ສະຫະພັນບັນດາສະມາຄົມມິດຕະພາບ

ມູນ​ຄ່າການ​ນໍາ​ເຂົ້າ ​ແລະສົ່ງ​ອອກຜະລິດ​ຕະພັນກະສິກຳ, ປ່າ​ໄມ້ ​ແລະສິນ​ໃນ​ນໍ້າຂອງຫວຽດນາມ ບັນລຸ​ຫຼາຍກວ່າ 53 ຕື້ໂດ​ລາສະຫະລັດ

06:00 | 06/08/2021

ໃນນັ້ນການ​ສົ່ງ​ອອກສິນຄ້າລວມມີ 28,6 ຕື້​ໂດ​ລາ​ສະຫະລັດ, ​ເພີ່ມ​ຂຶ້ນ 26,7% ເມື່ອທຽບ​ໃສ່ກັບໄລຍະ​ດຽວ​ກັນ​ເມື່ອປີ​ກາຍນີ້, ການ​ນຳ​ເຂົ້າ 24,7 ຕື້​ໂດ​ລາ​ສະຫະລັດ, ​ເຮັດ​ໃຫ້ຫວຽດນາມ ​ໄດ້​ປຽບດຸນ​ການ​ຄ້າໃນ​ດ້ານ​ນີ້​ປະມານ 3,9 ຕື້ໂດ​ລາ​ສະຫະລັດ.

ສ້າງ​ເງື່ອນ​ໄຂ​ສະ​ດວ​ກ​ເພື່ອ​ສົ່ງ​ອອກ​ໝາກ​ໄມ້​ສົດ​ ແລະ ບັນ​ດາ​ຜະ​ລິດ​ຕະ​ພັນ​ປຸງ​ແຕ່ງ​ຈາກ​ໝາກ​ໄມ້ ຂອງ ຫວຽດ​ນາມ ໄປ​ຍັງ ສ.ເກົາຫຼີ ສ້າງ​ເງື່ອນ​ໄຂ​ສະ​ດວ​ກ​ເພື່ອ​ສົ່ງ​ອອກ​ໝາກ​ໄມ້​ສົດ​ ແລະ ບັນ​ດາ​ຜະ​ລິດ​ຕະ​ພັນ​ປຸງ​ແຕ່ງ​ຈາກ​ໝາກ​ໄມ້ ຂອງ ຫວຽດ​ນາມ ໄປ​ຍັງ ສ.ເກົາຫຼີ
ບົດ​ບາດ​ຂອງ​ເຕັກ​ໂນ​ໂລ​ຢີ​ຂໍ້​ມູນ​ຂ່າວ​ສານ​ສຳ​ລັບ​ວຽກ​ງານ​ການ​ທູດ​ປະ​ຊາ​ຊົນ​ໃນ​ສະ​ພາບ​ການ​ເກີດ​ໂລກ​ລະ​ບາດ​ໂຄວິດ - 19 ບົດ​ບາດ​ຂອງ​ເຕັກ​ໂນ​ໂລ​ຢີ​ຂໍ້​ມູນ​ຂ່າວ​ສານ​ສຳ​ລັບ​ວຽກ​ງານ​ການ​ທູດ​ປະ​ຊາ​ຊົນ​ໃນ​ສະ​ພາບ​ການ​ເກີດ​ໂລກ​ລະ​ບາດ​ໂຄວິດ - 19

ຕາມກະຊວງ​ກະສິກຳ ​ແລະພັດທະນາຊົນນະບົດ ​ຫວຽດນາມ ແລ້ວ, ໃນ​ໄລຍະ 7 ​ເດືອນ​ຜ່ານມາ, ມູນ​ຄ່າການ​ນໍາ​ເຂົ້າ ​ແລະສົ່ງ​ອອກຜະລິດ​ຕະພັນກະສິກຳ, ປ່າ​ໄມ້ ​ແລະສິນ​ໃນ​ນໍ້າຂອງຫວຽດນາມ ບັນລຸ​ຫຼາຍກວ່າ 53,2 ຕື້ໂດ​ລາສະຫະລັດ. ​ ໂດຍສະເພາະຜະລິດ​ຕະພັນທີ່​ມີ​ມູນ​ຄ່າສົ່ງ​ອອກ​ເພີ່ມ​ຂຶ້ນ, ​ເຊັ່ນ: ຢາ​ງພາລາ, ພືດຜັກ, ໝາກ​ໄມ້, ພິກ​ໄທ, ​​ໝາກມ່ວງຫິມະພານ, ຜະລິດ​ຕະພັນຈາກ​ສັດລ້ຽງ ​ແລະອື່ນໆໄດ້​ເພີ່ມ​ຂຶ້ນທັງ​ໃນ​ດ້ານປະລິມານ ​ແລະມູນ​ຄ່າການ​ສົ່ງ​ອອກ. ສ່ວນ​ຕະຫຼາດສົ່ງ​ອອກ​ທີ່​ໃຫຍ່ທີ່​ສຸດ​ຂອງຫວຽດນາມ, ຄື: ສ.ອາ​ເມ​ລິ​ກາ ​ໂດຍ​ມີ​ມູນ​ຄ່າການ​ສົ່ງ​ອອກຫຼາຍກວ່າ 8,2 ຕື້ໂດ​ລາສະຫະລັດ ຖັດມາ​ແມ່ນ ຈີນ ​ແລະຍີ່ປຸ່ນ.

ພາບປະກອບ
ພາບປະກອບ

ວັນທີ 26 ພຶດສະພາ, ໝາກລິ້ນຈີ່ ຂອງເມືອງ ເຕີນອຽນ ແຂວງ ບັກຢາງ ປະມານ 20 ໂຕນໄດ້ສົ່ງໄປຍັງ ຍີ່ປຸ່ນ. ເພື່ອແຊກຊຶມເຂົ້າຕະຫລາດທີ່ເຄັ່ງຄັດກັບຄຸນນະພາບສິນຄ້າຄື ຕະຫລາດຍີ່ປຸ່ນ, ຕ້ອງປະຕິບັດວຽກງານຮັບປະກັນຄວາມປອດໄພກ່ຽວກັບໂລກລະບາດ, ຫລັກອະນາໄມຄວາມປອດໄພດ້ານສະບຽງອາຫານ ແລະ ບັນດາເງື່ອນໄຂຈຳເປັນ. ວັນທີ 25 ພຶດສະພາ, ໝາກມ່ວງຂອງເມືອງ ເມື່ອງລາ ແຂວງ ເຊີນລາ ປະມານ 60 ໂຕນ ໄດ້ສົ່ງໄປຍັງຕະຫລາດຈີນ. ນີ້ແມ່ນສັນຍານທີ່ເປັນຫນ້າຊື່ນຊົມ, ສະແດງໃຫ້ເຫັນຄວາມຕັດສິນໃຈສູງຂອງທັງການນຳກະຊວງ, ຂະແຫນງການ, ທ້ອງຖິ່ນ ແລະ ພໍ່ແມ່ປະຊາຊົນຊາວກະສິກອນ.

ຍ້ອນຜົນສະທ້ອນຈາກໂລກລະບາດໂຄວິດ 19, ຫລາຍທ້ອງຖິ່ນຢູ່ ຫວຽດນາມ ພວມປະຕິບັດການປິດເມືອງ ຫລື ແຍກຫ່າງສັງຄົມ ອັນໄດ້ເຮັດໃຫ້ການຈຳຫນ່າຍ, ສົ່ງອອກຜະລິດຕະພັນກະເສດປະສົບກັບຄວາມຫຍຸ້ງຍາກ. ຕໍ່ຫນ້າສະພາບການດັ່ງກ່າວ, ກະຊວງອຸດສາຫະກຳ ພ້ອມກັບບັນດາທ້ອງຖິ່ນໄດ້ຂຶ້ນແຜນແກ້ໄຂຄວາມຫຍຸ້ງຍາກ, ຫນູນຊ່ວຍປະຊາຊົນ, ວິສາຫະກິດ, ຈຳຫນ່າຍ, ສົ່ງອອກຜະລິດຕະພັນກະເສດໃຫ້ມີຄວາມສະດວກ.

ໂລກລະບາດໂຄວິດ 19 ພວມສົ່ງຜົນກະທົບຢ່າງແຮງເຖິງການເຄື່ອນໄຫວຜະລິດດຳເນີນທຸລະກິດ ແລະ ຈຳຫນ່າຍຜະລິດຕະພັນກະເສດຢູ່ພາຍໃນ ແລະ ການສົ່ງອອກ ແຕ່ກໍ່ແມ່ນໂອກາດເພື່ອໃຫ້ທັງ ຜູ້ຜະລິດ ແລະ ວິສາຫະກິດ ຊອກຫາວິທີການສຳຜັດໃຫມ່ກັບລູກຄ້າ. ໃນໄລຍະຍາວ, ສິ່ງນີ້ກໍ່ນຳມາເຊິ່ງຄຸນຄ່າຫລາຍຢ່າງໃຫ້ແກ່ພື້ນຖານກະສິກຳ ຫວຽດນາມ. ດ້ວຍການສົມທົບຈາກບັນດກະຊວງ, ຂະແຫນງການ, ທ້ອງຖິ່ນ, ບັນດາປະເພດສິນຄ້າຜະລິດຕະພັນກະເສດຂອງຫວຽດນາມ ໄດ້ ແລະ ພວມສົ່ງເຖິງຜູ້ບໍລິໂພກພາຍໃນ ແລະ ຕ່າງປະເທດ. ນີ້ກໍ່ແມ່ນສິ່ງທີ່ພິສູດໃຫ້ເຫັນປະສິດທິດຜົນໃນການປະຕິບັດ ເປົ້າໝາຍຄວບຄູ່ ທັງປ້ອງກັນສະກັດກັ້ນໂລກລະບາດ ທັງພັດທະນາເສດຖະກິດ ຕາມການຊີ້ນຳຂອງລັດຖະບານ.

ໄຊພອນ

ເຫດການ