| ຫວຽດນາມ, ລາວ, ໄທ ແລະ ກຳປູເຈຍ ເພີ່ມທະວີການຮ່ວມມືໃນຫຼາຍຂົງເຂດ | |
| ນະຄອນໂຮ່ຈີມິນ ຈັດຕັ້ງວັນບຸນຄອບຄົວ ຫວຽດນາມ-ລາວ-ກໍາປູເຈຍ |
 |
| ວິສາຫະກິດຫວຽດນາມພັດທະນາການບໍລິການຊໍາລະເງິນທາງອອນລາຍຢູ່ກໍາປູເຈຍ. ພາບ: TTXVN |
ພິທີເຊັນສັນຍາຮ່ວມມືຮອບດ້ານລະຫວ່າງ Metfone ແລະ Angkormilk ໄດ້ດໍາເນີນໃນຕອນບ່າຍວັນທີ 14 ກໍລະກົດ ຢູ່ນະຄອນຫຼວງຂອງກໍາປູເຈຍ .
ເນື້ອໃນຂອງສັນຍາໄດ້ລະບຸລະອຽດກ່ຽວກັບຕົກລົງຮ່ວມມືເພື່ອປັບປຸງການພັດທະນາຂອງການບໍລິການຄົມມະນາຄົມ ແລະ ການບໍລິການຊໍາລະທາງອອນລາຍຂອງປະເທດກໍາປູເຈຍໃນເຂດອາຊີອາຄະເນໃຫ້ດີຂຶ້ນ .
ຕາມການຕົກລົງກັນ, Metfone ແລະ eMoney ຈະຮ່ວມມືຮອບດ້ານກັບຄູຮ່ວມມືໃນລາຍການຈໍາໜ່າຍຊອບແວຂາຍເຄື່ອງ, ບໍລິຫານສາງ, ສາຍດ່ວນ (hotline) ດູແລລູກຄ້າ, ການບໍລິການຂໍ້ຄວາມໂຄສະນາ, ການບໍລິການ Internet, ບັນດາແພັກເກັດສໍາລັບວິສາຫະກິດ, sim data ສໍາລັບກ້ອງວົງຈອນຢູ່ໃນຕູ້ ATM; ພ້ອມກັນນັ້ນ ກໍ່ສະໜອງບັນດາການບໍລິການຊໍາລະທາງອອນລາຍຄືື: ຊໍາລະເງິນເດືອນ, ຊໍາລະໃຫ້ກ່ອນ, ເກັບຊ່ວຍ ແລະ ສະໜອງວິທີຊໍາລະ Merchant…
ຜູ້ອໍານວຍການໃຫຍ່ Metfone ຟູ່ງວັນເກື່ອງ ໃຫ້ຮູ້ວ່າ ການເຊັນສັນຍາຮ່ວມມືລະຫວ່າງສອງບໍລິສັດເປັນໂອກາດທີ່ ຍິ່ງໃຫຍ່ເພື່ອສ້າງຄວາມສະໜິດຕິດພັນ, ຮັດແໜ້ນສາຍພົວພັນຮ່ວມມືລະຫວ່າງໜຶ່ງວິສາຫະກິດເທັກໂນໂລຊີແຖວຫນ້າ ແລະ ໜຶ່ງຍີ່ຫໍ້ລະດັບຊາດໃນຂະແໜງການນໍ້ານົມ, ຜ່ານນັ້ນ, ກໍປະກອບສ່ວນນໍາເອົາຫຼາຍມູນຄ່າທີ່ດີງາມ, ຄວາມມະນຸດສະທໍາມາໃຫ້ ແກ່ປະຊາຊົນ, ປະຊາຄົມ ແລະ ສັງຄົມປະເທດກໍາປູເຈຍ .
ໄຊພອນ
