽດນາມ ບັນລຸໄດ້ໃນພາລະກິດແຫ່ງການປົກປັກຮັກສາ ແລະ ພັດທະນາປະເທດຊາດ. ສິ່ງນີ້ໄດ້ຊ່ວຍໃຫ້ ຫວຽດນາມ ມີທີ່ຕັ້ງຢ່າງໝັ້ນແກ່ນທາງການເມືອງ, ເສດຖະກິດ ແລະ ການດຳລົງຊີວິດຂອງປະຊາຊົນ ຫວຽດນາມ ນັບມື້ນັບມີການພັດທະນາຢ່າງຕັ້ງໜ້າໃນສະພາບການປະສົບກັບຄວາມຫຍຸ້ງຍາກຂອງເສດຖະກິດໂລກ ກໍ່ຄືຜົນສະທ້ອນຈາກພະຍາດໂຄວິດ - 19.
ຫວຽດນາມ ກໍ່ນັບມື້ນັບມີການຮ່ວມມືຢ່າງເລິກເຊິ່ງກວ້າງຂວາງກັບປະຊາຄົມສາກົນ. ພິເສດ, ການຜັນຂະຫຍາຍປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ໄດ້ສະແດງໃຫ້ເຫັນຄວາມສະຫຼາດສ່ອງໄສຂອງພັກກອມມູນິດຫວຽດນາມ ໃນການນຳພາປະເທດຊາດ ມຸ່ງໄປເຖິງອະນາຄົດທີ່ວັດທະນາຖາວອນ. ທ່ານເວົ້າວ່າ:
ພວກຂ້າພະເຈົ້າເຊື່ອໝັ້ນວ່າ ການນຳພາອັນສະຫຼາດສ່ອງໄສຂອງພັກກອມມູນິດ ຫວຽດນາມ, ປະຊາຊົນ ຫວຽດນາມ ອ້າຍນ້ອງຈະສືບຕໍ່ບັນລຸໄດ້ຜົນງານອັນຍິ່ງໃຫຍ່ກ່ວາອີກໃນພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝ, ເຮັດໃຫ້ປະຊາຊົນຮັ່ງມີ, ປະເທດຊາດເຂັ້ມແຂງ, ມີປະຊາທິປະໄຕ, ມີຄວາມສະເໝີພາບ, ວັດທະນາຖາວອນ ແລະ ກາຍເປັນປະເທດພັດທະນາໃນກາງສະຕະວັດທີ 21 ຕາມເປົ້າໝາຍທີ່ວາງອອກ.
ທ່ານປະທານສະມາຄົມມິດຕະພາບ ລາວ - ຫວຽດນາມ ໄດ້ອວຍພອນນ້ຳໃຈມິດຕະພາບ ແລະ ການຮ່ວມມືລະຫວ່າງສະມາຄົມມິດຕະພາບສອງປະເທດໃຫ້ນັບມື້ນັບເຂົ້າສູ່ລວງເລິກ, ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີ, ຊຸກຍູ້ການພົວພັນມິດຕະພາບອັນຍິງໃຫຍ່, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານຂອງສອງພັກ, ສອງລັດ ແລະ ປະຊາຊົນສອງປະເທດ ລາວ - ຫວຽດນາມ ໝັ້ນຄົງທະນົງແກ່ນຊົ່ວກາລະນານ.
ແລະກໍ່ໃນວັນທີ 24 ມັງກອນ, ໃນໂອກາດບຸນເຕັດປະຊາດ ຫວຽດນາມ, ພະນັກງານ, ພາລະກອນ ແລະ ຄອບຄົວສະຖານທູດ ລາວ ແລະ ກຳປູເຈຍ ຢູ່ນະຄອນຫຼວງ ມານີລາ, ຟີລິບປິນ ໄດ້ອວຍພອນ ແລະ ເຂົ້າຮ່ວມບຸນເຕັດພ້ອມກັບສະຖານທູດ ຫວຽດນາມ.
ໂດຍຕາງໜ້າສະຖານທູດ ລາວ, ທ່ານເອກອັກຄະລັດຖະທູດ ສອນໄຊ ວັນນະໄຊ ໄດ້ມອບຊໍ່ດອກໄມ້ ໃຫ້ແກ່ສະຖານທູດ ຫວຽດນາມ ພ້ອມກັບຄຳອວຍພອນອັນປະເສີດໃນຕົ້ນລະດູບານໃໝ່, ອວຍພອນໃຫ້ນ້ຳໃຈມິດຕະພາບອັນໝັ້ນແກ່ນຂອງສະຖານທູດສອງປະເທດ ກໍ່ຄືນ້ຳໃຈມິດຕະພາບອັນຍິ່ງໃຫຍ່, ການຮ່ວມມືຮອບດ້ານ ແລະ ຄວາມສາມັກຄີແບບພິເສດ ຫວຽດນາມ - ລາວ ຍືນຍົງທະນົງແກນຊົ່ວກາລະນານ.
ຂໍຂອບໃຈຕໍ່ບັນດານ້ຳໃຈທີ່ຈິງໃຈຂອງທ່ານເອກອັກຄະລັດຖະທູດ ສອນໄຊ ວັນນະໄຊ ແລະ Phan Peuv, ທ່ານເອກອັກຄະລັດຖະທູດ ຮວ່າງຮຸຍຈຸງ ຢັ້ງຢືນວ່າ ພັກ, ລັດ ແລະ ປະຊາຊົນ ຫວຽດນາມ ທີ່ຖືເປັນສຳຄັນທີ່ສຸດຕໍ່ການພົວພັນພິເສດ ຫວຽດນາມ - ລາວ, ຫວຽດນາມ - ກຳປູເຈຍ.
ບຸນຄົງ
