ຮຽກຮ້ອງສາຍການບິນ ຢຸດການຂາຍປີ້ເຮືອບິນພາຍໃນປະເທດ

	ຖ້ຽວບິນທຳອິດຈາກຫວຽດນາມ ໄປຍັງເອີຣົບ ປະສົບຜົນສຳເລັດໃນການທົດລອງໃຊ້ໜັງສືຜ່ານແດນສຸຂະພາບເອເລັກໂຕນິກ
	ລັດເຊຍ ຈະເຊື່ອມຕໍ່ສາຍການບິນສາກົນກັບປະເທດຫວຽດນາມ ຄືນໃໝ່ນັບແຕ່ວັນທີ 27 ມັງກອນ 2021 ຈະມາເຖິງ

ຕາມນັ້ນແລ້ວ, ກົມການບິນຫວຽດນາມ ໄດ້ຮຽກຮ້ອງໃຫ້ສາຍການບິນຫວຽດນາມ ຢຸດຂາຍປີ້ສຳຫຼັບເສັ້ນທາງພາຍໃນປະເທດ.

ສາຍການບິນ ມີຄວາມຮັບຜິດຊອບໃນການຄືນເງິນໃຫ້ກັບຜູ້ໂດຍສານ ຕາມຊ່ອງທາງທີ່ຜູ້ໂດຍສານໄດ້ຈ່າຍຄ່າປີ້ ສຳຫຼັບຖ້ຽວບິນພາຍໃນປະເທດ ນັບແຕ່ຫຼັງຈາກວັນທີ 21 ກໍລະກົດ 2021 ຈົນກວ່າຈະມີແຈ້ງການໃໝ່ເພີ່ມເຕີມ.

ຮຽກຮ້ອງສາຍການບິນ ຢຸດການຂາຍປີ້ເຮືອບິນພາຍໃນປະເທດ.

ຢຸດຕິການບໍລິການຖ້ຽວບິນໂດຍສານລະຫວ່າງ ເກີນເທິີ - ຮ່າໂນ້ຍ, ຝຸກ໋ວກ - ຮ່າໂນ້ຍ ແລະ ກົງກັນຂ້າມ. ເສັ້ນທາງບິນ ນະຄອນໂຮ່ຈີມິນ - ຮ່າໂນ້ຍ ແລະ ກົງກັນຂ້າມ ຫຼາຍສຸດ 2 ຖ້ຽວຕໍ່ມື້, ໄດ້ມອບໝາຍໃຫ້ສາຍການບິນ Vietnam Airlines ຂຸດຄົ້ນ.

ບໍ່ຈຳກັດບັນດາຖ້ຽວບິນຂົນສົ່ງສິນຄ້າ. ບັນດາຖ້ຽວບິນເພື່ອປ້ອງກັນການລະບາດ, ຮັບໃຊ້ປະຕິບັດວຽກຫຼວງ, ບັນດາສາຍການບິນ ໄດ້ວາງແຜນການບິນ ແລະ ລາຍງານໃຫ້ກົມການບິນຫວຽດນາມ ເພື່ອພິຈາລະນາ ແລະ ແກ້ໄຂເປັນແຕ່ລະກໍລະນີສະເພາະ.

ກົມການບິນຫວຽດນາມ ກໍ່ໄດ້ຮຽກຮ້ອງໃຫ້ເພີ່ມທະວີໃນການປ້ອງກັນການລະບາດຂອງພະຍາດໂຄວິດ -19, ຕ້ອງຮັບປະກັນ ຜູ້ໂດຍສານທັງໝົດໃນຖ້ຽວບິນລະຫວ່າງແຂວງ ແລະ ນະຄອນທີ່ພວມປະຕິບັດຄໍາສັ່ງ 16/CT-TTg ແລະ ຮ່າໂນ້ຍ ຕ້ອງມີໃບຢັ້ງຢືນການກວດເປັນລົບກັບເຊື້ອ SARS- CoV-2 ໂດຍວິທີ RT-PCR ຫຼື ການກວດວິເຄາະໄວທີ່ເປັນລົບ ຕາມຂໍ້ກຳນົດຂອງກະຊວງສາທາລະນະສຸກ.