ຕາມບັນດານັກຊ່ຽວຊານເຊັກໂກແລ້ວ, ຄວາມປອດໄພໃນການເດີນທະເລ ແມ່ນບັນຫາທົ່ວໂລກ ທີ່ໄດ້ດຶງດູດຄວາມສົນໃຈນັບມື້ນັບຫຼາຍຂຶ້ນ ຈາກປະຊາຄົມສາກົນ. ຄຳປາໄສ ຂອງທ່ານນາຍົກລັດຖະມົນຕີ ຟ້າມມີງຈິງ ໄດ້ສະແດງໃຫ້ເຫັນຢ່າງຈະແຈ້ງບົດບາດ ແລະ ຍົກທີ່ຕັ້ງຂອງຫວຽດນາມ ບົນເວທີສາກົນ, ປະກອບສ່ວນເຂົ້າໃນການປົກປັກຮັກສາ ແລະ ເພີ່ມທະວີຄວາໝັ້ນຄົງທາງທະເລ ເພື່ອສັນຕິພາບ, ສະຖຽນລະພາບ ແລະ ການພັດທະນາຢູ່ໃນພາກພື້ນ ແລະ ໃນໂລກ.
 |
| ທ່ານນາຍົກລັດຖະມົນຕີ ຟ້າມມີງຈິງ. |
ທ່ານ ປອ. Jan Hornat, ຜູ້ຊ່ຽວຊານກ່ຽວກັບມະຫາສະໝຸດອິນເດຍ - ປາຊີຟິກທີ່ມະຫາວິທະຍາໄລສັງລວມ Charles ກ່າວວ່າຄໍາປາໄສຂອງທ່ານນາຍົກລັດຖະມົນຕີ ຟ້າມມີງຈິງ ໄດ້ສະແດງໃຫ້ເຫັນວ່າ ຫວຽດນາມມີຄວາມເປັນເຈົ້າການ, ຕັ້ງໜ້າປະກອບສ່ວນເຂົ້າໃນການຮັບປະກັນຄວາມປອດໄພທາງທະເລ - ຫົວຂໍ້ທີ່ດຶງດູດຄວາມສົນໃຈຂອງປະຊາຄົມໂລກໃນປະຈຸບັນນີ້. ສິ່ງດັ່ງກ່າວ ໄດ້ຊ່ວຍຍົກສູງທີ່ຕັ້ງຂອງຫວຽດນາມ ບົນເວທີສາກົນ, ພິເສດແມ່ນຮັກສາຄວາມເປັນລະບຽບຮຽບຮ້ອຍຢູ່ເຂດທະເລສາກົນ ບົນພື້ນຖານສົນທິສັນຍາຂອງສະຫະປະຊາຊາດ ກ່ຽວກັບກົດໝາຍທະເລປີ 1982 (UNCLOS).
ນັກຂ່າວ Alex Svamberg, ຜູ້ຊ່ຽວຊານວິເຄາະກ່ຽວກັບບັນຫາຄວາມໝັ້ນຄົງໃນອາຊີ-ປາຊີຟິກ ຂອງໜັງສືພິມ Czech News ກ່າວວ່າ ຄໍາປາໄສຂອງທ່ານນາຍົກລັດຖະມົນຕີ ຟ້າມມີງຈິງ ທີ່ການສຳມະນາຂອງສະພາຄວານໝັ້ນຄົງສະຫະປະຊາຊາດ ໄດ້ສະແດງໃຫ້ເຫັນຫວຽດນາມ ມີຄວາມປາດຖະໜາຢາກຮັບປະກັນສະພາບແວດລ້ອມພາກພື້ນ ທີ່ມີສະຖຽນລະພາບ ແລະ ຢຸດຕິການກະທໍາລະເມີດກົດໝາຍສາກົນລຳພັງຝ່າຍດຽວຢູ່ທະເລຕາເວັນອອກ, ເຊິ່ງນີ້ບໍ່ພຽງແຕ່ເປັນບັນຫາທີ່ໜ້າເປັນຫ່ວງ ສໍາລັບຫວຽດນາມເທົ່ານັ້ນ, ແຕ່ຍັງແມ່ນສໍາລັບທົ່ວໂລກອີກດ້ວຍ.
ຕາມນັກຂ່າວ Alex Svamberg ແລ້ວ, EU ນັບມື້ນັບມີຄວາມສົນໃຈ ໃນການປະກອບສ່ວນຮັບປະກັນຄວາມເສລີໃນການເດີນທະເລ ຢູ່ທະເລຕາເວັນອອກ ເພາະວ່ານີ້ແມ່ນເສັ້ນທາງການຄ້າສາກົນທາງທະເລທີ່ສໍາຄັນ. ບັນດາຂໍ້ສະເໜີຢູ່ໃນຄຳປາໄສ ຂອງທ່ານນາຍົກລັດຖະມົນຕີ ຟ້າມມີງຈິງ ໄດ້ສະແດງໃຫ້ເຫັນວ່າ ແຜນນະໂຍບາຍຂອງຫວຽດນາມ ແມ່ນແກ້ໄຂບັນຫາທະເລຕາເວັນອອກ ໂດຍສັນຕິວິທີບົນພື້ນຖານກົດໝາຍສາກົນ, ເປັນຕົ້ນແມ່ນ UNCLOS-1982, ແລະ ຮັບຮອງເອົາວິທີການແກ້ໄຂຫຼາຍຝ່າຍ ເພື່ອຮັບປະກັນຄວາມເສລີໃນການເດີນທະເລ ແລະ ການເດີນອາກາດຢູ່ທະເລຕາເວັນອອກ ເພື່ອຄວາມ ສັນຕິພາບ, ສະຖຽນລະພາບ ແລະ ການພັດທະນາຢູ່ໃນພາກພື້ນ ແລະ ໃນໂລກ. ນີ້ແມ່ນວິທີການສສຳຜັດທີ່ໄດ້ຮັບການສະໜັບສະໜູນຈາກປະຊາຄົມສາກົນ.
ຄຳຮຸ່ງ
