| ມອບ-ຮັບ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ຜູ້ເກົ່າ ແລະ ຜູ້ໃໝ່ | |
| ຊຸກຍູ້ບົດບາດຂອງເຕັກໂນໂລຢີຂໍ້ມູນຂ່າວສານ ແລະ ການສື່ສານ ໃນການຕິດພັນລະຫວ່າງ ຫວຽດນາມ ແລະ ອາເມລິກາລາຕິນ |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ. ພາບ: TTXVN |
ຂົງເຂດຖະແຫຼງຂ່າວ, ການສື່ສານມີທີ່ຕັ້ງສຳຄັນ ແລະ ນັບມື້ນັບມີຄວາມຈຳເປັນໃນສະພາບການປະຕິວັດອຸດສາຫະກຳຄັ້ງທີ 4 ແລະ ການສື່ສານຕ້ອງນຳໜ້າ, ແມ່ນໜຶ່ງໃນບັນດາກຳລັງໜູນໃຫ້ແກ່ການພັດທະນາ ແລະ ປ່ຽນແປງໃໝ່ປະດິດຄິດສ້າງຂອງ ຫວຽດນາມ ໃນສັງກາດດີຈີຕອນ. ນີ້ແມ່ນຄຳຢືນຢັນຂອງທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ທີ່ກອງປະຊຸມສະຫຼຸບວຽກງານປີ 2022, ຜັນຂະຫຍາຍໜ້າທີ່ປີ 2023 ຂອງກະຊວງຖະແຫຼງຂ່າວ ແລະ ການສື່ສານ ຫວຽດນາມ, ເຊິ່ງດຳເນີນໃນວັນທີ 18 ທັນວາ, ຢູ່ຮ່າໂນ້ຍ.
ຕາມທ່ານນາຍົກລັດຖະມົນຕີ ຟ້າມມິນຈິງ ແລ້ວ, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ຕ້ອງສຸມໃສ່ສ້າງລະບອບລະບຽບການໃຫ້ສົມບູນແບບ, ໂດຍສະເພາະແມ່ນໃນວຽກງານການສື່ສານ; ຫັນເປັນດີຈີຕອນ; ການຄຸ້ມຄອງແຫ່ງລັດ; ວິທະຍາສາດເຕັກໂນໂລຊີ… ເພີ່ມທະວີບັນດາມາດຕະການປົກປ້ອງປະຊາຊົນ, ຮັບປະກັນຄວາມປອດໄພໃຫ້ແກ່ເດັກທາງເຄືອຂ່າຍອີນເຕີເນັດ, ຊຸກຍູ້ໃຫ້ປະຊາຊົນນຳໃຊ້ພື້ນຖານດີຈີຕອນ ຫວຽດນາມ. ສືບຕໍ່ຍູ້ແຮງການຕໍ່ສູ້ກັບບັນດາພື້ນຖານຂ້າມຊາຍແດນ, ຮັບປະກັນການເຄົາລົບກົດໝາຍຂອງ ຫວຽດນາມ; ເພີ່ມທະວີການສຳຫຼວດ, ກວດກາ, ຈັດການຕໍ່ການກະທຳຜິດ, ຕໍ່ສູ້ກັບບັນດາປະກົດການທີ່ຜິດດ່ຽງໃນການເຄື່ອນໄຫວສື່ມວນຊົນ.
ບົດລາຍງານສັງລວມຂອງກະຊວງຖະແຫຼງຂ່າວ ແລະ ສື່ສານ ໃຫ້ຮູ້ວ່າ: ປີ 2022, ວຽກງານໜັງສືພິມ ແລະ ສື່ສານ ສືບຕໍ່ຢືນຢັນບົດບາດສຳຄັນໃນການສະທ້ອນຕົວຈິງໃຫ້ແກ່ການເຄື່ອນໄຫວຕົ້ນຕໍຂອງສັງຄົມ ຫວຽດນາມ, ສ້າງຄວາມເຫັນດີເຫັນພ້ອມ, ແຜ່ຂະຫຍາຍກຳລັງແຮງ, ສ້າງຄວາມໄວ້ເນື້ອເຊື່ອໃຈຂອງສັງຄົມ. ວຽກງານແກ້ໄຂການລະເມີດຫັນໄປສູ່ການກວດກາ ແລະ ປະຕິບັດໜ້າທີ່ຮັບຜິດຊອບຂອງອົງການປົກຄອງ ແລະ ຫົວໜ້າອົງການຂ່າວ; ບັງຄັບໃຫ້ບັນດາເວທີປາໄສເຄືອຂ່າຍສັງຄົມຂ້າມຊາຍແດນປະຕິບັດ, ກວດກາ, ສະກັດກັ້ນ, ລົບລ້າງຂໍ້ມູນທີ່ຮ້າຍແຮງ, ບັນລຸກວ່າ 90% ຂໍ້ກຳນົດຂອງລັດ ຫວຽດນາມ. ລາຍຮັບຈາກການພິມຈຳໜ່າຍ, ພິມຈຳໜ່າຍ ແລະ ຈຳໜ່າຍປະມານ 96.433 ຕື້ດົ່ງ, ເພີ່ມຂຶ້ນ 5% ເມື່ອທຽບໃສ່ປີ 2021...
ໄຊພອນ
