| ຫວຽດນາມ ປາດຖະໜາພ້ອມກັບ ສປປ ລາວ ເພີ່ມພູນຄູນສ້າງສາຍພົວພັນ | |
| ປີ 2022, ຫວຽດນາມ ດຶງດູດທຶນ FDI ເກືອບ 27,72 ຕື້ USD |
ການດໍາເນີນ SAP Ariba ແມ່ນໜຶ່ງໃນບັນດາໂຄງການສຳຄັນໃນຍຸດທະສາດ ການຫັນເປັນດີຈີຕອນ ໄລຍະ 2021-2026 ຂອງ ເຕິນຮຽບຟາດ ເພື່ອຍົກສູງກຳລັງຄວາມສາມາດຂອງການຈັດຕັ້ງຈາກເຕັກໂນໂລຊີໄປສູ່ແຫຼ່ງຊັບພະຍາກອນມະນຸດ, ມຸ່ງໄປເຖິງການເຂົ້າສູ່ສາກົນ ແລະ ບັນລຸເປົ້າໝາຍລາຍຮັບ 1 ຕື້ໂດລາສະຫະລັດ. ທ່ານ ເຈິ່ນກຸຍແທງ, ຜູ້ກໍ່ຕັ້ງກຸ່ມບໍລິສັດ ເຕິນຮຽບຟາດ ກ່າວໃນກອງປະຊຸມນຳໃຊ້ພື້ນຖານ SAP Ariba ທາງການ ໃນວັນທີ 4 ກໍລະກົດ 2022.
ພາຍຫຼັງປະມານ 5 ປີແຫ່ງການຜັນຂະຫຍາຍ e-bidding ເພື່ອປະມູນຢ່າງເປີດ ເຜີຍ ແລະ ໂປ່ງໃສ, ໃນປີ 2019, ເຕິນຮຽບຟາດ ສືບຕໍ່ຄົ້ນຄວ້າບັນດາມາດຕະການ ແລະ ແອັບພິເຄຊັນ ເພື່ອເຊື່ອມຕໍ່ ແລະ ຍົກສູງຄວາມໂປ່ງໃສໃນບັນດາກິດຈະກໍາການຈັດຊື້ ແຕ່ລາຄາຕະຫຼອດເຖິງການບໍລິການຂອງຜູ້ສະໜອງພາຍໃນ ແລະ ສາກົນ.
ມາຮອດເດືອນມັງກອນ 2021, ເຕິນຮຽບຟາດ ສືບຕໍ່ປັບປຸງ ແລະ ຍົກລະດັບລະບົບ SAP Ariba ສໍາລັບກິດຈະກໍາການຈັດຊື້ ໂດຍມີເປົ້າໝາຍ ຍົກສູງຄວາມສາມາດໃນການດໍາເນີນງານ ແລະ ຍາມໃດກໍ່ເປັນຄູ່ຮ່ວມມືທີ່ໄວ້ເນື້ອເຊື່ອໃຈ. ທຸກໆທຸລະກໍາ ແລະ ຂໍ້ມູນທີ່ແລກປ່ຽນລະອຽດລະຫວ່າງລູກ ຄ້າ ແລະ ຜູ້ສະຫນອງຈະໄດ້ປະຕິບັດຢ່າງໄວວາ ແລະ ໂປ່ງໃສ ເພື່ອຍົກສູງປະສິດທິຜົນການດໍາເນີນທຸລະກິດ.
ເຕິນຮຽບຟາດ ເປີດໃຊ້ລະບົບ SAP Ariba ຢ່າງເປັນທາງການແຕ່ວັນທີ 4 ກໍລະກົດ 2022. ພາບ: thoidai.com.vn
SAP Ariba ແມ່ນເຄືອຂ່າຍ B2B ທີ່ໃຫຍ່ທີ່ສຸດທົ່ວໂລກທີ່ຊ່ວຍໃຫ້ວິສາຫະກິດ ສາມາດເຊື່ອມຕໍ່ ແລະ ຮ່ວມມືກັບຜູ້ສະຫນອງນັບຫຼາຍລ້ານແຫ່ງຢ່າງເປັນເຈົ້າການ ແລະ ເປີດເຜີຍ. ຜ່ານນັ້ນ, ບັນດາການເຄື່ອນໄຫວຮ່ວມມືຈຶ່ງໄດ້ຮັບການຄຸ້ມຄອງຢ່າງລະອຽດ ແລະ ມີປະສິດທິຜົນໃນພື້ນຖານສະສົມ ແລະ ໜຶ່ງດຽວ.
ຫຼັງການດໍາເນີນຜັນຂະຫຍາຍໂຄງການ, ໂລກລະບາດກໍ່ແຜ່ລະບາດຢ່າງແຮງໃນທົ່ວປະເທດ ເຮັດໃຫ້ທົ່ວປະເທດຕ້ອງແຍກຫ່າງທາງສັງຄົມເປັນວົງກວ້າງ, ເຮັດໃຫ້ວິສາຫະກິດປະສົບກັບຄວາມຫນຸ້ງຍາຫຼາຍຢ່ງ ເພື່ອຮັກສາກິດຈະກໍາການຜະລິດ ແລະ ດຳເນີນທຸລະກິດ. ເຕິນຮຽບຟາດ ຍັງຕັດສິນໃຈປະເຊີນໜ້າ ແລະ ຊອກຫາວິທີແກ້ໄຂເພື່ອຮັກສາການຜະລິດ ແລະ ດຳເນີນທຸລະກິດຢ່າງໝັ້ນຄົງ. ຮັກສາຄວາມຄືບຫນ້າໂຄງການຢ່າງສຸດຂີດ.
ຫຼັງຈາກ 157 ວັນແຫ່ງການທົດລອງລະບົບກັບຜູ້ສະຫນອງຫຼາຍກວ່າ 2000 ແຫ່ງ, ເຕິນຮຽບຟາດ ໄດ້ນໍາລະບົບ SAP Ariba ເຂົ້າໃນການເຄື່ອນໄຫວຢ່າງເປັນທາງການໃນວັນທີ 4 ກໍລະກົດ 2022.
ທ່ານນາງຮອງຜູ້ອຳນວຍການໃຫຍ່ - ເຈີ່ນອວຽນເຟືອງ ໄດ້ແບ່ງປັນທີ່ເຫດການວ່າ "ການເຄື່ອນໄຫວຢ່າງເປັນທາງການຂອງລະບົບ SAP Ariba ໄດ້ພິສູດໃຫ້ເຫັນສິ່ງທີ່ ທ່ານ ເຈິ່ນກຸຍແທງ, ຜູ້ກໍ່ຕັ້ງກຸ່ມບໍລິສັດ ເຕິນຮຽບຟາດ ເຄີຍເວົ້າວ່າ "ເຕິນຮຽບຟາດ ໄດ້ຖືກສ້າງຕັ້ງຂຶ້ນໂດຍຂ້າພະເຈົ້າ, ແຕ່ນໍາພາ ເຕິນຮຽບຟາດ ແມ່ນຖັນແຖວພະນັກງານ ພາລະກອນ". ຂ້າພະເຈົ້າມີຄວາມພາກພູມໃຈທີ່ຖັນແຖວພະນັກງານ ເຕິນຮຽບຟາດ ໄດ້ສ້າງຄວາມໄວ້ເນື້ອເຊື່ອໃຈ ແລະ ຄວາມພາກພູມໃຈໃຫ້ແກ່ຜູ້ກໍ່ຕັ້ງ ດ້ວຍບົດບາດລຸ້ນສືບທອດ ພ້ອມແລ້ວທີ່ຈະເປີດກາລະໂອກາດໃຫ້ແກ່ ເຕິນຮຽບຟາດ ກາຍເປັນໜຶ່ງໃນບັນດາບໍລິສັດແຖວໜ້າຂອງອາຊີ”.
ການໄດ້ນໍາລະບົບ SAP Ariba ເຂົ້າການເຄື່ອນໄຫວຢ່າງເປັນທາງການຈະ ປະກອບສ່ວນຊຸກຍູ້ການເຄື່ອນໄຫວການຄ້າເພີ່ມຂຶ້ນໃນທົ່ວໂລກຜ່ານເຄືອຂ່າຍ Ariba Network, ເຄືອຂ່າຍດໍາເນີນທຸລະກິດດີຈີຕອນທີ່ໃຫຍ່ທີ່ສຸດຂອງໂລກທີ່ ເຊື່ອມຕໍ່ວິສາຫະກິດຫຼາຍກວ່າ 4.2 ລ້ານແຫ່ງ ໃນ 190 ປະເທດ ແລະ ເຂດແຄວ້ນ.
ທ່ານນາງຮອງຜູ້ອຳນວຍການໃຫຍ່ - ເຈີ່ນອວຽນເຟືອງ ໄດ້ແບ່ງປັນກ່ຽວກັບຂະບວນການປະຕິບັດສຳເລັດໂຄງການ. ພາບ: thoidai.com.vn
ທ່ານ ຫງວຽນຮົ່ງຫວຽດ, ຜູ້ອໍານວຍການໃຫຍ່ SAP ຫວຽດນາມ ໃຫ້ຮູ້ວ່າ: “ມີ 3 ໂມດູນຂອງ SAP Ariba ທີ່ກຸ່ມບໍລິສັດ ເຕິນຮຽບຟາດ ຈະເຄື່ອນໄຫວ ໃນໄລຍະຈະມາເຖິງແມ່ນ: Sourcing, Contract, Supplier Lifecycle & Performance Manager, ສະສົມພ້ອມກັບລະບົບ SAP ERP. ພວກຂ້າພະເຈົ້າ ເຊື່ອໝັ້ນວ່າໂຄງການດັ່ງກ່າວຈະຊ່ວຍໃຫ້ບໍລິສັດບັນລຸເປົ້າຫມາຍໃນການປັບປຸງຄ່າໃຊ້ຈ່າຍ, ການປະຕິບັດຕາມ & ຍົກສູງລັກສະນະມີປະສິດທິຜົນ ໂປ່ງໃສໃນຂະບວນການຈັດຊື້ ແລະ ຮັດແໜ້ນການຮ່ວມມືກັບ ບັນດາຫົວໜ່ວຍສະໜອງ”.
ໃນປີ 2021, ເຖິງວ່າຈະໄດ້ຮັບຜົນກະທົບຈາກໂລກລະບາດກໍ່ຕາມ, ແຕ່ອັດຕາສົ່ງອອກຜະລິດຕະພັນຂອງ ເຕິນຮຽບຟາດ ຍັງເພີ່ມຂຶ້ນ 30% ເມື່ອທຽບໃສ່ປີ 2020. ປະຈຸບັນ, ຜະລິດຕະພັນຂອງ ເຕິນຮຽບຟາດ ພວມໄດ້ຮັບການສົ່ງອອກໄປຍັງ 20 ປະເທດ ແລະ ເຂດແຄ້ວນ ເຊັ່ນ: ອາເມລິກາ, ຍີ່ປຸ່ນ, ອົດສະຕາລີ, ການາດາ, ໂຮນລັງ, ສ.ເກົາຫຼີ , ສິງກະໂປ...
ນັບແຕ່ປີ 2012, ເຕິນຮຽບຟາດ ແມ່ນບໍລິສັດທຳອິດໃນຂະແໜງ NGK ຂອງຫວຽດນາມ ທີ່ເລືອກເອົາ SAP ເປັນຖານຜະລິດ ແລະ ເປີດກວ້າງການຫັນເປັນດີຈີຕອນ.
ວັນທີ 1 ມິຖຸນາ 2021, ເຕິນຮຽບຟາດ ສືບຕໍ່ປະຕິບັດໂຄງການ “ຫັນປ່ຽນການເຄື່ອນໄຫວຄຸ້ມຄອງການຈັດຊື້ ດ້ວຍມາດຕະການແກ້ໄຂ SAP Ariba”. ເຕິນຮຽບຟາດ ປາດຖະໜາຢາກຊຸກຍູ້ການຫັນເປັນດິີຈິີຕອນຂອງລະບົບຕ່ອງໂສ້ການສະໜອງທັງໝົດ, ຍົກສູງຄວາມສາມາດດ້ານການຈັດຕັ້ງ, ເປັນມືອາຊີບ ແລະ ຍາມໃດກໍ່ເປັນຄູ່ຮ່ວມມືທີ່ໄວ້ເນື້ອເຊື່ອໃຈ.
ບູນມີ
