| ເພີ່ມທະວີກຳລັງຄວບຄຸມ, ປ້ອງກັນຊາຍແດນເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 | |
| ຫວຽດນາມໜູນຊ່ວຍ ອຸປະກອນການແພດເພື່ອປ້ອງກັນສະກັດກັ້ນ ໂລກລະບາດໂຄວິດ - 19 ໃຫ້ແກ່ມຽນມາ |
 |
| ທ່ານ ໂດວັນຈຽນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ |
ດ້ວຍເງິນອຸປະຖຳ 115 ຕື້ດົ່ງ ຈາກໂຄງການສົ່ງຂໍ້ຄວາມອຸປະຖຳ, 8.082 ຕື້ດົ່ງຈາກກອງທຶນວັກຊິນກັນໂຄວິດ - 19 ແລະ ແຫຼ່ງງົບປະມານຈາກລັດຖະບານ, ຫວຽດນາມ ມີແຫຼ່ງກຳລັງດ້ານການເງິນຢ່າງພຽງພໍເພື່ອປະຕິບັດບັ້ນຍຸດທະສາດສັກວັກຊິນກັນໂຄວິດ - 19 150 ລ້ານໂດສ ໃຫ້ແກ່ປະຊາຊົນ.
ຂໍ້ມູນດັ່ງກ່າວ ໂດຍທ່ານ ໂດວັນຈຽນ - ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຍົກອອກມາຢູ່ພິທີປະກາດບັ້ນນຳໃຊ້ງົບປະມານຜ່ານການສົ່ງຂໍ້ຄວາມສະໜັບສະໜູນການປ້ອງກັນ, ຕ້ານໂລກລະບາດໂຄວິດ - 19 ຄັ້ງທີ 1 ທີ່ໄດ້ຈັດຂຶ້ນໃນວັນທີ 13 ກໍລະກົດ ຢູ່ຮ່າໂນ້ຍ.
ຕົ້ນເດືອນມິຖຸນາ 2021, ຄະນະກຳມະການສູນກາງແນວໂຮມປະເທດຊາດ ຫວຽດນາມ, ສະຫະພັນໃຫຍ່ແຮງງານ ຫວຽດນາມ, ກະຊວງຖະແຫຼງຂ່າວ - ການສື່ສານ ໄດ້ສົມທົບກັນຈັດຕັ້ງການລະດົມໂຄງການສົ່ງຂໍ້ຄວາມ “ທົ່ວປວງຊົນສະໜັບສະໜູນການປ້ອງກັນ, ຕ້ານໂລກລະບາດໂຄວິດ - 19” ໃນປະຕູຖານຂໍ້ມູນເອເລັກໂຕນິກມະນຸດສະທຳແຫ່ງຊາດ 1408.
ມາຮອດວັນທີ 13 ກໍລະກົດ, ພາຍຫຼັງຜັນຂະຫຍາຍມາເປັນເວລາ 40 ວັນ, ໂຄງການຮັບໄດ້ຂໍ້ຄວາມ 2,5 ລ້ານຂໍ້ຄວາມ, ດ້ວຍຍອດເງິນອຸປະຖຳໃຫ້ກອງທຶນວັກຊິນກັນໂຄວິດ - 19 ຂອງລັດຖະບານ ແມ່ນ 115 ຕື້ດົ່ງ.
ຕາມທ່ານ ໂດວັນຈຽນ ແລ້ວ, ພາຍໃຕ້ວິວັດການຕິດຕາມກວດກາຂອງແນວໂຮມປະເທດຊາດ ຫວຽດນາມ ແລະ ບັນດາອົງການສະມາຊິກແລ້ວ, ຈຳນວນເງິນນີ້ຈະໄດ້ຮັບການນຳໃຊ້ຢ່າງໂປງໃສ, ເປີດເຜີຍ, ຮັບປະກັນໃຫ້ປະຊາຊົນໝົດທຸກຄົນລ້ວນແຕ່ມີໂອກາດສຳຜັດກັບວັກຊິນຢ່າງສະເໝີພາບ.
ຕາງໜ້າຄະນະຈັດຕັ້ງໂຄງການ, ທ່ານ ໂດວັນຈຽນ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ບັນດາຜູ້ໃຈບຸນໃຈ ກຸສົນ, ວິສາຫະກິດ, ພໍ່ແມ່ປະຊາຊົນພາຍໃນປະເທດ, ຊາວຫວຽດນາມ ອາໄສຢູ່ຕ່າງປະເທດ ແລະ ຊາວຕ່າງປະເທດທີ່ພວມດຳລົງຊີວິດຢູ່ ຫວຽດນາມ ທີ່ໄດ້ອຸປະຖຳເງິນໃຫ້ແກ່ກອງທຶນວັກຊິນກັນໂຄວິດ - 19 ຂອງ ຫວຽດນາມ.
ບຸນຄົງ
