| ສົ່ງຂໍ້ຄວາມເພື່ອຮ່ວມເດີນທາງກັບແມ່ຍິງເຂດຊາຍແດນ | |
| ທ່ານໝໍຫວຽດນາມ ໂຄສະນາກ່ຽວກັບການເບິ່ງແຍງສຸຂະພາບໃນການປະສູດໃຫ້ແກ່ແມ່ຍິງຊູດັງໃຕ້ |
 |
| ພາບປະກອບ: Internet |
ໃນຊຸມປີຜ່ານມາ, ຫວຽດນາມ ໄດ້ຮັບບັນດາໝາກຜົນທີ່ຕັ້ງໜ້າ, ປະກອບສ່ວນເຂົ້າໃນການຮັດແຄບຊ່ອງຫວ່າງຍິງ-ຊາຍໃນທຸກຂົງເຂດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງປະເທດຊາດ.
ດ້ວຍເປົ້າໝາຍສືບຕໍ່ຮັດແຄບຄວາມແຕກໂຕນທາງເພດ, ສ້າງເງື່ອນໄຂ ແລະ ໂອກາດໃຫ້ແມ່ຍິງ ແລະ ຜູ້ຊາຍເຂົ້າຮ່ວມ ແລະ ໄດ້ຮັບຜົນປະໂຫຍດຢ່າງສະເໝີພາບໃນທຸກຂົງເຂດຊີວິດສັງຄົມ, ປະກອບສ່ວນເຂົ້າໃນການພັດທະນາຜືນແຜ່ນດິນອັນຍືນຍົງ, ລັດຖະບານໄດ້ອອກມະຕິເລກທີ 28/NQ-CP ອະນຸມັດຍຸດທະສາດແຫ່ງຊາດກ່ຽວກັບຄວາມສະເໝີພາບລະຫວ່າງຍິງ-ຊາຍ ໄລຍະ 2021-2030.
ທ່ານນາຍົກລັດຖະມົນຕີ ໄດ້ປະກາດໃຊ້ຫຼາຍໂຄງການ ແລະ ນະໂຍບາຍເພື່ອຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະ ສະກັດກັ້ນ, ຮັບມືກັບການໃຊ້ຄວາມຮຸນແຮງລະຫວ່າງຍິງ-ຊາຍ, ເຊັ່ນ: ໂຄງການປ້ອງກັນ ແລະ ຕ້ານການໃຊ້ຄວາມຮຸນແຮງລະຫວ່າງຍິງ-ຊາຍ ໄລຍະ 2021-2025; ໂຄງການສື່ສານຄວາມສະເໝີພາບລະຫວ່າງຍິງ-ຊາຍ ຮອດປີ 2030; ແຜນງານແຫ່ງຊາດກ່ຽວກັບການປ້ອງກັນ ແລະ ຄວບຄຸມການໃຊ້ຄວາມຮຸນແຮງໃນຄອບຄົວໃນສະພາບການໃໝ່ເຖິງປີ 2025…
ຕັ້ງໜ້າເພີ່ມທະວີການຮ່ວມມືສາກົນໃນການປະຕິບັດຈຸດໝາຍຄວາມສະເໝີພາບລະຫວ່າງຍິງ-ຊາຍ; ຍາດແຍ່ງເອົາການສະໜັບສະໜູນທາງດ້ານເຕັກນິກ, ການເງິນ ແລະ ວິຊາຊີບຈາກຕ່າງປະເທດ, ອົງການຈັດຕັ້ງ ແລະ ບຸກຄົນໃນຂົງເຂດຄວາມສະເໝີພາບລະຫວ່າງຍິງ-ຊາຍ.
ບຸນຄົງ
