| ຜູ້ອອກແຮງງານຈະໄດ້ພັກ 3 ວັນ ໃນຊ່ວງປີໃໝ່ສາກົນ 2022 | |
| ປະຊາຄົມຊາວ ຫວຽດນາມ ອາໄສ ຢູ່ ສະວິດ ຕີລາຄາສູງການຊຸກຍູ້ ການປ່ຽນແປງໃໝ ປະດິດສ້າງຂອງ ພັກ, ລັດ |
 |
| ພາບປະກອບ: tuyengiao.vn |
ມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດຫວຽດນາມ ໄດ້ຖືປັດໄຈມະນຸດ ແລະ ຄວາມໝັ້ນຄົງຂອງມະນຸດເປັນໃຈກາງຂອງທຸກການເຄື່ອນໄຫວ. ມະຕິຂອງພັກຍັງຢືນຢັນວ່າ: ການຮັບປະກັນຄວາມໝັ້ນຄົງຂອງມະນຸດ ທັງແມ່ນເປົ້າໝາຍສູ້ຊົນ ແລະ ທັງແມ່ນກຳລັງໜູນໃຫ້ແກ່ຄວາມໝັ້ນຄົງທາງການເມືອງ - ສັງຄົມ ແລະ ພັດທະນາປະເທດຊາດໃຫ້ຮັ່ງມີ ແລະ ມີຄວາມຜາສຸກ; ປະເທດຊາດ ຈະເລີນຮຸ່ງເຮືອງ ແລະໝັ້ນແກ່ນ.
ພາຍຫຼັງ 35 ປີແຫ່ງການປ່ຽນແປງໃໝ່, ຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງ, ມີຄວາມໝາຍປະຫວັດສາດ, ເສດຖະກິດມີການເຕີບໂຕດີພໍສົມຄວນ, ພື້ນຖານເສດຖະກິດການຕະຫຼາດຕາມທິດສັງຄົມນິຍົມໄດ້ຮັບການສ້າງຕັ້ງເທື່ອລະກ້າວ; ສະພາບການເມືອງມີຄວາມໝັ້ນຄົງ, ຊີວິດທາງດ້ານວັດທະນະທຳ, ຈິດໃຈຂອງປະຊາຊົນໄດ້ຮັບການຍົກສູງຢ່າງບໍ່ຢຸດຢັ້ງ... ບັນດາໝາກຜົນດັ່ງກ່າວປະກອບສ່ວນສ້າງພື້ນຖານຮັບປະກັບຄວາມໝັ້ນຄົງແຫ່ງຊາດ ແລະ ຄວາມເປັນລະບຽບຮຽບຮ້ອຍທາງສັງຄົມ, ຮັບປະກັນຄວາມໝັ້ນຄົງຂອງມະນຸດຢູ່ ຫວຽດນາມ. ເຖິງຢ່າງໃດກໍ່ຕາມ, ໃນສະພາບການໃໝ່ຂອງສາກົນ ແລະ ພາກພື້ນ, ຫວຽດນາມ ພວມປະເຊີນໜ້າກັບບັນດາສິ່ງທ້າທາຍໃໝ່ທີ່ຕ້ອງໄດ້ຮັບການແກ້ໄຂໃນຂົງເຂດປະກັນສັງຄົມ ແລະ ຄວາມໝັ້ນຄົງຂອງມະນຸດ.
ເພື່ອແກ້ໄຂບັນດາສິ່ງທ້າທາຍດັ່ງກ່າວ, ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ໄດ້ຖືປັດໄຈມະນຸດ ແລະ ຄວາມໝັ້ນຄົງມະນຸດເປັນໃຈກາງຂອງທຸກໆການເຄື່ອນໄຫວ, ກຳນົດການປ້ອງກັນຄວາມປອດໄພຂອງມະນຸດ ທັງເປັນເປົ້າໝາຍຕໍ່ສູ້, ທັງເປັນກຳລັງໜູນຂອງພາລະກິດປະຕິວັດຫວຽດນາມ. ມະຕິກໍ່ຢືນຢັນວ່າ ການເອົາໃຈໃສ່ເຖິງຄວາມໝັ້ນຄົງ ແລະ ຄວາມປອດໄພແມ່ນໜຶ່ງໃນບັນດາປັດໄຈນຳໜ້າໃນຊີວິດການເປັນຢູ່ຂອງປະຊາຊົນ, ສະນັ້ນ ການປົກປ້ອງຄວາມໝັ້ນຄົງແຫ່ງຊາດ ກໍ່ຄືການປົກປ້ອງຊີວິດການເປັນຢູ່ຂອງປະຊາຊົນ. ພິເສດ, ມະຕິໄດ້ຍົກອອກຄວາມຮັບຮູ້ ແລະ ຈິນຕະນາການໃໝ່ກ່ຽວກັບຄວາມໝັ້ນຄົງແຫ່ງຊາດຄື “ຄວາມໝັ້ນຄົງທົ່ວໂລກ” ແລະ “ຄວາມໝັ້ນຄົງຂອງມະນຸດ”. ຕາມນັ້ນແລ້ວ, ບັນດາບັນຫາທົ່ວໂລກຄື: ການປົກປັກຮັກສາສັນຕິພາບ, ຄວາມໝັ້ນຄົງຂອງມະນຸດ, ໄພທຳມະຊາດ, ພະຍາດລະບາດ, ຄວາມໝັ້ນຄົງດ້ານສັງຄົມ ແລະ ຄວາມປອດໄພແບບໃໝ່; ພິເສດແມ່ນຄວາມປອດໄພທາງອິນເຕີເນັດ, ການປ່ຽນແປງຂອງດິນຟ້າອາກາດ, ລະດັບນ້ຳທະເລຍື່ງຂຶ້ນ, ມົນລະພິດສິ່ງແວດລ້ອມ... ສືບຕໍ່ມີຜົນສະທ້ອນຫຼາຍດ້ານເຖິງການປົກປັກຮັກສາຄວາມໝັ້ນຄົງຂອງມະນຸດ, ຂະບວນການເຊື່ອມໂຍງເຂົ້າກັບສາກົນ ແລະ ພັດທະນາຂອງຫວຽດນາມ. ສະນັ້ນ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIII ໄດ້ກຳນົດວິໄສທັດພັດທະນາປະເທດຊາດຮອດປີ 2030, ໃນນັ້ນພັກ ຢັ້ງຢືນວ່າ: ຖືປັດໄຈມະນຸດ, ຄວາມປອດໄພຂອງມະນຸດແມ່ນໃຈກາງຂອງທຸກການເຄື່ອນໄຫວ. ການປົກປັກຮັກສາຄວາມປອດໄພຂອງມະນຸດແມ່ນທັງເປົ້າໝາຍທີ່ຕ້ອງພະຍາຍາມ ແລະ ເປັນກຳລັງໜູນເພື່ອຮັບປະກັນສະຖຽນລະພາບທາງການເມືອງ-ສັງຄົມ ແລະ ສ້າງສາພັດທະນາປະເທດຊາດໃຫ້ຮັ່ງມີ, ຈະເລີນຮຸ່ງເຮືອງ ແລະ ມີຄວາມຜາສຸກ.
ເພື່ອປະຕິບັດເປົ້າໝາຍ “ຄວາມປອດໄພຂອງມະນຸດ”, ພັກກອມມູນິດຫວຽດນາມ ບໍ່ພຽງແຕ່ຢືນຢັນທີ່ຕັ້ງ “ຄວາມປອດໄພມະນຸດ”ເປັນໃຈກາງຂອງການພັດທະນາເທົ່ານັ້ນ, ຫາກຍັງຍົກອອກລະບົບບັນດາໜ້າທີ່, ວິທີການພັດທະນາປະເທດໃນໄລຍະໃໝ່ດ້ວຍຈຸດສຸມທີ່ຕິດພັນກັບຄວາມປອດໄພຂອງມະນຸດ ຢູ່ຫວຽດນາມ. ກ່ອນອື່ນໝົດ, ພັກກຳນົດຄວາມປອດໄພຂອງມະນຸດຕິດພັນກັບເອກະລາດ, ອະທິປະໄຕຂອງຊາດ, ລະບອບສັງຄົມນິຍົມ, ຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ. ທີສອງ, ມະນຸດແມ່ນສູນກາງ ແລະ ແຫຼ່ງກຳລັງຂອງການພັດທະນາ. ສະນັ້ນ, ພັກເອົາໃຈໃສ່ ການປຸກລຸກນ້ຳໃຈຮັກຊາດ, ຄວາມເອກອ້າງທະນົງໃຈ, ເຈດຈຳນົງສ້າງຄວາມເຂັ້ມແຂງດ້ວຍຕົນເອງ, ເປັນເຈົ້າຕົນເອງ, ຄວາມເມດຕາປານີ, ນ້ຳໃຈສາມັກຄີ, ຄວາມເຫັນດີເຫັນພ້ອມຂອງສັງຄົມ ແລະ ຄວາມມຸ່ງມາດປາຖະໜາໃນການພັດທະນາປະເທດຊາດຂອງທົ່ວປວງຊົນຢ່າງແຮງ. ສ້າງກົນໄກ, ນະໂຍບາຍເພື່ອແນໃສ່ເສີມຂະຫຍາຍຈິດໃຈອຸທິດຕົນໃຫ້ປະເທດຊາດຂອງປະຊາຊົນຫວຽດນາມ. ເສີມຂະຫຍາຍປັດໄຈມະນຸດ, ມະນຸດເປັນຈຸດໃຈກາງ, ແມ່ນກຳລັງຫຼັກແຫຼ່ງ ແລະ ເປົ້າໝາຍພັດທະນາຢ່າງສຸດຂີດ.
ຈາກນັ້ນ, ການຮັບປະກັນຄວາມປອດໄພຂອງມະນຸດໝາຍຄວາມວ່າ ນັບມື້ນັບສ້າງເງື່ອນໄຂທາງດ້ານວັດຖຸ ແລະ ຈິດໃຈຢ່າງຫຼວງຫຼາຍ ເພື່ອໃຫ້ປະຊາຊົນມີການດຳລົງຊີວິດຢ່າງສະຫງົບສຸກ ແລະ ມີໂອກາດພັດທະນາ. ມະຕິກອງປະຊຸມໃຫຍ່ຄັ້ງທີ XIII ໄດ້ກຳນົດວ່າ “ປະຕິບັດບັນດານະໂຍບາຍສັງຄົມ, ຮັບປະກັນຊີວິດສັງຄົມ, ສະຫວັດດີການສັງຄົມ, ຄວາມປອດໄພຂອງມະນຸດໃຫ້ເປັນຢ່າງດີ, ສ້າງການປ່ຽນແປງຢ່າງແຮງໃນການຄຸ້ມຄອງພັດທະນາສັງຄົມ, ໃຫ້ມີຄວາມກ້າວໜ້າ ແລະ ຄວາມຍຸຕິທຳສັງຄົມ; ຍົກສູງຄຸນນະພາບການດຳລົງຊີວິດແລະຄວາມສຸກຂອງປະຊາຊົນ. ສືບຕໍ່ປະຕິບັດມາດຕະການຫຼຸດຜ່ອນຄວາມທຸກຍາກແບບແບບຫຼາຍສົ້ນ, ກວມລວມ, ຍືນຍົງ. ພັດທະນາລະບົບປະກັນສັງຄົມທີ່ມີໄຫວພິບ, ເປັນຫຼາຍຮູບແບບ, ຫຼາຍລະດັບ ແລະ ທັນສະໄໝ. ຮັບປະກັນການສະໜອງ ແລະ ຍົກສູງຄວາມສາມາດໃນການເຂົ້າເຖິງການບໍລິການຂັ້ນພື້ນຖານຂອງສັງຄົມ ໂດຍສະເພາະແມ່ນໃຫ້ຜູ້ທຸກຍາກ ແລະ ຜູ້ດ້ອຍໂອກາດໃນສັງຄົມ, ເອົາໃຈໃສ່ເບິ່ງແຍງ ແລະ ຮັກສາສຸຂະພາບຂອງປະຊາຊົນ. ຍົກສູງຄຸນນະພາບປະຊາກອນຢ່າງມີປະສິດທິຜົນ, ຍາດແຍ່ງເອົາກາລະໂອກາດທີ່ສະດວກຈາກໂຄງປະກອບປະຊາກອນຄຳ; ເປັນເຈົ້າການໃນການປັບຕົວເຂົ້າກັບທ່າອ່ຽງຂອງປະຊາກອນຜູ້ສູງອາຍຸເພີ່ມຂຶ້ນ. ສ້າງສະພາບແວດລ້ອມ ແລະ ເງື່ອນໄຂເພື່ອພັດທະນາຕະຫຼາດແຮງງານທີ່ຄົບຊຸດ, ທັນສະໄໝ, ມີໄຫວພິບ, ເປັນເອກະພາບ, ມີປະສິດທິຜົນ.
ມະຕິກອງປະຊຸມຄັ້ງທີ XIII ຍັງໄດ້ເຕື້ອງເຖິງການພັດທະນາຂອງປະເທດຮັ່ງມີ ແລະ ເຂັ້ມແຂງດ້ວຍປັດໄຈມະນຸດເປັນໃຈກາງ. ມະຕິຊີ້ແຈ້ງວ່າ: “ປຸກລຸກຈິດໃຈ ແລະ ເຈດຈຳນົງພັດທະນາປະເທດຊາດໃຫ້ຮັ່ງມີ ແລະ ມີຄວາມຜາສຸກ; ປະເທດຊາດຈະເລີນຮຸ່ງເຮືອງ ແລະ ຍືນຍົງ; ຍູ້ແຮງບັນດາຄຸນຄ່າວັດທະນະທຳ ແລະ ກຳລັງມະນຸດຂອງຫວຽດນາມ ໃນພາລະກິດສ້າງສາ ແລະ ປົກປັກຮັກສາປະເທດຊາດ”. ຍູ້ແຮງການທູດເສດຖະກິດເພື່ອພັດທະນາ, ຖືປະຊາຊົນ ແລະ ນັກທຸລະກິດເປັນໃຈກາງຂອງການຮັບໃຊ້. ມະຕິຢືນຢັນວ່າ ການຄຸ້ມຄອງການພັດທະນາສັງຄົມຢ່າງມີປະສິດທິຜົນ ແລະ ເຂັ້ມງວດ ແມ່ນຮັບປະກັນຄວາມໝັ້ນຄົງສັງຄົມ ແລະ ຄວາມປອດໄພຂອງມະນຸດ. ປະຕິບັດຄວາມກ້າວໜ້າ ແລະ ຍຸຕິທຳທາງສັງຄົມ; ສ້າງສະພາບແວດລ້ອມວັດທະນະທໍາ, ຄຸນສົບບັດ, ສັງຄົມປອດໄສ, ສີວິໄລ; ເອົາໃຈໃສ່ຍົກສູງຄຸນນະພາບການບໍລິການດ້ານສາທາລະນະສຸກ, ຄຸນນະພາບຂອງປະຊາກອນ, ຕິດພັນປະຊາກອນກັບການພັດທະນາ; ເອົາໃຈໃສ່ເຖິງປະຊາຊົນທຸກຊັ້ນວັນນະ, ຮັບປະກັນນະໂຍບາຍແຮງງານ, ວຽກເຮັດງານທຳ ແລະ ລາຍຮັບ, ປະຕິບັດສະຫວັດດີການສັງຄົມ, ຮັບປະກັນຊີວິດສັງຄົມໃຫ້ເປັນຢ່າງດີ, ປັບປຸງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນຢ່າງບໍ່ຢຸດຢັ້ງ, ແມ່ນຮັບປະກັນຄວາມປອດໄພຂອງມະນຸດຢູ່ ຫວຽດນາມ.
ບຸນຄົງ
