 |
ສະມາຊິກທີມເຕະບານເຍົາວະຊົນ ໝູປ່າ ພັກຮັກສາໂຕ ຢູ່ ໂຮງໝໍຊຽງລາຍ. (ພາບ : Reuters)
ທ່ານ ປອ Andrea Danese ກ່າວວ່າການປ່ຽນແປງດ້ານພຶດຕິກໍາຂອງເດັກ ທີ່ເວົ້າມານີ້ບໍ່ແມ່ນເລື່ອງຜິດປົກກະຕິ ແຕ່ຢ່າງໃດ ແລະ ອາດຈະເກີດຂຶ້ນກັບເດັກນ້ອຍຫຼາຍຄົນ, ເຖິງວ່າອາດຈະບໍ່ແມ່ນທຸກຄົນກໍ່ຕາມ ນັບວ່າເປັນລັກສະນະການຕອບສະຫນອງຕໍ່ປະສົບການທີ່ເຈັບປວດ.
ຢ່າງໃດກໍ່ຕາມ, ນັກຈິດຕະສາດຫຼາຍຄົນຊີ້ ການທີ່ ເດັກນ້ອຍ ແລະ ຄູຝືກ 13 ຄົນ ຫຼົງຕິດຢູ່ໃນຖ້ໍານຳກັນເປັນກຸ່ມ ມີອົງປະກອບຫຼາຍ ຕໍ່ການສ້າງຄວາມສໍາພັນແບບເປັນກຸ່ມທີ່ແໜ້ນແຟ້ນຂື້ນ ແລະ ຊ່ວຍສ້າງຂວັນກຳລັງໃຈ.
ເຖິງແມ່ນວ່າປະສົບການທີ່ຮຸນແຮງ ໃນຊ່ວງເວລາ 17 ມື້ໃນຖ້ຳ ອາດຈະເຮັດໃຫ້ມີການປ່ຽນແປງສົ້ນພຶດຕິກໍາ ເຊັ່ນວ່າ: ຜູ້ທີ່ເຄີຍມີຄວາມມັກໃນການພະຈົນໄພມາກ່ອນ, ອາດຈະ ເຮັດສິ່ງດັ່ງກ່າວມີຄວາມໜ້ອຍລົງ. ໃນຂະນະທີ່ຜູ້ທີ່ບໍ່ເຄີຍມັກການພະຈົນໄພ ຫຼື ສ່ຽງໄພ ມາກ່ອນ ອາດຈະເພີ່ມລະດັບຄວາມທົນທານ ແລະ ການເປີດຮັບກັບ ຄວາມສ່ຽງຫຼາຍຂື້ນຈາກປະສົບການນີ້.
ຄະນະດຽວກັນນັ້ນ ທ່ານ Luis Urzua, ຄົນຂຸດເໝືອງ ຫຼື ຂຸດແຮ່ທາດ ຫນຶ່ງໃນສາມ 33 ຄົນ ເຊິ່ງເຄີຍ ຕິດຢູ່ ໃນເໝືອງທອງໃຕ້ດິນ ເປັນເວລາເຖິງ 69 ມື້ ກ່ອນຈະໄດ້ຮັບການຊ່ວຍເຫຼືອຊີວິດອອກມາ 8 ປີກ່ອນ,ໃຫ້ ຄໍາແນະນໍາ ແກ່ສະມາຊິກ ທີມຫມູປ່າໄທວ່າ: ຄວນໃຫ້ຄວາມສົນໃຈກັບຄວາມສໍາພັນໃນຄອບຄົວເປັນຫຼັກ ແລະ ຢ່າຫຼັງໄຫຼໄປກັບການສະເໜີທາງດ້ານການເງິນຕ່າງໆ ທີ່ຈະຫຼັ່ງໄຫຼເຂົ້າມາ . ລວມທັງໂອກາດການມີຊື່ສຽງ ທີ່ອາດຈະຕິດຕາມມາອີກ.
ນອກນັ້ນ ລາວຍັງໄດ້ຮຽກຮ້ອງໃຫ້ສັງຄົມ ບໍ່ພະຍາຍາມກົດດັນໃຫ້ເດັກນ້ອຍເຫຼົ່ານີ້ ບອກເລົ່າປະສົບການຂອງເຂົາເຈົ້າ ຈົນກ່ວາພວກເຂົາເຈົ້າ ມີຄວາມພ້ອມດ້ວຍຕົນເອງ.
ທ່ານ Luis Urzua ເວົ້າວ່າ: ເພື່ອນຂອງລາວທີ່ເຄີຍຕິດຢູ່ໃນເໝືອງທອງໃຕ້ດິນນຳກັນ ບາງຄົນຍັງມີບັນຫາເລື່ອງຄວາມສໍາພັນໃນຄອບຄົວທີ່ຕ້ອງຖືກແຕກຫັກ ມີບັນຫາທາງດ້ານຈິດໃຈ ບໍ່ສາມາດນອນຫຼັບໄດ້ ຫຼື ບໍ່ສາມາດກັບມາເຮັດວຽກໄດ້ຕາມປົກກະຕິ.
ຫຼືບໍ່ສາມາດຍອມຮັບກັບສະພາບຄວາມເປັນຈິງໄດ້ ຫຼັງຈາກທີ່ຊື່ສຽງ ຄວາມສົນໃຈເຊິ່ງເຄີຍໄດ້ຮັບນັ້ນຕ້ອງຖືກທໍາລາຍ.
ເຖິງຢ່າງໃດກໍ່ຕາມ ທ່ານ Luis Urzua ກຳມະກອນຂຸດເໝືອງຢູ ຈີເລ ໄດ້ຍ້ອງຍໍຊົມເຊີຍ ລັດຖະບານໄທ ທີ່ຈັດການຮັບມືກັບ ສະຖານະການ ກ່ຽວກັບເດັກທັງ 12 ຄົນ ໄດ້ເປັນຢ່າງດີ. ໂດຍບໍ່ເປີດເຜີຍຊື່ ຫຼື ຕົວຕົນເພື່ອຊ່ວຍຮັກສາຄວາມເປັນສ່ວນຕົວ.
ນອກນັ້ນຍັງມີການກັກບໍລິເວນ ໃຫ້ຢູ່ໃນໂຮງຫມໍ ໄລຍະທໍາອິດ ເພື່ອໃຫ້ແນ່ໃຈວ່າເດັກເຫຼົ່ານີ້, ລວມທັງຄູຝຶກສອນ ປອດຈາກບັນຫາຄວາມສ່ຽງເລື່ອງການຕິດເຊື້ອຕ່າງໆ.
（ຫັດທະບູນ）
