ບົດເຂົ້າຮ່ວມການປະກວດໃຫ້ຂອງທີ່ລະນຶກເລົ່າເລື່ອງ
ຜູ້ຂຽນ: ທ່ານ ສົມຫວັງ ນິນທະວົງ, ອະດີດທີ່ປືກສາຝ່າຍເສດຖະກິດ ແລະ ການຄ້າ ສະຖານທູດ ສປປ.ລາວ ປະຈຳ ສສ.ຫວຽດນາມ ອາຍຸການ 2006 – 2010, ອະດີດຫົວໜ້າຫ້ອງການກະຊວງອຸດສາຫະກຳ ແລະ ການຄ້າລາວ.
ທີ່ຢູ່: ນະຄອນຫຼວງ ວຽງຈັນ, ລາວ.
ເບີໂທລະສັບ: 008562099901208
ໃບຍ້ອງຍໍໃນວຽກງານການເປີດກວ້າງ, ພັດທະນາຕະຫຼາດຊາຍແດນ ຫວຽດນາມ - ລາວ
ຂ້າພະເຈົ້າຊື່ ສົມຫວັງ ນິນທະວົງ, ເບີໂທລະສັບ: 008562099901208. ໃນເມື່ອກ່ອນ, ຂ້າພະເຈົ້າແມ່ນທີ່ປືກສາຝ່າຍເສດຖະກິດ ແລະ ການຄ້າ, ສະຖານທູດ ສປປ.ລາວ ປະຈຳ ສສ.ຫວຽດນາມ ອາຍຸການ 2016 – 2010, ອະດີດຫົວໜ້າຫ້ອງການກະຊວງອຸດສາຫະກຳ ແລະ ການຄ້າລາວ.
ພາຍຫຼັງໄປປະຕິບັດງານ, ຮ່ວມມືຢູ່ຫວຽດນາມ ມາເປັນຫຼາຍປີ, ຂ້າພະເຈົ້າໄດ້ຮັບອະນຸສອນຫຼາຍຢ່າງຈາກຫົວໜ່ວຍຕ່າງໆຄື: ສະຖານທູດ ຫວຽດນາມ ປະຈຳລາວ ມອບຫຼຽນໄຊມິດຕະພາບຂອງປະເທດ ສສ.ຫວຽດນາມ ໃນປີ 2015 ຍ້ອນມີຜົນງານດີເດັ່ນໃນການປັບປຸງ ແລະ ເພີ່ມທະວີການພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ລະຫວ່າງ ຫວຽດນາມ ແລະ ລາວ. ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ມອບຫຼຽນກາທີ່ລະນຶກເພື່ອພາລະກິດຂະແໜງອຸດສາຫະກຳ ແລະ ການຄ້າ 2010, ຄະນະກຳມະການປະຊາຊົນແຂວງເຊີນລາ ມອບຫຼຽນກາທີ່ລະນຶກເພື່ອພາລະກິດການສ້າງສາ ແລະ ພັດທະນາແຂວງເຊີນລາ ຍ້ອນໄດ້ອຸທິດສ່ວນໃຫ້ແກ່ພາລະກິດແຫ່ງການສ້າງສາ ແລະ ພັດທະນາແຂວງເຊີນລາ.
ນອກຈາກນັ້ນ, ຂ້າພະເຈົ້າຍັງມີຂອງຂວັນຫຼາຍຢ່າງໂດຍບັນດາແຂວງ, ນະຄອນຢູ່ ຫວຽດນາມມອບໃຫ້. ແຕ່ອະນຸສອນທີ່ຂ້າພະເຈົ້າຮູ້ສຶກປະທັບໃຈທີ່ສຸດນັ້ນແມ່ນ ໃບຍ້ອງຍໍຍ້ອນມີຜົນງານດີເດັ່ນໃນການເປີດກວ້າງ ແລະ ພັດທະນາຕະຫຼາດຊາຍແດນ ລະຫວ່າງສອງປະເທດ ຫວຽດນາມ - ລາວ ໄລຍະ 2007 – 2008 ໂດຍກະຊວງອຸດສາຫະກຳ ແລະ ການຄ້າ ຫວຽດນາມ ມອບໃຫ້. ໃບຍ້ອງຍໍໃນຂໍ້ຕົກລົງສະບັບເລກທີ 6067, ລົງວັນທີ 14 ພະຈິກປີ 2008 ໂດຍທ່ານລັດຖະມົນຕີ ຫວູຮູຍຮ່ວາງ ເຊັນ.
ໃນໄລຍະ 4 ປີທີ່ຢູ່ ຫວຽດນາມ, ດ້ວຍບົດບາດເປັນທີ່ປືກສາຝ່າຍເສດຖະກິດ ແລະ ການຄ້າ ສະຖານທູດ ສປປ.ລາວ ປະຈຳ ສສ.ຫວຽດນາມ ຂ້າພະເຈົ້າໄດ້ຕັ້ງໜ້າເຂົ້າຮ່ວມບັນດາການເຄື່ອນໄຫວເພື່ອແນໃສ່ປະກອບສ່ວນເພີ່ມທະວີການຮ່ວມມືດ້ານເສດຖະກິດ, ການຄ້າ ລະຫວ່າງ ຫວຽດນາມ ແລະ ລາວ.
ຂ້າພະເຈົ້າໄດ້ຮັບໃບຍ້ອງຍໍນີ້ຍ້ອນຈັດຕັ້ງສຳເລັດເຫດການງານຕະຫຼາດນັດການຄ້າ ຫວຽດນາມ - ລາວ 2009. ງານຕະຫຼາດນັດໄດ້ໄຂຂຶ້ນຢູ່ນະຄອນຫຼວງວຽງຈັນ, ລາວ ໃນວັນທີ 1 ຕຸລາ 2009. ງານຕະຫຼາດນັດໂດຍກົມສົ່ງເສີມການຄ້າ - ກະຊວງອຸດສາຫະກຳ ແລະ ການຄ້າ ຫວຽດນາມ ຈັດຂຶ້ນໃນຂອບເຂດໂຄງການສົ່ງເສີມການຄ້າແຫ່ງຊາດປີ 2009 ໂດຍກະຊວງອຸດສາຫະກຳ ແລະ ການຄ້າ ອະນຸມັດໃນຂໍ້ຕົກລົງສະບັບ 1498, ລົງວັນທີ 24 ມີນາ ປີ 2009. ງານຕະຫຼາດນັດມີຂອບຂະໜາດໃຫຍ່ທີ່ສຸດນັບແຕ່ກ່ອນມາຮອດປັດຈຸບັນ ດ້ວຍຮ້ານວາງສະແດງ 300 ຮ້ານ, ໃນນັ້ນ ມີຮ້ານວາງສະແດງຂອງຫວຽດນາມ 150 ຮ້ານ, ຂອງລາວ 150 ຮ້ານ.
ງານຕະຫຼາດນັດແມ່ນໂອກາດເພື່ອໃຫ້ບັນດາວິສາຫະກິດກໍ່ຄືພໍ່ແມ່ປະຊາຊົນບັນດາເຜົ່າລາວ ແລະ ພໍ່ແມ່ປະຊາຊົນຫວຽດນາມ ໄດ້ພົບປະແລກປ່ຽນ, ຮ່ຳຮຽນ, ແລກປ່ຽນເຊິ່ງກັນແລະກັນ, ຜ່ານນັ້ນ ກໍເພີ່ມທະວີການພົວພັນສາມັກຄີທີ່ມີຢູ່ແລ້ວລະຫວ່າງສອງຊາດ. ງານຕະຫຼາດນັດການຄ້າ ຫວຽດນາມ - ລາວ ແມ່ນເຫດການສຳຄັນ, ພ້ອມກັບລາຍການເພີ່ມທະວີການພົວພັນດ້ານເສດຖະກິດ, ການຄ້າຕ່າງໆກໍຈະມີຜົນກະທົບຢ່າງຕັ້ງໜ້າເຖິງການຍົກລະດັບວົງເງິນການຄ້າສອງສົ້ນລະຫວ່າງ ຫວຽດນາມ - ລາວ ຂຶ້ນເຖິງ 1 ຕື້ USD ໃນປີ 2010.
ຂ້າພະເຈົ້າຖືວ່າ ການເຂົ້າຮ່ວມງານຕະຫຼາດນັດລາວ ແມ່ນວິທີດີທີ່ສຸດເພື່ອແຊກຊືມເຂົ້າຕະຫຼາດ ຍ້ອນຜ່ານນັ້ນ ບັນດານັກຜະລິດ ຫວຽດນາມ ຈະມີໂອກາດເຂົ້າເຖິງຜູ້ຊົມໃຊ້ລາວ. ການໂຄສະນາໂດຍກົງມີບົດບາດສຳຄັນໃນການຕັດສິນໃຈຊື້ສິນຄ້າຂອງຜູ້ບໍລິໂພກ.
ຂ້າພະເຈົ້າແມ່ນທີ່ປືກສາຝ່າຍເສດຖະກິດ ແລະ ການຄ້າ ສະຖານທູດ ສປປ.ລາວ ປະຈຳ ສສ.ຫວຽດນາມ ນັບແຕ່ປີ 2006 ຮອດປີ 2010. ເວລານັ້ນ, ຂ້າພະເຈົ້າໄດ້ເຮັດວຽກ ແລະ ມີຫຼາຍໂອກາດໄດ້ຮ່ວມມືກັບທະຫານລຸງໂຮ່ ຜູ້ທີ່ໃນເມື່ອກ່ອນມີການເຄື່ອນໄຫວຕໍ່ສູ້ຕ້ານສັດຕູຢູ່ລາວ. ໃນວິວັດການປະຕິບັດວຽກງານຢູ່ ຫວຽດນາມ ຂ້າພະເຈົ້າໄດ້ມາຢ້ຽມຢາມ, ເຮັດວຽກຢູ່ຫຼາຍແຂວງ, ນະຄອນຂອງຫວຽດນາມ. ມີແຕ່ແຂວງກາເມົາທີ່ຂ້າພະເຈົ້າຍັງບໍ່ເຄີຍໄປຈັກເທື່ອ. ຫາຍຝ່ອງແມ່ນນະຄອນທີ່ສ້າງຄວາມປະທັບໃຈທີ່ສຸດໃຫ້ແກ່ຂ້າພະເຈົ້າ ຍ້ອນວ່ານີ້ແມ່ນນະຄອນສີຂຽວ, ສະອາດ ແລະ ສວຍງາມ.
ຂ້າພະເຈົ້າເຄີຍໄປ 10 ປະເທດໃນພາກພື້ນ ອາຊຽນ ແລະ ບັນດາປະເທດຄື: ອາເມລິກາ, ຝລັ່ງ, ຍີ່ປຸ່ນ, ອິນເດຍ, ລັດເຊຍ, ຈີນ. ແຕ່ລະບ່ອນ, ຂ້າພະເຈົ້າລ້ວນແຕ່ມີອະນຸສອນ ແລະ ຂອງທີ່ລະນຶກຫຼາຍຢ່າງກ່ຽວກັບປະເທດນັ້ນໆ. ແຕ່ອະນຸສອນທີ່ຂ້າພະເຈົ້າມີຫຼາຍທີ່ສຸດແມ່ນມາຈາກ 3 ປະເທດ: ຫວຽດນາມ, ຈີນ ແລະ ໄທ. ຂ້າພະເຈົ້າມີຫ້ອງວາງສະແດງບັນດາອະນຸສອນດັ່ງກ່າວຢູ່ເຮືອນສ່ວນຕົວໃນປັດຈຸບັນ.
ຂ້າພະເຈົ້າບໍ່ພຽງແຕ່ເຄີຍໄປເຮັດວຽກ ແລະ ມີຫຼາຍໄລຍະທີ່ຕິດພັນກັບປະເທດຫວຽດນາມເທົ່ານັ້ນ, ແຕ່ຄອບຄົວຂ້າພະເຈົ້າຍັງມີສະມາຊິກຫຼາຍຄົນທີ່ໄປຫວຽດນາມເພື່ອຮ່ຳຮຽນ, ເຮັດວຽກ ໃນນັ້ນມີເມຍ ແລະ ລູກຂອງຂ້າພະເຈົ້າ. ເມຍຂອງຂ້າພະເຈົ້າຮຽນຢູ່ມະຫາວິທະຍາໄລເສດຖະກິດແຫ່ງຊາດ. ຂ້າພະເຈົ້າມີລູກ 3 ຄົນ, ທັງ 3 ຮຽນໄດ້ຢູ່ມະຫາວິທະຍາໄລການຄ້າຕ່າງປະເທດ ຫວຽດນາມ.
ເດືອນສິງຫາ ປີ 2022, ຄອບຄົວຂ້າພະເຈົ້າໄດ້ໄປທ່ຽວຢູ່ຍາຈາງ - ນະຄອນທະເລຂອງ ຫວຽດນາມ. ນີ້ແມ່ນການພັກຜ່ອນຍາມລະດູແລ້ງສຳລັບຄອບຄົວ, ທັງແມ່ນການເດີນທາງກັບຄືນສະຖານທີ່ ທີ່ພວກຂ້າພະເຈົ້າໄດ້ຮ່ຳຮຽນ, ປະຕິບັດງານໃນໄລຍະໜຶ່ງ. ພວກຂ້າພະເຈົ້າໄດ້ມີການເດີນທາງທີ່ຈັບອົກຈັບໃຈ.
ບຸນຄົງ
