 |
| ພາບປະກອບ: TTXVN |
ທ່ານນາຍົກລັດຖະມົນຕີໄດ້ມອບໃຫ້ລັດຖະມົນຕີບັນດາກະຊວງ: ອຸດສາຫະກຳ ແລະ ການຄ້າ, ກະສິກຳ ແລະ ພັດທະນາຊົນນະບົດ, ຕໍາຫຼວດ, ຄົມມະນາຄົມ ຂົນສົ່ງ ແລະ ຜູ້ວ່າການທະນາຄານແຫ່ງລັດ ປະສານສົມທົບກັບສະມາຄົມໝາກມ່ວງຫິມະພານຫວຽດນາມ ແລະ ບັນດາອົງການທີ່ກ່ຽວຂ້ອງ ໃນການກວດກາ ແລະ ເຮັດແຈ້ງບັນດາສາຍເຫດ ເພື່ອມີມາດຕະການແກ້ໄຂ ແລະ ໜູນຊ່ວຍຕາມສິດອຳນາດ, ຮັບປະກັນສິດຜົນປະໂຫຍດອັນຊອບທຳຂອງປະຊາຊົນ, ວິສາຫະກິດ, ໃຫ້ສອດຄ່ອງກັບລະບຽບກົດໝາຍຂອງກົດໝາຍພາຍໃນ ແລະ ສາກົນໂດຍໄວ, ລາຍງານຕໍ່ນາຍົກລັດຖະມົນຕີທຸກຄວາມຫຍຸ້ງຍາກຢ່າງທັນການ.
ຕາມຂໍ້ມູນຂອງສະມາຄົມໝາກມ່ວງຫິມະພານຫວຽດນາມ, ຜູ້ສົ່ງອອກໝາກມ່ວງຫິມະພານພາຍໃນປະເທດຫຼາຍແຫ່ງພວມຕົກຢູ່ໃນຄວາມສ່ຽງທີ່ຈະສູນເສຍຕູ້ຄອນເທນເນີເກືອບ 100 ໜ່ວຍທີ່ມີມູນຄ່າຫຼາຍຮ້ອຍລ້ານໂດລາສະຫະລັດເມື່ອສົ່ງອອກໄປເອີຣົບ. ບັນດາວິສາຫະກິດມີຄວາມກັງວົນວ່ານີ້ອາດຈະເປັນການຫລອກລວງຄັ້ງໃຫຍ່ຍ້ອນວ່າທຸລະກິດເຫຼົ່ານີ້ທັງຫມົດໄດ້ເຊັນສັນຍາໂດຍຜ່ານບໍລິສັດນາຍຫນ້າເພື່ອສົ່ງອອກເມັດຫມາກມ່ວງຫິມະພານໄປອິຕາລີ.
ໄຊພອນ
