| ໜູນຊ່ວຍຊາວຫວຽດນາມ ຍົກຍາກຈາກເຂດສູ້ຮົບຢູແກຼນ ໄປຍັງລັດເຊຍ | |
| ເພີ່ມທະວີການພົວພັນຮ່ວມມືຍຸດທະສາດລະຫວ່າງ ຫວຽດນາມ - ຢູເຄຣນ |
ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດ ໄດ້ມີການສົນທະນາຜ່ານໂທລະສັບກັບທ່ານ ເສີເກ້ ລາວັວບ ລັດຖະມົນກະຊວງການຕ່າງປະເທດສະຫະພັນລັດເຊຍ ໃນຕອນຄ່ຳວັນທີ 15 ມີນາ ແລະ ກັບທ່ານ ດີມິຕໍຣ ກູເລບາ ໃນຕອນແລງວັນທີ 16 ມີນາ ແນໃສ່ແລກປ່ຽນກ່ຽວກັບສະພາບການຂັດແຍ່ງໃນຢູເຄຣນ.
ໃນການສົນທະນາໂອ້ລົມໂທລະສັບນັ້ນ, ທ່ານລັດຖະມົນຕີ ບຸ່ຍແທັງເສີນ ໄດ້ຢັ້ງຢືນຈຸດຢືນຫຼັກໝັ້ນອັນແນ່ນອນຂອງຫວຍດນາມ ໂດຍລະບຸວ່າບັນດາຂໍ້ຂັດແຍ່ງ ແລະ ຄວາມບໍ່ລົງລອຍກັນລະຫວ່າງປະເທດ ຄວນໄດ້ຮັບການແກ້ໄຂດ້ວຍມາດຕະການຢ່າງສັນຕິວິທີ ແລະ ເຄົາລົບຫຼັກການພື້ນຖານຕ່າງໆຂອງກົດບັດສະຫະປະຊາຊາດ ແລະ ກົດໝາຍສາກົນ, ເປັນຕົ້ນແມ່ນຫຼັການເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງບັນດາລັດ.
 |
| ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດ. ພາບ: nguoiduatin |
ລັດຖະມົນຕີເນັ້ນໜັກໃນນາມເປັນເພື່ອນມິດໃກ້ຊິດທີ່ເປັນມູນເຊື້ອກັບທັງລັດເຊຍ ແລະ ຢູເຄຣນ, ຫວຽດນາມ ປາດຖະໜາມຸ້ງຫວັງໃຫ້ແຕ່ລະຝ່າຍມີຄວາມອົດກັ້ນ ແລະ ຫຼຸດຜ່ອນຄວາມເຄັ່ງຕຶງ ແລະ ສືບຕໍ່ພະຍາຍາມເຈລະຈາກັນເພື່ອຊອກຫາວິທີທາງໄລຍະຍາວບົນພື້ນຖານຄວາມສອດຄ່ອງກັບກົດໝາຍສາກົນ ແລະ ຄຳນຶງເຖິງຜົນປະໂຫຍດອັນຊອບທຳຂອງບັນດາຝ່າຍ; ຫວຽດນາມກ່າວວ່າພ້ອມສະເໝີທີ່ຈະຮ່ວມກັບປະຊາຄົມສາກົນປະກອບສ່ວນໃນຂະບວນການນີ້.
ທ່ານລັດຖະມົນ ບຸ່ຍແທັງເສີນ ສະເໜີໃຫ້ຝ່າຍລັດເຊຍ ແລະ ຢູເຄຣນ ສືບຕໍ່ຈັດຕັ້ງແລວທາງມະນຸດສະທຳ ແລະ ມີມາດຕະການຮັບປະກັນຄວາມປອດໄພໃຫ້ແກ່ພົນລະເມືອງທົ່ວໄປ ຊຶ່ງໃນນັ້ນມີພົນລະເມືອງຫວຽດນາມໃນຢູເຄຣນ ອົບພະຍົບອອກຈາກເຂດສົງຄາມການຕໍ່ສູ້.
ທັງສອງລັດຖະມົນຕີກະຊວງການຕ່າງປະເທດລັດເຊຍ ແລະ ຢູເຄຣນ ລ້ວນແຕ່ຢືນຢັນຄວາມມຸ້ງຫວັງສືບຕໍ່ຮັກສາ ແລະ ເພີ່ມທະວີການຮ່ວມມືກັບຫວຽດນາມ; ຢືນຢັນວ່າຈະພະຍາຍາມທີ່ສຸດໃນການຊ່ວຍເຫຼືອອົບພະຍົບພົນລະເມືອງຫວຽດນາມໃຫ້ໄດ້ຢ່າງປອດໄພ.
ວິໂອວິ
