ຂໍ້ມູນຂ່າວສານທີ່ກອງປະຊຸມສໍາມະນາສະຫຼຸບໂຄງການທົດລອງ "ຂໍ້ລິເລີ່ມສ້າງ ຕັ້ງພັນທະມິດຮ້ານຊັບພະສິນຄ້າເພື່ອຫຼຸດຜ່ອນການນໍາໃຊ້ຖົງຢາງທີ່ໃຊ້ເທື່ອ ດຽວຢູ່ຫວຽດນາມ" ໄດ້ດໍາເນີນໃນວັນທີ 20 ເມສາ, ຜູ້ຕາງຫນ້າຂອງສະຖາບັນ ຍຸດທະສາດ ແລະນະໂຍບາຍຊັບພະຍາກອນ ແລະສິ່ງແວດລ້ອມ ໃຫ້ຮູ້ວ່າ ມົນລະພິດຂີ້ເຫຍື້ອປຼາສະຕິກໄດ້ຖືວ່າເປັນຫນຶ່ງໃນບັນຫາສິ່ງແວດລ້ອມທີ່ຮີບດ່ວນທີ່ສຸດ.ໂດຍສະເລ່ຍແລ້ວ, ຈໍານວນຖົງຢາງໃຊ້ເທື່ອດຽວຢູ່ຮ້ານສັບພະສິນຄ້າຫວຽດນາມ ແມ່ນປະມານ 104.000 ຖົງຕໍ່ວັນ, ເທົ່າກັບ 38 ລ້ານຖົງ/ປີ.
ພາບປະກອບ: TTXVN |
ໂດຍຮັບຮູ້ໄດ້ເຖິງຄວາມສ່ຽງອັນຮ້າຍແຮງຂອງສິ່ງເສດເຫຼືອປຼາສະຕິກຕໍ່ສິ່ງແວດລ້ອມ, ແຕ່ປີ 2020 ສະຖາບັນຍຸດທະສາດ ນະໂຍບາຍຊັບພະຍາກອນທຳມະຊາດ ແລະສິ່ງແວດລ້ອມ ສົມທົບກັບພະແນກອຸດສາຫະກຳ ແລະການຄ້ານະຄອນ ຮ່າໂນ້ຍ ໄດ້ຜັນຂະຫຍາຍໂຄງການ “ຂໍ້ລິເລີ່ມສ້າງຕັ້ງພັນທະມິດຮ້ານຊັບພະສິນຄ້າເພື່ອຫຼຸດຜ່ອນການນໍາໃຊ້ຖົງຢາງທີ່ໃຊ້ເທື່ອດຽວ” ເພື່ອແນໃສ່ສ້າງຕັ້ງ ແລະດໍາເນີນພັນທະມິດຂອງຮ້ານສັບພະສິນຄ້າ ເພື່ອຮ່ວມກັນວາງອອກມາດຕະການເພື່ອຫຼຸດຜ່ອນການນຳໃຊ້ເທື່ອດຽວໃນຮ້ານສັບພະສິນຄ້າ ແລະ ປ່ຽນໄປໃຊ້ຖົງຢາງທີ່ເປັນມິດກັບສິ່ງແວດລ້ອມຫຼາຍຂຶ້ນ.
ໃນຂອບເຂດຂອງໂຄງການທີ່ກ່າວມານີ້, ພັນທະມິດບັນດາຜູ້ຂາຍຍ່ອຍເພື່ອຫຼຸດຜ່ອນການນໍາໃຊ້ຖົງຢາງໄດ້ຮັບການສ້າງຕັ້ງຂຶ້ນໂດຍມີການເຂົ້າຮ່ວມຂອງ 16 ສະມາຊິກໃນບໍລິເວນຮ່າໂນ້ຍ.
ບູນມີ