ບັນດາຊົ່ວໂມງລົງຕົວຈິງຟີຊິກສາດທີ່ມີປະໂຫຍດ
 |
| ສຸດາລັດ ໄຊຍະລາດ (ເບື້ອງຂວາມື) ລົງຕົວຈິງຟີຊິກສາດ ຢູ່ ມະຫາວິທະຍາໄລສ້າງຄູ - ມະຫາວິທະຍາໄລ ທ໊າຍງວຽນ. ພາບ: ສຸດາລັດ ໄຊຍະລາດ |
ສຸດາລັດ ໄຊຍະລາດ (ອາຍຸ 22 ປີ, ຢູ່ວຽງຈັນ, ປະເທດລາວ) ປັດຈຸບັນພວມຮຽນປີທີ 3 ພະແນກສ້າງຄູຟີຊິກຢູ່ມະຫາວິທະຍາໄລສ້າງຄູ - ມະຫາວິທະຍາໄລ ທ໊າຍງວຽນ. ປີໃດ ສຸດາລັດ ໄຊຍະລາດ ກໍ່ແມ່ນນັກສຶກສາເກັ່ງຂອງໂຮງຮຽນ.
ປີ 2021, ເປັນຄັ້ງທຳອິດ ສຸດາລັດ ໄຊຍະລາດ ເຂົ້າຮ່ວມການແຂ່ງຂັນ Olympic ຟີຊິກສາດທົ່ວປະເທດຄັ້ງທີ 23 (SphO 23) ແລະ ຄ້ວາໄດ້ລາງວັນທີ 1 ໃນການແຂ່ງຂັນທົດລອງ. ເມື່ອໄດ້ຮັບຜົນງານກ່ຽວກັບການແຂ່ງຂັນນີ້, ສຸດາລັດ ໄຊຍະລາດ ຮູ້ສຶກປະທັບໃຈ ແລະ ຕື້ນຕັນໃຈຫຼາຍ. ສຸດາລັດ ໄຊຍະລາດ ເວົ້າວ່າ:
“ນ້ອງມີຄວາມເຊື່ອໝັ້ນການແຂ່ງຂັນຂອງຕົນປະຕິບັດໄດ້ດີ ແຕ່ລາງວັນທີ 1 ແມ່ນຜົນງານທີ່ໃຫຍ່ເກີນໄປສຳລັບນ້ອງ. ຟິຊິກສາດແມ່ນວິຊາວິທະຍາສາດທົດລອງແຕ່ຢູ່ລາວພວກນ້ອງບໍ່ມີເງື່ອນໄຂທົດລອງຫຼາຍ. ສ່ວນຫຼາຍຊົ່ວໂມງແມ່ນຮຽນທິດສະດີໃນປຶ້ມຕຳລາໜາໆ. ມີແຕ່ຮຽນທິດສະດີ ດັ່ງນັ້ນບັນດາຄວາມຮູ້ຂອງວິຊານັ້ນເຮັດໃຫ້ພວກນ້ອງເຂົ້າໃຈຍາກ, ມີລັກສະນະບັນດິດ. ຄະແນນຟິຊິກສາດຂອງນ້ອງໃນໂຮງຮຽນຕ່ຳຫຼາຍ”
ເມື່ອຍາດໄດ້ທຶກການສຶກສາມາຮຽນຢູ່ ຫວຽດນາມ, ສຸດາລັດ ໄຊຍະລາດ ຕັດສິນໃຈເລືອກເອົາ ພະແນກສ້າງຄູຟີຊິກສາດ. ສຸດາລັດ ໄຊຍະລາດ ຫວັງວ່າ ສະພາບແວດລ້ອມແຫ່ງການການຮ່ຳຮຽນນີ້ຈະຊ່ວຍໃຫ້ນ້ອງພິຊິດໃຈວິຊານີ້.
"ຢູ່ ຫວຽດນາມ, ພວກນ້ອງໄດ້ປະຕິບັດຫຼາຍຢ່າງໃນຫ້ອງທົດລອງ. ບັນດາຊົ່ວໂມງທົດລອງໄດ້ຊ່ວຍໃຫ້ພວກນ້ອງເຂົ້າໃຈແຈ້ງກ່ຽວກັບທິດສະດີຄວາມຮູ້ ໂດຍຄູອາຈານໄດ້ແບ່ງປັນ, ຈາກນັ້ນຊ່ວຍພວກນ້ອງປັບປຸງ, ເຂົ້າໃຈເລິກກ່ຽວກັບຄວາມຮູ້. ບັນດາຊົ່ວໂມງທົດລອງກໍ່ຊ່ວຍພວກນ້ອງມີຄວາມຈັບໃຈ, ຮັກມັກວິຊານີ້” ສຸດາລັດ ໄຊຍະລາດ ແບ່ງປັນຕື່ມອີກ.
ນອກຈາກຊົ່ວໂມງຮຽນຢູ່ໂຮງຮຽນ, ສຸດາລັດ ໄຊຍະລາດ ຍັງໄດ້ເຂົ້າຮ່ວມບັນດາຫົວຂໍ້ຄົ້ນຄ້ວາວິທະຍາສາດ. ປີນີ້, ສຸດາລັດ ໄຊຍະລາດ ຄ້ວາໄດ້ລາງວັນທີ 1 ກ່ຽວກັບການຄົ້ນຄ້ວາຫົວຂໍ້ວິທະຍາສາດລະດັບໂຮງຮຽນ.
ຄວາມຝັນຢາກກາຍເປັນຄູສອນຟິຊິກສາດ
 |
| ສຸດາລັດ ໄຊຍະລາດ ໄດ້ຮັບລາງວັນທີ 2 ກ່ຽວກັບການຄົ້ນຄວ້າຫົວຂໍ້ວິທະຍາສາດຂັ້ນໂຮງຮຽນ ປີ 2022. ພາບ: ສຸດາລັດ ໄຊຍະລາດ |
ສຸດາລັດ ໄຊຍະລາດ ໃຫ້ຮູ້ວ່າຄວາມຫວັງຂອງນ້ອງແມ່ນຈະຮຽນຕໍ່ປະລິນຍາໂທ, ຫຼັງຈາກນັ້ນຈະກັບມາລາວ ເປັນຄູສອນຟິຊິກສາດ.
ສຸດາລັດ ໄຊຍະລາດ ໃຫ້ຮູ້ວ່າ: “ບັນດາໂຮງຮຽນມັດທະຍົມຂອງລາວ ຂາດຄູສອນຟິຊິກສາດຫຼາຍ, ມີຫຼາຍໂຮງຮຽນມີຄູສອນຟິຊິກສາດພຽງແຕ່ 2 – 3 ຄົນ. ເພາະສະນັ້ນ ນ້ອງຢາກເຮັດດ້ວຍຄວາມຮູ້ທີ່ຕົນເອງຮຽນໄດ້, ກັບເມືອປະເທດຈະປະກອບສ່ວນເຂົ້າໃນການປະຕິຮູບຫຼັກສູດການຮຽນຟິຊິກສາດຈາກມັດທະຍົມຕອນຕົ້ນ, ປ່ຽນແປງວິທີສອນ, ຫຼຸດຜ່ອນທິດສະດີ, ເພີ່ມທະວີການທົດລອງໃຫ້ເໝາະສົມ. ຖ້ານັກຮຽນລາວ ໄດ້ຮຽນວິຊາຟີຊິກສາດຄືຢູ່ ຫວຽດນາມ ແນ່ນອນວ່າຈະຮູ້ສຶກເຂົ້າໃຈງ່າຍ ແລະ ມີຄວາມຈັບອົກຈັບໃຈກັບວິຊານີ້ຫຼາຍ”.
ນອກຈາກບຳລຸງສ້າງລະດັບປະລິນຍາຕີ, ປະລິນຍາໂທໃຫ້ແກ່ນ້ອງໆນັກສຶກສາລາວ, ໂຮງຮຽນຍັງບຳລຸງສ້າງພາສາຫວຽດ ໃຫ້ແກ່ນ້ອງໆນັກສຶກສານຳອີກ. ນັກສຶກສາພາຍຫຼັງຮຽນຈົບພາສາຫວຽດໃນໂຮງຮຽນ ແລະ ບັນລຸໄດ້ໃບຢັ້ງຢືນພາສາຫວຽດ ຕາມຂໍ້ກຳນົດຂອງກະຊວງສຶກສາ ແລະ ບຳລຸງສ້າງ ຈະໄດ້ຮັບອະນຸຍາດຮຽນປະລິນຍາຕີ ແລະ ປະລິນຍາໂທຢູ່ທຸກໂຮງຮຽນໃນທົ່ວປະເທດ.
ບຸນຄົງ
