| ການແຫ່ທວນໄຟຊີເກມ 31 ຈະໄປຜ່ານ 12 ແຂວງ ແລະນະຄອນ | |
| ມີ 10,000 ກວ່າຄົນເຂົ້າຮ່ວມງານມະຫາກຳກິລາ SEA Games ຄັ້ງທີ 31 |
ນະຄອນບັກຢ່າງປັດຈຸບັນມີປະມານ 100 ກວ່າຮ້ານອາຫານ, ໂຮງແຮມ, ຫົວໜ່ວຍທຸລະກິດກິນດື່ມທີ່ອົງການຈັດຕັ້ງທາງວິຊາສະເພາະຂອງນະຄອນໄດ້ໃຫ້ອະນຸຍາດ ແລະ ຄຸ້ມຄອງ. ມີເປັນຮ້ອຍໆຮ້ານກິນດື່ມ, ຫົວໜ່ວຍທຸລະກິດອາຫານຕາມຖະໜົນຕົວເມືອງທີ່ບັນດາເມືອງຄຸ້ມຄອງ. ສະນັ້ນ, ວຽກງານຮັບປະກັນການກິນດື່ມສະອາດປອດໄພ ມີບົດບາດສຳຄັນທີ່ສຸດ ເປັນຕົ້ນເມື່ອຄາດຄະເນວ່າຈະມີຜູ້ຊົມເຊຍຈຳນວນຫຼາຍຢູ່ໃນ ຫຼື ນອກແຂວງທີ່ມາຍັງນະຄອນບັກຢ່າງ ເພື່ອຊົມເຊຍ, ກິດນດື່ມ, ເຄື່ອນໄຫວໃນໄລຍະດຳເນີນການແຂ່ງຂັນຕີດອກແຕ່ລະນັດ.
 |
| ພາບປະກອບ: baobacgiang |
ສູນການແພດນະຄອນບັກຢ່າງ ແລະ ບັນດາຂະແໜງການກ່ຽວຂ້ອງເພີ່ມທະວີວຽກງານກວດກາ, ກວດສອບຮ່ວມຂະແໜງການກ່ຽວກັບການກິນດື່ມສະອາດປອດໄພ. ເນື້ອໃນການກວດກາສຸມໃສ່ໃນການເຄົາລົບຂໍ້ກຳນົດຕ່າງໆທາງດ້ານເງື່ອນໄຂການກິນດື່ມປອດໄພຂອງຫົວໜ່ວຍບໍລິການກິນດື່ມຕ່າງໆ. ເອົາແບບຕົວຢ່າງມາດຖານຄຸນນະພາບຂອງຜະລິຕະພັນເຄື່ອງດື່ມອາຫານ (ນ້ຳດື່ມເປັນຕຸກຢູ່ບັນດາຫົວໜ່ວຍການຜະລິດ ແລະ ທຸລະກິດ; ປະເພດອາຫານກິນໃນທັນທີ; ອາຫານປຸງແຕ່ງກຽມພ້ອມຢູ່ຕາມຮ້ານອາຫານ, ໂຮງແຮງ; ປະເພດອາຫານແຄມທາງ,…) ຕາມບົດບາດການຄຸ້ມຄອງ.
ທ່ານນາງ ຫງວຽນທິແທັງຮົ່ງ ຫົວໜ້າສູນການແພດນະຄອນບັກຢ່າງ ກ່າວວ່າ: ນອກຈາກການປະສານສົມທົບກວດກາບັນດາຫົວໜ່ວຍທຸລະກິດ; ສູນຍັງຊີ້ນຳບັນດາຂະແໜງການວິຊາສະເພາະທີ່ໄດ້ຖືກແບ່ງຄວາມຮັບຜິດຊອບໃຫ້ເພີ່ມທະວີການຕິດຕາມກວດກາ, ຄົ້ນຫາໃຫ້ທັນການຄວາມສ່ຽງ ແລະ ກໍລະນີຕ່າງໆທີ່ເປັນພິດທາງເຄື່ອງດື່ມອາຫານ, ບັນດາພະຍາດຕິດແປດຜ່ານທາງອາຫານການກິນດື່ມ. ກະກຽມຄວາມພ້ອມກຳລັງ, ພາຫະນະ, ອຸປະກອນ, ຢາ, ນ້ຳຢາເຊື້ອ ແລະ ແກ້ໄຂໃຫ້ທັນການ ເພື່ອຫຼຸດຜ່ອນຜົນສະທ້ອນຈາກອາຫານເຄື່ອງດື່ມເປັນພິດ.
ສ້າງແບບແຜນວິທີຕ້ານ, ປ້ອງກັນ, ສືບສວນ, ຕິດຕາມກວດກາອາຫານເຄື່ອງດື່ມເປັນພິດ, ເກັບກຳ ແລະ ຈັດແບ່ງປະເພດການປິ່ນປົວ. ສູນການແພດນະຄອນບັກຢ່າງ ແລະ ບັນດາໜ່ວຍແພດທ້ອງຖິ່ນຈັດສັນບຸກຄະລາກອນຮັບປະກັນປະຈຳການ 24/24 ຊົ່ວໂມງ, ໃນຈຸດປະຈຳການມີພາຫະນະ, ອຸປະກອນຂ້າເຊື້ອ ເພື່ອກຽມພ້ອມຮັບມືເມື່ອເກີດມີພະຍາດ, ອາຫານເຄື່ອງດື່ມເປັນພິດເກີດຂຶ້ນ.
ຕາມແຜນການ, ຊີເກມ ຄັ້ງທີ 31 ຈະມີພິທີເປີດໃນຄ່ຳຄືນຂອງວັນທີ 12 ພຶດສະພາ 2022. ການແຂ່ງຂັນປະເພດຕີດອກເລີ່ມແຕ່ວວັນທີ 16 ຮອດ 22 ພຶດສະພາ 2022 ທີ່ສະໜາມແຂ່ງຂັນກິລາແຂວງບັກຢ່າງ (ເຂດຕົວເມືອງທາງໃຕ້ນະຄອນບັກຢ່າງ). ຄາດນະເນວ່າຈະມີ 8 ຊາດເຂົ້າຮ່ວມແຂ່ງຂັນປະເພດຕີດອກ ເຊັ່ນ: ມາເລເຊຍ, ອິນໂດເນເຊຍ, ຟີລິປິນ, ລາວ, ກຳປູເຈຍ, ໄທ, ສິງກະໂປ ແລະ ຫວຽດນາມ ພ້ອມກັບຜູ້ຊົມກອງເຊຍ 127 ຄົນ. ໃຫ້ຊາບວ່າບັນດາຜູ້ຊົມກອງເຊຍຈະກິນດື່ມພັກເຊົາຢູ່ໂຮງແຮມເມືອງແທັງ (ນະຄອນບັກຢ່າງ).
ວິລະຊົນ
