| ຮັກຫອມສັນຕິພາບ ແມ່ນຈຸດພິເສດພົ້ນເດັ່ນໃນການພົວພັນການທູດປະຊາຊົນ | |
| ຊຸກຍູ້ການຮ່ວມມືລະຫວ່າງຄະນະກຳມະການສັນຕິພາບຫວຽດນາມ ແລະ ຄະນະກຳມະການສັນຕິພາບ ແລະ ສາມັກຄີລາວ |
ເປັນປີທີ່ຫນ້າຟົດຟື້ນ
ການແຜ່ລະບາດຂອງພະຍາດໂຄວິດ-19 ແມ່ນໄດ້ຮັບການຄວບຄຸມແລ້ວ, ປະເທດຊາດໄດ້ເປີດປະຕູຄືນໃໝ່ ແລະ ເຂົ້າສູ່ໄລຍະແຫ່ງການຟື້ນຟູ ແລະ ເຕີບໂຕ, ສະນັ້ນ ການເຄື່ອນໄຫວທາງການທູດປະຊາຊົນຫຼາຍຮູບແບບໄດ້ດຳເນີນໂດຍກົງຢ່າງຟົດຟື້ນ.
ໂດຍທວນຄືນບັນດາການເຄື່ອນໄຫວທີ່ພົ້ນເດັ່ນ, ທ່ານ ຟານແອງເຊີນ, ຮອງປະທານ, ເລຂາທິການໃຫຍ່ສະຫະພັນບັນດາອົງການມິດຕະພາບຫວຽດນາມ (VUFO) ໃຫ້ຮູ້ວ່າ ນອກຈາກຈັດຕັ້ງຄະນະຜູ້ແທນທີ່ເຂົ້າ ແລະ ອອກ, ສະຫະພັນມິດຕະພາບ ໄດ້ຈັດຕັ້ງກອງປະຊຸມໃຫຍ່ສະພາສັນຕິພາບໂລກ ຄັ້ງທີ 22 ຢ່າງສຳເລັດຜົນ ໂດຍມີການເຂົ້າຮ່ວມຂອງຜູ້ແທນເກືອບ 100 ທ່ານທີ່ມາຈາກ 45 ປະເທດ, 56 ອົງການໃນທົ່ວໂລກ ພ້ອມກັບຜູ້ແທນຫວຽດນາມ 100 ກວ່າທ່ານ. ຕາມການຕີລາຄາຂອງການນຳຂອງສະພາ ແລະ ຜູ້ແທນທີ່ເຂົ້າຮ່ວມທັງໝົດແລ້ວ, ນັບແຕ່ປີ 1996 ເປັນຕົ້ນມາ, ນີ້ແມ່ນກອງປະຊຸມໃຫຍ່ທີ່ປະສົບຜົນສຳເລັດທີ່ສຸດໃນທຸກດ້ານ. ຖະແຫຼງການທາງການເມືອງ ໄດ້ຮັບການຮັບຮອງເອົາດ້ວຍຄວາມເຫັນດີເຫັນພ້ອມ. ການຈັດຕັ້ງກອງປະຊຸມໃຫຍ່ປະສົບຜົນສຳເລັດ ໄດ້ຊ່ວຍຍົກສູງທີ່ຕັ້ງ ແລະ ຄວາມໄວ້ເນື້ເຊື່ອໃຈຂອງຫວຽດນາມ ເວົ້າລວມ, ສະຫະພັນບັນດາອົງການມິດຕະພາບ ຫວຽດນາມ ແລະ ຄະນະກຳມະການສັນຕິພາບຫວຽດນາມ ເວົ້າສະເພາະ ໃນການເຄື່ອນໄຫວສັນຕິພາບໂລກ, ຕໍ່ກັບບັນດາອົງການຂອງພັກກອມມູນິດ, ຝ່າຍຊ້າຍ ແລະ ໃນສາຍຕາຂອງເພື່ອນມິດສາກົນ.
 |
ທ່ານປະທານປະເທດ ຫງວຽນຊວນຟຸກ ມອບຂອງຂວັນໃຫ້ບັນດາຜູ້ແທນທີ່ເຂົ້າຮ່ວມກອງປະຊຸມໃຫຍ່ຄັ້ງທີ 22 ຂອງສະພາສັນຕິພາບໂລກ.(ພາບ: vtv) |
ສະຫະພັນມິດຕະພາບ ໄດ້ຈັດຕັ້ງບັນດາການເຄື່ອນໄຫວທາງການທູດ ແລະ ມິດຕະພາບກັບບັນດາປະເທດ ຄື: ບັນດາການເຄື່ອນໄຫວສະເຫຼີມສະຫຼອງປີສາມັກຄີມິດຕະພາບຫວຽດນາມ - ລາວ, ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ, 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ-ລາວ, ປີ ມິດຕະພາບ ຫວຽດນາມ-ກຳປູເຈຍ, ສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ກຳປູເຈຍ; 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ອິນເດຍ; 45 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະ ແອດສະປາຍ; 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ສ.ເກົາຫຼີ, ອາເມເນຍ, ອາແຊັກໄບຊານ, ເບລາຣຸດ, ອຸສເບີກິສຖານ; 10 ປີແຫ່ງການພົວພັນຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ; 5 ປີແຫ່ງ ການພົວພັນຄູ່ຮ່ວມມືຮອບດ້ານກັບການາດາ ...
ຄຽງຄູ່ກັນນັ້ນ, ສະຫະພັນມິດຕະພາບ ໄດ້ຈັດຕັ້ງໂຄງການແລກປ່ຽນມິດຕະພາບສາກົນປີ 2022 ຢູ່ ຕວຽນກວາງ; ສົມທົບກັບຄະນະພັກແຂວງ ແລະ ຄະນະກຳມະການປະຊາຊົນແຂວງ ກາວບັງ ເພື່ອຜັນຂະຫຍາຍກອງປະຊຸມລະດັບຊາດ ກ່ຽວກັບການພົວພັນກັບຕ່າງປະເທດປີ 2022 ຢູ່ແຂວງ ກາວບັງ; ໄດ້ຈັດຕັ້ງກອງປະຊຸມສ້າງຕັ້ງ 2 ສະມາຄົມໃໝ່ຄື: ສະມາຄົມມິດຕະພາບຫວຽດນາມ - ເນປານ ແລະ ສະມາຄົມມິດຕະພາບຫວຽດນາມ - ໂອຕຣິດ.
 |
ທ່ານຮອງປະທານສະພາແຫ່ງຊາດ ເຈີ່ນແທັງເມືນ ໄດ້ລົງນາມໃນທຸງສະພາສັນຕິພາບໂລກ.(ພາບ: TTXVN) |
ໃນວຽກງານເຜີຍແຜ່, ເຊື່ອມຊຶມ ແລະ ຜັນຂະຫຍາຍແຜນການປະຕິບັດຄຳສັ່ງເລກທີ 12-CT/TW ລົງວັນທີ 5 ມັງກອນ 2022 ຂອງຄະນະເລຂາທິການພັກ ວ່າດ້ວຍການເພີ່ມທະວີການນຳພາຂອງພັກ, ຍົກສູງປະສິດທິຜົນວຽກງານການຕ່າງປະເທດ. ສະຫະພັນມິດຕະພາບໄດ້ເຜີຍແຜ່ບັນດາເນື້ອໃນຂອງຄຳສັ່ງໃຫ້ບັນດາອົງການສະມາຊິກໃນລະບົບ. ບົນພື້ນຖານນັ້ນ, ຫຼາຍອົງການມິດຕະພາບຢູ່ທ້ອງຖິ່ນໄດ້ແນະນຳ ແລະ ສົມທົບກັບຄະນະພັກແຂວງ, ຄະນະປະຈຳພັກແຂວງ, ນະຄອນ ເພື່ອຈັດຕັ້ງກອງປະຊຸມເຊື່ອມຊຶມ ກ່ຽວກັບຄຳສັ່ງເລກທີ 12-CT/TW ໃນຫຼາຍຮູບຫຼາຍແບບ ໃຫ້ແກ່ການນຳພະແນກ, ຂະແໜງການ, ຖັນແຖວນັກລາຍງານຂັ້ນແຂວງ, ນະຄອນ ແລະ ສະມາຊິກສະມາຄົມມິດຕະພາບພາຍໃນເຂດ; ຈາກນັ້ນ ກໍສ້າງແຜນການສະເພາະຂອງແຕ່ລະທ້ອງຖິ່ນ ເພື່ອເຮັດໃຫ້ການຈັດຕັ້ງປະຕິບັດຄໍາສັ່ງເລກທີ 12 ມີປະສິດທິຜົນສູງສຸດໃນທ້ອງຖິ່ນ.
ຄຽງຂ້າງນັ້ນ, ເຖິງວ່າຈະປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ວຽກງານບໍ່ຂຶ້ນກັບລັດຖະບານຕ່າງປະເທດ ຍັງສືບຕໍ່ໄດ້ຮັບການເຄື່ອນໄຫວຢ່າງເປັນເຈົ້າການ ແລະ ຕັ້ງໜ້າກວ່າອີກ. ສະຫະພັນບັນດາອົງການມິດຕະພາບຫວຽດນາມ ໄດ້ສະຫຼຸບ 3 ປີແຫ່ງການຜັນຂະຫຍາຍໂຄງການແຫ່ງຊາດ ກ່ຽວກັບການເພີ່ມທະວີການຮ່ວມມື ແລະ ລະດົມການຊ່ວຍເຫຼືອຈາກຕ່າງປະເທດໄລຍະ 2019 – 2025. ຕາມນັ້ນແລ້ວ, ໃນປີ 2020 ມີ 490 ອົງການບໍ່ຂຶ້ນກັບລັດຖະບານຕ່າງປະເທດ ທີ່ເຄື່ອນໄຫວຢູ່ຫວຽດນາມ, ໃນປີ 2021 ມີ 481 ອົງການຈັດຕັ້ງ, ໃນປີ 2022 ມີ 436 ອົງການຈັດຕັ້ງ. ຍອດມູນຄ່າການຊ່ວຍເຫຼືອແຕ່ປີ 2020 ເຖິງ ເດືອນມິຖຸນາ 2022 ບັນລຸເກືອບ 562 ລ້ານ USD ໃນຫຼາຍຂົງເຂດຄື: ສາທາລະນະສຸກ, ການສຶກສາ - ບຳລຸງສ້າງ, ຊັບພະຍາກອນທຳມະຊາດ - ສິ່ງແວດລ້ອມ, ໜູນຊ່ວຍດ້ານຕຸລາການ, ພັດທະນາເສດຖະກິດ - ສັງຄົມ ແລະ ແກ້ໄຂບັນຫາສັງຄົມ.
ປີ 2022, ສະຫະພັນມິດຕະພາບ ໄດ້ເປັນກຽດຮັບໃບຍ້ອງຍໍໂດຍທ່ານນາຍົກລັດຖະມົນຕີມອບ ນອ້ນມີບັນດາຜົນງານດີເດັ່ນໃນປີ 2021, ປະກອບສ່ວນເຂົ້າໃນພາລະກິດສ້າງສັງຄົມນິຍົມ ແລະ ປົກປັກຮັກສາປະເທດຊາດ; ໃບຍ້ອງຍໍ ຍ້ອນຜົນສໍາເລັດທີ່ໂດດເດັ່ນດ້ານການທູດວັກຊີນໃນປີ 2021.
ການທູດປະຊາຊົນເພື່ອການພັດທະນາເສດຖະກິດ-ສັງຄົມ
ທີ່ກອງປະຊຸມທວນຄືນວຽກງານປີ 2022 ແລະ ຜັນຂະຫຍາຍປະຕິບັດໜ້າທີ່ປີ 2023 ຂອງສະຫະພັນມິດຕະພາບ, ທ່ານນາງເອກອັກຄະລັດຖະທູດ ຫງວຽນເຟືອງງາ ເນັ້ນໜັກວ່າ: ຫົວຂໍ້ການທູດປະຊາຊົນຂອງ VUFO ປີ 2023 ແມ່ນ “ການທູດປະຊາຊົນ ຮັບໃຊ້ການພັດທະນາເສດຖະກິດ-ສັງຄົມ”.
ຕາມນັ້ນແລ້ວ, ໃນປີ 2023, ລະບົບສະຫະພັນທັງໝົດ ຈະປະຕິບັດຕາມແຜນນະໂຍບາຍ, ແນວທາງຂອງພັກ ແລະ ລັດ ກ່ຽວກັບວຽກງານພາຍໃນ ແລະ ຕ່າງປະເທດຢ່າງແໜ້ນແຟ້ນ ເພື່ອປະຕິບັດວຽກງານຕ່າງປະເທດ ແລະ ສໍາເລັດຕາມແຜນການທີ່ວາງໄວ້, ໂດຍສະເພາະແມ່ນບັນດາເຫດການສໍາຄັນ ຄື: ສະເຫຼີມສະຫຼອງ 50 ປີແຫ່ງສັນຍາປາຣີ (1973 – 2022), ການແລກປ່ຽນມິດຕະພາບສາກົນ 2023 ຢູ່ລາວກາຍ...
 |
ຕອນບ່າຍວັນທີ 23 ພະຈິກ, ຢູ່ຮ່າໂນ້ຍ, ທ່ານປະທານປະເທດຫວຽດນາມ ຫງວຽນຊວັນຟຸກ ແລະ ຄະນະໄດ້ເຂົ້າຮ່ວມກອງປະຊຸມໃຫຍ່ຄັ້ງທີ 22 ຂອງສະພາສັນຕິພາບໂລກ. |
ກ່ຽວກັບວຽກງານສັນຕິພາບ, ຄວາມສາມັກຄີ, ມິດຕະພາບ, ສະຫະພັນມິດຕະພາບ ແລະ ບັນດາຫົວໜ່ວຍທີ່ຂຶ້ນກັບ ໄດ້ຜັນຂະຫຍາຍການຫັນເປັນບັນດາຂອບເຂດ, ຄູ່ຮ່ວມມື ແລະ ກຳລັງແຮງທີ່ຫຼາກຫຼາຍ; ຮັກສາ, ປັບປຸງ ແລະ ເປີດກວ້າງການພົວພັນຄູ່ຮ່ວມມື; ໝູນໃຊ້ເຕັກໂນໂລຊີຂໍ້ມູນຂ່າວສານ, ການຫັນເປັນດິຈິຕອນ.
ພ້ອມກັນນັ້ນ, ກໍສືບຕໍ່ປະຕິບັດໂຄງການແຫ່ງຊາດ ກ່ຽວກັບການເພີ່ມທະວີການຮ່ວມມື ແລະ ລະດົມການຊ່ວຍເຫຼືອລ້າຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ໄລຍະ 2019 - 2025 ແລະ ປະຕິບັດລັດຖະດຳລັດ ເລກທີ58/2022/ND-CP ວ່າດ້ວຍການຈົດທະບຽນ ແລະ ຄຸ້ມຄອງການເຄື່ອນໄຫວຂອງອົງການບໍ່ຂຶ້ນກັບລັດຖະບານຕ່າງປະເທດຢູ່ຫວຽດນາມ ເພື່ອລະດົມແຫຼ່ງກຳລັງໃຫ້ດີທີ່ສຸດເພື່ອພັດທະນາເສດຖະກິດ - ສັງຄົມ. ວຽກງານບໍ່ຂຶ້ນກັບລັດຖະບານຕ່າງປະເທດ ຕ້ອງຕິດພັນກັບເປົ້າໝາຍການເມືອງ ແລະ ການຕ່າງປະເທດ; ແຜນການລະດົມການຊ່ວຍເຫຼືອທີ່ແທດຈິງ ແລະ ມີປະສິດທິຜົນ; ກໍ່ສ້າງຂໍ້ມູນສຳລັບຄວາມຕ້ອງການການຊ່ວຍເຫຼືອ.
ຄຳຮຸ່ງ
