ວັນບຸນເຕັດປະຊາຄົມ ຂອງຊາວຫວຽດນາມ ຢູ່ 4 ແຂວງພາກໃຕ້ລາວ

00:12 | 15/01/2023

ຍສໝ - ອາທິດຜ່ານມາ, ໃນບັນຍາກາດອັນອົບອຸ່ນ ແລະ ເຕັມໄປດ້ວຍນ້ຳໃຈມິດຕະພາບ, ສະຖານກົງສູນໃຫຍ່ ຫວຽດນາມ ປະຈຳປາກເຊ ແຂວງ ຈຳປາສັກ (ພາກໃຕ້ລາວ) ໄດ້ຈັດຕັ້ງລາຍການວັນບຸນປະຊາຄົມ 2023.

	ສະມາຊິກສະພາແຫ່ງຊາດລາວ:ອາດຮ່ຳຮຽນເອົາປະສົບການຂອງຫວຽດນາມໃນການຄວບຄຸມໄພເງິນເຟີ້
	ສະມາຄົມຊາວຫວຽດນາມ ອາໄສຢູ່ລາວ: ສາມັກຄີກັນ, ປະຊາທິປະໄຕ, ຍົກສູງຈິດໃຈຄວາມຮັບຜິດຊອບ

ລາຍການສະແດງສິລະປະໃນພິທີ (ພາບ: TTXVN)

ວັນບຸນເຕັດປະຊາຄົມ ຂອງຊາວຫວຽດນາມ ຢູ່ 4 ແຂວງພາກໃຕ້ລາວ

ອາທິດຜ່ານມາ, ໃນບັນຍາກາດອັນອົບອຸ່ນ ແລະ ເຕັມໄປດ້ວຍນ້ຳໃຈມິດຕະພາບ, ສະຖານກົງສູນໃຫຍ່ ຫວຽດນາມ ປະຈຳປາກເຊ ແຂວງ ຈຳປາສັກ (ພາກໃຕ້ລາວ) ໄດ້ຈັດຕັ້ງລາຍການວັນບຸນປະຊາຄົມ 2023.

ເຂົ້າຮ່ວມລາຍການບຸນເຕັດປະຊາຄົມ 2023 ມີຜູ້ຕາງໜ້າການນຳແຂວງ ແລະ ບັນດາພະແນກ, ຄະນະ, ຂະແໜງການຂອງ 4 ແຂວງພາກໃຕ້ ລາວ, ຜູ້ຕາງໜ້າສະມາຄົມວິສາຫະກິດ ຫວຽດນາມ ແລະ ຜູ້ຕາງໜ້າສະມາຄົມຊາວຫວຽດນາມ ຢູ່ 4 ແຂວງພາກໃຕ້ ລາວ ພ້ອມກັບພໍ່ແມ່ປະຊາຊົນກ່ວາ 500 ຄົນ ທີ່ພວມດຳລົງຊີວິດເຮັດວຽກຢູ່ 4 ແຂວງ ພາກໃຕ້ລາວ ແລະ ແຂວງ Ubon Ratchathani ໄທ.

ສະຖານກົງສູນໃຫຍ່ ກໍ່ໄດ້ຫວນຄືນບັນດາໝາກຜົນພົ້ນເດັ່ນຂອງສະຖານກົງສູນໃຫຍ່ພ້ອມກັບບັນດາອົງການ, ອົງການຈັດຕັ້ງ, ອົງການຜູ້ຕາງໜ້າ ແລະ ອຳນາດການປົກຄອງບັນດາແຂວງພາກໃຕ້ລາວ ໄດ້ສົມທົບກັນຜັນຂະຫຍາຍໃນປີ ສາມັກຄີມິດຕະພາບ ຫວຽດນາມ - ລາວ 2022.

ທ່ານສະແດງຄວາມເຊື່ອໝັ້ນວ່າ ໃນປີ 2023, ປະຊາຄົມຊາວຫວຽດນາມ ແລະ ບັນດາວິສາຫະກິດ ຫວຽດນາມ ໃນບໍລິເວນ 4 ແຂວງພາກໃຕ້ລາວ ຈະສືບຕໍ່ມູນເຊື້ອສາມັກຄີ, ຮັກແພງເຊິ່ງກັນແລະກັນ, ຍູ້ແຮງການຜະລິດດຳເນີນທຸລະກິດ, ປະຕິບັດວຽກງານໜູນຊ່ວຍສັງຄົມໃຫ້ເປັນຢ່າງດີ, ປະກອບສ່ວນແທດຈິງກວ່າ, ມີປະສິດທິຜົນກ່ວາ ເຂົ້າໃນການພັດທະນາເສດຖະກິດ - ສັງຄົມຢູ່ທ້ອງຖິ່ນ, ຜ່ານນັ້ນ ກໍປະກອບສ່ວນເພີ່ມທະວີກ່ວາອີກໃນການພົວພັນມິດຕະພາບອັນຍິ່ງໃຫຍ່ ຫວຽດນາມ - ລາວ ຍືນຍົງຄົງຕົວຕະຫຼອດການ.

ສ່ວນຝ່າຍລາວ, ທ່ານ ສົມບູນ ເຮືອງວົງສາ, ຮອງເຈົ້າແຂວງ, ປະທານສະມາຄົມມິດຕະພາບ ລາວ - ຫວຽດນາມ ແຂວງຈຳປາສັກ ຕາງໜ້າ 4 ແຂວງພາກໃຕ້ລາວ ໄດ້ສົ່ງຄຳອວຍພອນອັນປະເສີດເຖິງການນຳພັກ, ລັດ ຫວຽດນາມ, ອວຍພອນໃຫ້ປະຊາຄົມຊາວຫວຽດນາມ ແລະ ບັນດາວິສາຫະກິດການຮ່ວມມື ແລະ ລົງທຶນຢູ່ບັນດາແຂວງພາກໃຕ້ລາວ ບັນລຸຜົນສຳເລັດຫຼາຍຢ່າງ, ອວຍພອນການພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ, ຫວຽດນາມ - ລາວ ຍືນຍົງຄົງຕົວຕະຫຼອດການ.