| USAID ອາເມລິກາ ມອບອຸປະກອນກວດບົ່ງມະຕິພະຍາດວັນນະໂລກ ໃນ 2 ຊົ່ວໂມງ ແລະຢາປິ່ນປົວພະຍາດວັນນະໂລກໃຫ້ແກ່ຫວຽດນາມ | |
| USAID LinkSME ໜູນຊ່ວຍ ວິສາຫະກິດຂະໜາດກາງ ແລະ ນ້ອຍ ຫວຽດນາມ ເຂົ້າຮ່ວມລະບົບຕ່ອງໂສ້ການສະໜອງທົ່ວໂລກ |
ກ່າວຄຳເຫັນໃນພິທີ, ທ່ານ ເຈິນຢຸຍດົ່ງ ຮອງລັດຖະມົນຕີກະຊວງແຜນການ ແລະ ການລົງທຶນ ໃຫ້ຮູ້ວ່າ: ຂໍ້ລິເລີ່ມ MII ຈະສົ່ງເສີມຄວາມສົນໃຈ ແລະ ຊຸກຍູ້ການເຂົ້າຮ່ວມຂະບວນການຫັນເປັນດິຈິຕອລ, ພ້ອມທັງປະກອບສ່ວນເຊື່ອມໂຍງແຫຼ່ງກຳລັງແຮງຕ່າງໆ ເພື່ອສະໜັບສະໜູນການສ້າງນະວັດຕະກຳໃຫ້ເຂດທົ່ງພຽງລຽບແມ່ນ້ຳຂອງ.
ທ່ານ Ann Marie Yastishock ຜູ້ອໍານວຍການ USAID ຫວຽດນາມ ກ່າວວ່າ, ຫວຽດນາມ ມີໂອກາດສູງໃນການໝູນໃຊ້ທ່າແຮງຂອງການປະຕິວັດອຸດສາຫະກຳ ຄັ້ງທີ 4 ການພັດທະນາທີ່ເຂັ້ມແຂງໂດຍຜ່ານບັນດາການຫັນປ່ຽນພື້ນຖານເສດຖະກິດ. ເພື່ອບັນລຸໄດ້ສິ່ງດັ່ງກ່າວ, ກຳລັງແຮງງານຂອງຫວຽດນາມ ຕ້ອງໄດ້ຮັບການປະກອບທັກສະທາງດີຈີຕອຣຕ່າງໆ ເພື່ອພັດທະນາພື້ນຖານເສດຖະກິດ ອີງໃສ່ຄວາມຮູ້ໃນຫຼາຍຂົງເຂດ ແລະ ຫຼາຍຂະແໜງວິຊາຊີບ.
 |
| ພາບປະກອບ |
ສະນັ້ນ, ການລິເລີ່ມ MII ໄດ້ຮັບການສະໜັບສະໜູນທາງດ້ານເຕັກນິກຈາກການເຄື່ອນໄຫວ: “ແຫຼ່ງຊັບພະຍາກອນມະນຸດເພື່ອການສ້າງນະວັດຕະກໍາໃໝ່ - ລະບົບນິເວດແຫ່ງການເລີ່ມຕົ້ນ” (USAID WISE). ເປົ້າໝາຍຂອງ MII ແມ່ນຫວັງການລະດົມແຫຼ່ງກຳລັງ ແລະ ວິທີທາງສະໜັບສະໜູນການສ້າງນະວັດຕະກຳໃໝ່ຢູ່ເຂດທົ່ງພຽງລຽບແມ່ນ້ຳຂອງ; ສົ່ງເສີມການພັດທະນາເສດຖະກິດບົນພື້ນຖານການສ້າງນະວັດຕະກຳໃໝ່ໃຫ້ແກ່ພາກພື້ນ; ຍົກສູງບັນດາແຫຼ່ງຊັບພະຍາກອນມະນຸດໃຫ້ແກ່ການຫັນປ່ຽນດີຈີຕອຣ, ລະບົບນິເວດແຫ່ງການເລີ່ມຕົ້ນເພື່ອຕອບສະໜອງຄວາມຕ້ອງການຂອງຕະຫຼາດພາຍໃນ ແລະ ຕ່າງປະເທດ...ທ່ານ ນາງ Yastishock ຍັງໃຫ້ຊາບວ່າ: USAID ພ້ອມແລ້ວທີ່ຈະສະໜັບສະໜູນຫວຽດນາມ ໃນການກຳນົດວິທີທາງເຂົ້າເຖິງການສ້າງນະວັດຕະກຳໃໝ່ ເພື່ອເພີ່ມເຕີມໃສ່ຫຼັກສູດຝຶກອົບຮົມແບບດັ້ງເດີມ ແລະ ເລັ່ງລັດການຫັນເປັນດີຈີຕອຣຂອງກຳລັງແຮງງານຂອງຫວຽດນາມ.
MII ຈະສົມທົບກັນຝຶກອົບຮົມກໍ່ສ້າງໃຫ້ 500 ຄົນໃນພາກພື້ນສຳລັບທັກສະຕ່າງໆໃນການຫັນເປັນດິຈິຕອຣ ແລະ ການຄ້າເອເລັກໂຕຣນິກ, ເປີດໂອກາດວຽກເຮັດງານທໍາໃໝ່ ແລະ ສະໜອງແຫຼ່ງຊັບພະຍາກອນມະນຸດທີ່ໄດ້ປະກອບທັກສະດິຈິຕອຣຕ່າງໆ. ຂໍ້ລິເລີ່ມ MII ຍັງໄດ້ຮັບທຶນຊ່ວຍເຫຼືອຈາກບັນດາຄູ່ຮ່ວມມືຄື: ສະໜອງການບໍລິການຄອມພິວເຕີຄຣາວຟຣີ ແລະ ສູນຂໍ້ມູນໃຫ້ແກ່ວິສາຫະກິດຂະໜາດນ້ອຍ ແລະ ກາງ ໃຫ້ສ້າງນະວັດຕະກຳໃໝ່ ແລະ ເລີ່ມຕົ້ນໃໝ່ 1,000 ແຫ່ງ; 500 ຊຸດບໍລິການຊອກຫາຂໍ້ມູນທຸລະກິດຕ່າງປະເທດຟຣີສໍາລັບການສົ່ງອອກ ແລະ ການຮ່ວມມືທາງການຄ້າ; 500 ໜ້າເວັບໄຊທ໌ທີ່ໄດ້ສ້າງຂຶ້ນໂດຍບໍ່ເສຍຄ່າເພື່ອແນະນໍາ, ໂຄສະນາ ແລະ ສົ່ງເສີມຜະລິດຕະພັນແມ່ນໍ້າຂອງໃນຖານດິຈິຕອຣ; 5,000 ທຶນການສຶກສາກ່ຽວກັບວິທະຍາສາດເຕັກໂນໂລຊີຂໍ້ມູນຂ່າວສານສໍາລັບນັກສຶກສາ ແລະ ຜູ້ອອກແຮງງານ; ຊ່ວຍເຫຼືອ, ສ້າງໃຫ້ຟຣີກ່ຽວກັບການຫັນເປັນດິຈິຕອຣ ແລະ ການຂາຍສິນຄ້າໃນເຄືອຂ່າຍສັງຄົມ, ຊ່ອງທາງອອນໄລນ໌ຕ່າງໆສໍາລັບຊາວກະສິກອນ, ພໍ່ຄ້າຂະຫນາດນ້ອຍ 3,000 ຄົນ.
ແລະໃນວັນດຽວກັນ, ທ່ານ Ann Marie Yastishock ຜູ້ອຳນວຍການອົງການ USAID ຫວຽດນາມ ໄດ້ມີການພົບປະກັບບັນດາຫົວໜ່ວຍວິສາຫະກິດຢູ່ໃນນະຄອນເກິນເທີແລະ ເປັນສັກຂີພິຍານພິທີລົງນາມໃນການເຊັນບົດບັນທຶກຊ່ວຍຈຳລະຫວ່າງ IM GROUP ແລະ ບັນດາຄູ່ຮ່ວມມືພ້ອມກັນຍົກສູງກຳລັງຄວາມສາມາດ ແລະ ເພີ່ມໂອກາດວຽກເຮັດງານທຳໃຫ້ບຸກຄະລາກອນດີຈີຕອຣຢູ່ບັນດາແຂວງເຂດທົ່ງພຽງລຽບແມ່ນ້ຳຂອງ.
ວິລະຊົນ
