| ຮອງປະທານາທິບໍດີ Kamala Harris: ປັກກິ່ງ ກຳລັງສືບຕໍ່ “ບັງຄັບ” ແລະ “ຂົ່ມຂູ່” ຢູ່ທະເລຕາເວັນອອກ | |
| ກົມໃຫຍ່ການທ່ອງທ່ຽວ ສົມທົບ ກັບບໍລິສັດ La Vie ຈຳກັດ ເປີດຕົວ“ 100 ສິ່ງມະຫັດສະຈັນທາງທຳມະຊາດຂອງຫວຽດນາມ” |
ຈຸດປະສົງຂອງປຶ້ມນີ້ແມ່ນເພື່ອຍົກອອກບັນດາເລື່ອງລາວປະຫວັດສາດທີ່ກົງກັນຂ້າມ ແລະຄວາມກົດດັນທາງພູມສາດຍຸດທະສາດ ເຊິ່ງບັນດາປະເທດຕ້ອງປະເຊີນກັບການຂັດແຍ້ງກັນຢູ່ທະເລຕາເວັນອອກ.
ປື້ມເຫຼັ້ມນີ້ໄດ້ທົບທວນຄືນບັນດາເຫດການຕົ້ນຕໍຢູ່ພາກພື້ນທີ່ກ່ຽວຂ້ອງເຖິງທະເລຕາເວັນອອກໃນ 5 ປີຜ່ານມາ ເຊິ່ງໄດ້ດຶງດູດຄວາມສົນໃຈຈາກສາກົນ, ພິເສດ ແມ່ນພາຍຫຼັງການຕັດສິນຂອງສານອະນຸຍາໂຕຕຸລາການ (PCA).
 |
| ພາບປະກອບ |
ຄຳຕັດສິນຊີ້ແຈ້ງວ່າ: ການຮຽກທວງສິດຂອງຈີນຕໍ່ເສັ້ນທາງ 9 ຕອນ ແລະການຖະແຫຼງກ່ຽວກັບເຂດເສດຖະກິດສະເພາະຢູ່ບັນດາໝູ່ເກາະຢູ່ທະເລຕາເວັນອອກແມ່ນບໍ່ສອດຄ່ອງກັບຂໍ້ກໍານົດຂອງກົດໝາຍສາກົນ ແລະສົນທິສັນຍາຂອງສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ (UNCLOS) 1982.
ບັນດາການເຈລະຈາກ່ຽວກັບກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ກໍ່ບັນລຸໄດ້ຄວາມຄືບໜ້າ, ວົງການນັກສັງເກດການ ຖືວ່າ ຈີນ ອາດຈະຍອມຮັບບາງມາດຖານຂອງພາກພື້ນ ແລະຂັ້ນຕອນເຄື່ອນໄຫວມາດຖານ ທີ່ອາດຈະໄດ້ຮັບການສ້າງຂຶ້ນ.
ເນື້ອໃນຮ່າງ COC ໄດ້ສຳເລັດເປັນສ່ວນໃຫຍ່ແລ້ວ, ແຕ່ຄວາມສາມາດໃນການບັນລຸຄວາມເຫັນດີເຫັນພ້ອມລວມ ຄືວ່າສູນເສຍໄປເມື່ອຈີນ ເລີ່ມຕົ້ນໂຄສະນາວ່າ ຈີນ ຢາກຈະເຈລະຈາສອງຝ່າຍກັບບັນດາຝ່າຍແກ່ງແຍ້ງກ່ວາການຍອມຮັບເອົາການເຈລະຈາຫຼາຍຝ່າຍ. ໃນຂະນະນັ້ນ, ອາເມລິກາ ໄດ້ເລີ່ມສົ່ງກຳປັ່ນໄປຍັງທະເລຕາເວັນອອກ ແລະ ດຳເນີນການສອດແນມ ແລະຕິດຕາມກວດກາຢູ່ໃກ້ໝູ່ເກາະທີ່ຈີນ ຄວບຄຸມ, ກໍ່ຄວາມເຄັ່ງຕຶງລະຫວ່າງສອງປະເທດ.
ບັນດາຖະແຫຼງການການທູດ ແລະຮຽກຮ້ອງໃຫ້ຍອມຮັບຄວາມໝັ້ນຄົງທາງທະເລຄືເປັນບັນຫາດໍາເນີນງານສຳຄັນທີ່ໄດ້ເຮັດໃຫ້ເກີດຄວາມຜິດຂ້ອງຕ້ອງຖຽງລະຫວ່າງ ອາເມລິກາ ແລະຈີນ ຢູ່ບັນດາເວທີປາໄສຕ່າງໆ ໃນນັ້ນມີການເຈລະຈາ Shangri-la, ກອງປະຊຸມລັດຖະມົນຕີປ້ອງກັນປະເທດ ອາຊຽນ ເປີດກວ້າງ (ADMM+) ແລະ ກອງປະຊຸມສຸດຍອດອາຊີຕາເວັນອອກ.
ອາຊຽນໄດ້ມານະພະຍາຍາມສະແດງບົດບາດຂອງຕົນ, ຊ່ວຍໃຫ້ທຸກຝ່າຍທີ່ຄັດແຍ້ງກັນສັງເກດບັນຫາໄດ້ຢ່າງຖືກຕ້ອງ. ເຖິງຢ່າງໃດກໍໍ່ຕາມ, ບັນດາປະເທດຍັງບໍ່ທັນບັນລຸໄດ້ຄວາມເຫັນດີເຫັນພ້ອມກ່ຽວກັບບັນຫານີ້, ສະນັ້ນໃນຖະແຫຼງການລວມ ບໍ່ໄດ້ເຕື້ອງເຖິງ ຈີນ ຫຼາຍປານໃດ.
ບັນດາລະບອບລະບຽບການຢູ່ອາຊີຕາເວັນອອກສ່ຽງໃຕ້ສ່ອງແສງຄວາມເອົາໃຈ ໃສ່ຂອງບັນດາຝ່າຍແກ່ງແຍ້ງເປັນຫຼັກ. ອາຊຽນ ກໍ່ໄດ້ຮັບຮອງເອົາວິໄສທັດມະຫາສະໝຸດອິນເດຍ-ປາຊີຟິກ ແລະບັນດາຈຸດພົ້ນເດັ່ນສໍາຄັນແມ່ນຄວາມໝັ້ນຄົງທາງທະເລ ເຊິ່ງຈະຊ່ວຍໃຫ້ບັນດາປະເທດອາຊຽນຮ່ວມມືມີລັກສະນະສ້າງສັນກັບບັນດາປະເທດມະຫາອຳນາດ ພ້ອມກັນນັ້ນ ກໍ່ຮັບປະກັນການຮັກສາການຄ້າ, ການແລກປ່ຽນການຄ້າທາງທະເລ.
ອາເມລິກາ ພ້ອມກັບບັນດາປະເທດ Quad ໄດ້ເລີ່ມປຶກສາຫາລືກ່ຽວກັບສະຖາປັດຕະຍະກຳຄວາມໝັ້ນຄົງທາງທະເລ ແລະຈັດຕັ້ງເວທີປາໄສ Quad ຂັ້ນສູງສຸດເພື່ອແກ້ໄຂບັນດາບັນຫາທີ່ກ່ຽວຂ້ອງເຖິງທັດສະນະພະຍົດ ແລະ ຍຸດທະສາດມີລັກສະນະນາບຂູ່ຂອງຈີນ.
ໃນໄລຍະອິນເດຍດຳລົງຕຳແໜ່ງເປັນປະທານສະພາຄວາມໝັ້ນຄົງສະຫະປະຊາຊາດ, ບັນດາການໂອ້ລົມສົນທະນາ ແລະການເຈລະຈາພິເສດໄດ້ຈັດຂຶ້ນ, ໃນນັ້ນໄດ້ຍົກໃຫ້ເຫັນຄວາມໝັ້ນຄົງທາງທະເລ, ເຊິ່ງແມ່ນຄວາມສົນໃຈຂອງບັນດາປະເທດມະຫາອຳນາດ ແລະນາຍົກລັດຖະມົນຕີຫວຽດນາມ ໄດ້ຮຽກຮ້ອງບັນດາອົງການ, ລະບອບລະບຽບການສັງກັດສະຫະປະຊາຊາດຜັນຂະຫຍາຍສ້າງບັນດາຫຼັກເກນຮ່ວມມື ແລະປົກປັກຮັກສາຜົນປະໂຫຍດຂອງບັນດາປະເທດນ້ອຍກວ່າຢູ່ທະເລຕາເວັນອອກໃນສະພາບການພາກພື້ນປະຈຸບັນ.
ປື້ມເຫຼັ້ມນີ້ມີຈຸດປະສົງເພື່ອຍົກໃຫ້ເຫັນບັນດາເລື່ອງລາວປະຫວັດສາດທີ່ເລີ່ມຈາກຈີນ, ບັນດາປະເທດອາຊຽນ, ຍີ່ປຸ່ນ ແລະບັນດາຝ່າຍທີ່ກ່ຽວຂ້ອງ. ປຶ້ມເຫຼັ້ມນີ້ ກໍ່ເນັ້ນໜັກເຖິງຄວາມສົນໃຈໃໝ່ຂອງຈີນ ຕໍ່ທະເລຕາເວັນອອກແມ່ນບໍ່ມີພື້ນຖານກ່ຽວກັບປະຫວັດສາດຢ່າງແນ່ນອນ (ດັ່ງທີ່ໄດ້ສະແດງໃຫ້ເຫັນໃນແຜນທີ່ໃນປຶ້ມ) ແລະຍ້ອນເຫດນັ້ນທະເລຕາເວັນອອກ, ທະເລປະມົງໃຫຍ່ທີ 3 ໃນໂລກ ແລະມີແຫຼ່ງກໍາລັງແຮງສໍາຮອງໃຫຍ່ສຸດ, ສະນັ້ນ ໄດ້ຖືເປັນຈຸດພົ້ນເດັ່ນສໍາຄັນ ແລະເປັນເວທີສະແດງຂອງອໍານາດການເມືອງສາກົນໃນອະນາຄົດ.
ໄຊພອນ
