| ປະທານ VUFO ເຂົ້າຮ່ວມພິທີລົງມືກໍ່ສ້າງຂົວຊົນນະບົດ 4 ແຫ່ງ ແລະ ເຮືອນມິດຕະພາບ 25 ຫຼັງ ຢູ່ ກ່າເມົາ | |
| ຫຼົງໄຫຼກັບຕະຫຼາດທີ່ມີຊື່ສຽງຂອງດິນແດນ ບັກຮ່າ |
 |
| ບັນດາຜູ້ແທນເຂົ້າຮ່ວມກອງປະຊຸມ (ພາບ: Baoquocte.vn) |
ກອງປະຊຸມປຶກສາຫາລືທີ່ SABS 2022 ມີການເຂົ້າຮ່ວມຂອງນັກປະຖະກະຖາຫຼາຍກວ່າ 100 ທ່ານ ເພື່ອປຶກສາຫາລືກ່ຽວກັບການຄວບຄຸມຕ່ອງໂສ້ການສະໜອງແບບຍືນຍົງ, ໂຄງລ່າງແບບຍືນຍົງໃນລະບົບມູນຄ່າ, ການເງິນສີຂຽວ ແລະ ພາລະບົດບາດຂອງສະຖາບັນການເງິນ, ຊຸກຍູ້ການຫັນເປັນທຸລະກິດໂດຍຜ່ານການຫັນເປັນດິຈິຕອນ, ສ້າງບັນດາສັນຍາການຄ້າເສລີໃຫ້ອະນາຄົດດິຈິຕອນ, ຍືນຍົງ ແລະ ສາມາດແກ່ງແຍ້ງ, ສ້າງສູນທຸລະກິດບົນເວທີດິຈິຕອນ ແລະ ຄວາມປອດໄພທາງໄຊເບີ...
ກ່າວຄຳເຫັນທີ່ກອງປະຊຸມປຶກສາຫາລືໃນວັນທີ 23 ມີນາ ດ້ວຍຫົວຂໍ້ “ອະນາຄົດວຽກເຮັດງານທຳຢູ່ພາກພື້ນ ອາຊຽນ”, ທ່ານເອກອັກຄະລັດຖະທູດຫວຽດນາມ ປະຈຳ ສິງກະໂປ ມາຍເຟືອກຢຸງ ຖືວ່າ: ຫວຽດນາມ ໄດ້ສຸມໃສ່ກໍ່ສ້າງໂຄງປະກອບພື້ນຖານເສດຖະກິດຄືນໃໝ່ໃຫ້ທັນສະໄໝ, ສຸມໃສ່ເຂົ້າໃນບາງອາຊີບສຳຄັນຄື: ອຸດສາຫະກໍາເຕັກໂນໂລຊີຂໍ້ມູນຂ່າວສານ, ການເງິນທະນາຄານ, ພະລັງງານສະອາດ, ເສດຖະກິດທະເລ ...
ແຜນພັດທະນາເສດຖະກິດ-ສັງຄົມ 5 ປີຕໍ່ໄປຂອງຫວຽດນາມ ໄດ້ເອົາໃຈໃສ່ເປັນພິເສດເຖິງການສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ຖືວ່າ ແມ່ນບຸລິມະສິດອັນດັບໜຶ່ງຂອງຫວຽດນາມ ໃນການພັດທະນາໄລຍະກາງ ແລະ ໄລຍະຍາວ.
ປະຈຸບັນ ຫວຽດນາມ ມີຄວາມຮຽກຮ້ອງຕ້ອງການຢ່າງໃຫຍ່ຫຼວງຂອງພະນັກງານວິຊາການ ຫຼື ພະນັກງານບໍລິຫານລະດັບກາງ ແລະ ສູງ ໃນບັນດາຂະແໜງການສຳຄັນຄື: ເອເລັກໂຕຼນິກ, ເຊມິຄອນເທນເນີ, ເຕັກໂນໂລຊີຂໍ້ມູນຂ່າວສານ, ການເງິນທະນາຄານ, ພະລັງງານສະອາດ ແລະ ເສດຖະກິດທະເລ...
ກຳລັງແຮງງານຫວຽດນາມ ໄດ້ຮັບການຕີລາຄາສູງຈາກບັນດາວິສາຫະກິດຕ່າງປະເທດກ່ຽວກັບຄວາມສາມາດເຮັດວຽກ, ມິໄຫວພິບໃນການຮໍ່າຮຽນ ແລະ ກຳແໜ້ນທັກສະໃໝ່. ເຖິງຢ່າງໃດກໍຕາມ, ຫວຽດນາມ ຍັງປະເຊີນໜ້າກັບສິ່ງທ້າທາຍທີ່ຈະມີກຳລັງແຮງງານທີ່ມີສີມືແຮງງານເປັນຈຳນວນຫຼວງຫຼາຍເພື່ອຕອບສະໜອງຄວາມຕ້ອງການສູງໃນການພັດທະນາເສດຖະກິດຫວຽດນາມ ໃນອະນາຄົດ.
ທ່ານເອກອັກຄະລັດຖະທູດ ມາຍເຟືອກຢຸງ ຮຽກຮ້ອງໃຫ້ສືບຕໍ່ຮ່ວມມືກັບບັນດາປະເທດ ອາຊຽນ ໃນຂົງເຂດບຳລຸງສ້າງແຫຼ່ງຊັບພະຍາກອນມະນຸດ. ບັນດາປະເທດທີ່ມີຄຸນນະພາບສູງກວ່າ ແມ່ນສາມາດໜູນຊ່ວຍບັນດາປະເທດທີ່ພວມພັດທະນາໃນການກໍ່ສ້າງແຫຼ່ງຊັບພະຍາກອນມະນຸດທີ່ດີ ເພື່ອຕອບສະໜອງຄວາມຮຽກຮ້ອງຕ້ອງການຊັບພະຍາກອນມະນຸດທີ່ສູງຂອງພາກພື້ນໃນໄລຍະຈະມາເຖິງ.
ບຸນຄົງ
