| ເວັບໄຊການທ່ອງທ່ຽວຕ່າງປະເທດ: 10 ນະຄອນທີ່ພິເສດທີ່ສຸດຂອງຫວຽດນາມ ທີ່ທ່ານຕ້ອງໄປແວ່ຢາມ | |
| ສົ່ງເສີມຂະແໜງການທ່ອງທ່ຽວລະຫວ່າງ ອິນເດຍ ແລະ ຫວຽດນາມ |
ບິ່ງລຽວແມ່ນເມືອງເຂດພູສູງນອນຢູ່ທາງທິດຕາເວັນອອກສ່ຽງເໜືອ ແຂວງກ໋ວາງນິງ. ນີ້ໄດ້ປຽບເໝືອນ ຊາປານ້ອຍ ບໍ່ພຽງແຕ່ມີໂຄງປະກອບດ້ານພູມີສາດທີ່ເປັນຫຼາຍຮູບແບບ, ອາກາດປອດໂປ່ງເຢັນສະບ່າຍຕະຫຼອດປີ ເທົ່ານັ້ນ ຫາກຍັງມີທິດທັດທຳມະຊາດທີ່ປະຖົມປະຖານ, ໂຣແມນຕິກອີກດ້ວຍ. ຍິ່ງໄປກ່ວານັ້ນ ດິນແດນເຂດຊາຍແດນນີ້ ຍັງມີພື້ນຖານວັດທະນະທຳທີ່ພົ້ນເດັ່ນຂອງປະຊາຊົນບັນດາເຜົ່າສ່ວນໜ້ອຍຄື ຢາວ, ໄຕ, ຊ໊ານຈີ...
 |
ການເດີນທາງ
ເພື່ອມາຮອດບິ່ງລ້ຽວ, ເພື່ອນອາດຈະເດີນທາງດ້ວຍຫຼາຍພາຫະນະຄື: ລົດໂອໂຕ, ລົດຈັກ ຫຼື ລົດເມ. ຖ້າເພື່ອນຢູ່ຮ່າໂນ້ຍ, ເພື່ອນອາດຈະເດີນດ້ວຍລົດໃຫຍ່ ຕາມເສັ້ນທາງດ່ວນ ຮ່າໂນ້ຍ - ຫ໋າຍຝ່ອງ. ໄປສຸດເສັ້ນທາງດ່ວນ, ເພື່ອນກໍ່ໄປຕໍ່ຕາມທິດກ໋ວາງນິງ, ແລ້ວຢຸດຢູ່ບ່ອນຕັດກັບເສັ້ນທາງໄປຍັງນະຄອນຮະລອງ. ຈາກນະຄອນຮະລອງ ເພື່ອນໄປຕາມເສັ້ນທາງຫຼວງເລກທີ 18 ແລະ ເສັ້ນທາງຫຼວງເລກທີ 18C ເພື່ອເດີນທາງໄປຍັງບິ່ງລຽວ.
 |
ຖ້າເພື່ອນຢູ່ນະຄອນໂຮ່ຈີມິນ ແລະ ບັນດາແຂວງພາກໃຕ້, ເຮືອບິນແມ່ນພາຫະນະທີ່ເໝາະສົມເພື່ອໃຫ້ເພື່ອນເລືອກ.
ບິ່ງລຽວງາມທີ່ສຸດໃນລະດູໃດ?
ແຕ່ລະລະດູ, ບິ່ງລຽວມີຄວາມດຶງດູດໃຈສະເພາະຂອງຕົນ. ມາຮອດແຫ່ງນີ້ໃນລະດູບານໃໝ່, ແຂກທ່ອງທ່ຽວຈະໄດ້ຮັບຊົມດອກໄມ້ຫຼາຍຊະນິດ ບານສະຟັ່ງໃນທົ່ວເຂດພູຜາປ່າໄມ້ ແລະ ມີໂອກາດເຂົ້າຮ່ວມບັນດາວັນບຸນເຂດພູສູງທີ່ພົ້ນເດັ່ນ. ລະດູຮ້ອນ, ບິ່ງລ້ຽວມີອາກາດປອດໂປ່ງເຢັນສະບາຍດ້ວຍນ້ຳຕົກຕາດຫຼາຍແຫ່ງ, ເໝາະສົມເພື່ອອາບ ແລະ ລອຍນ້ຳ.
 |
ບັນດາສະຖານທີ່ສວຍງາມດັ່ງໃນພາບຢູ່ບິ່ງລຽວ
ບິ່ງລຽວພິຊິດໃຈແຂກທ່ອງທ່ຽວດ້ວຍພາບທຳມະຊາດງາມດັ່ງໃນພາບ ດ້ວຍບອາກາດເຢັນສະບາຍປອດໂປ່ງ. ນີ້ແມ່ນບາງສະຖານທີ່ດຶງດູດໃຈຢູ່ບິ່ງລຽວ ເຊິ່ງເພື່ອນບໍ່ຄວນພາດ.
 |
ຫຼັກໝາຍ 1305
ໂດຍນອນບົນເສັ້ນທາງລາດຕະເວນຊາຍແດນ ບິ່ງລຽວ, ຫຼັກໝາຍ 1305 ແມ່ນໜຶ່ງໃນ 2 ຫຼັກໝາຍທີ່ມີທີ່ຕັ້ງສູງທີ່ສຸດຢູ່ບໍລິເວນແຂວງກ໋ວາງນິງ, ເພື່ອນມາຮອດແຫ່ງນີ້, ເພື່ອຕ້ອງຜ່ານພູຜາທີ່ສູງຊັນທີ່ໄດ້ຮັບການຂະໜາມນາມວ່າແມ່ນ ກະດູກສັນຫຼັງ ໂດໂນເສົາ.
 |
ຫຼັກໝາຍ 1297
ໂດຍນອນຢູ່ຕາແສງ ລຸກຮົ່ນ, ຫຼັກໝາຍ 1297 ນອນຢູ່ຫ່າງຈາກໃຈກາງເມືອງບິ່ງລ້ຽວປະມານ 30 ກີໂລແມັດ. ມາຮອດແຫ່ງນີ້ໃນເດືອນຕຸລາ ແລະ ເດືອນພະຈິກໃນທຸກປີ, ເພື່ອນຈະມີໂອກາດຮັບຊົມທົ່ງຫຍ້າເລົາທີ່ຍາວຢຽດຈົນສຸດສາຍຕາ ສວຍງາມດັ່ງເມກ.
ນ້ຳຕົກຕາດ ແຄ ວັ່ນ
ນ້ຳຕົກຕາດ ແຄ ວັ່ນ ມີຄວາມສູງກ່ວາ 1000 ແມັດ ເມື່ອທຽບໃສ່ໜ້ານ້ຳທະເລ. ເລີ່ມແຕ່ສາຍພູ ແຄ ວັ່ນ - ທົງເຈົາ, ນ້ຳຕົກຕາດໄດ້ໄຫຼລົງແຕ່ສູງ, ປົນກັບແສງແດດກາຍເປັນສະຖານທີ່ສວຍງາມສຸດໆ.
 |
ພູກາວລີ
ດ້ວຍຄວາມສູງປະມານ 1000 ແມັດເມື່ອທຽບໃສ່ໜ້ານ້ຳທະເລ, ພູກາວລີ ແມ່ນສະຖານທີ່ທີ່ດີໃຫ້ແກ່ເພື່ອນທີ່ມາຊົມຄວາມປະສານກົມກຽວກັນລະຫວ່າງດິນ ແລະ ຟ້າ, ສູດອາກາດທີ່ປອດໂປ່ງເຢັນສະບາຍ, Camping ແລະ ຜັກຜ່ອນກັບຄອບຄົວ ແລະ ໝູ່ເພື່ອນ. ຍ້ອນວ່າໃກ້ກັບທະເລ ແລະ ມີຄວາມຜິດດ່ຽງຄວາມສູງຫຼາຍ, ດັ່ງນັ້ນສ່ວນຫຼາຍຢູ່ພູນີ້ມີໝອກ. ເຖິງຢ່າງໃດກໍ່ຕາມ, ເມື່ອມາແຫ່ງນີ້ໃນວັນທີ່ມີອາກາດດີ, ແຂກທ່ອງທ່ຽວຍັງອາດຈະເຫັນທະເລໝອກນຳອີກ.
 |
ອາຫານການກິນທີ່ມີຊື່ສຽງຢູ່ບິ່ງລ້ຽວ ແນ່ນອນຕ້ອງລອງກິນ
 |
ມາບິ່ງລຽວ, ເພື່ອນຄວນຮັບປະທານບັນດາເຍື່ອງອາຫານທີ່ແຊບໆ, ເຂັ້ມຂົ້ນໄປດ້ວຍຂີດໝາຍ, ວັດທະນະທຳຄື ໄກ່ດຳບິ່ງລຽວ, ເຝີຂົ້ວບິ່ງລຽວ, ເຂົ້າໜຽວສີ... ມີບາງເຍື່ອງອາຫານເພື່ອນບໍ່ເຄີຍກິນ, ແຕ່ແນ່ນອນວ່າ ມີຫຼາຍເຍື່ອງອາຫານທີ່ເພື່ອນບໍ່ຮູ້ຈັກເຖິງ.
 |
 |
 |
ບຸນຄົງ
