| ຫວຽດນາມ ໄດ້ຮັບການຕີລາຄາຈາກຫາງສຽງສາກົນວ່າໄດ້ ແລະພວມປະຕິບັດໜ້າທີ່ສຳຄັນປະທານອາຊຽນ ເປັນຢ່າງດີ | |
| ສ.ເກົາຫຼີ ໄດ້ຕີລາຄາສູງ ຫວຽດນາມ ທີ່ໄດ້ຄວບຄຸມການລະບາດຂອງພະຍາດ Covid-19 ເປັນຢ່າງດີ |
 |
| ສານຂອງທ່ານ Sudo Kazunori ຜູ້ອຳນວຍການໃຫຍ່ Hitachi Asia Vietnam. ພາບ: ສໍານັກຂ່າວສານຫວຽດນາມ. |
ເມື່ອຕອບສໍາພາດຕໍ່ນັກຂ່າວສໍານັກຂ່າວສານຫວຽດນາມ ກ່ຽວກັບວຽກງານປ້ອງກັນ, ຕ້ານພະຍາດໂຄວິດ-19 ຢູ່ສໍານັກງານ ແລະໂຮງງານຜະລິດຂອງ Hitachi ຢູ່ຫວຽດນາມ, ທ່ານ Sudo Kazunori ຖືວ່າ ພະຍາດໂຄວິດ-19 ໄດ້ກໍ່ຄວາມຫຍຸ້ງຍາກ, ສິ່ງທ້າທາຍບໍ່ແມ່ນໜ້ອຍໃຫ້ພື້ນຖານເສດຖະກິດໃນໂລກ, ໃນນັ້ນມີຫວຽດນາມ.
ຄຽງຂ້າງຕີລາຄາສູງມາດຕະການທີ່ມີໄຫວພິບຂອງຫວຽດນາມ ໃນການປ້ອງກັນ, ຕ້ານພະຍາດໂຄວິດ-19, ທ່ານ Sudo Kazunori ກໍ່ຖືວ່າ ໃນ 6 ເດືອນຕົ້ນປີ, ພື້ນຖານເສດຖະກິດຫວຽດນາມ ບັນລຸລະດັບເຕີບໂຕ 5,64%, ຕົວເລກນີ້ສະແດງໃຫ້ເຫັນການກໍານົດທິດຢ່າງຖືກຕ້ອງຂອງລັດຖະບານນັ້ນແມ່ນປະຕິບັດ “ເປົ້າໝາຍຄວບຄູ່”, ທັງປ້ອງກັນ, ຕ້ານພະຍາດໂຄວິດ-19, ປົກປ້ອງສຸຂະພາບຂອງປະຊາຊົນ, ທັງຟື້ນຟູ ແລະພັດທະນາເສດຖະກິດຂອງລັດຖະບານຫວຽດນາມ.
ຕາມທ່ານ Sudo Kazunori ແລ້ວ, ເພື່ອປະກອບສ່ວນປະຕິບັດ “ເປົ້າໝາຍຄວບຄູ່” ຂອງລັດຖະບານຫວຽດນາມ, ບັນດາຫົວໜ່ວຍ Hitachi ໄດ້ນໍາໃຊ້ມາດຕະການປ້ອງກັນ, ຕ້ານພະຍາດໂຄວິດ-19 ຢ່າງເຂັ້ມງວດ, ຄື ປະຕິບັດ 5K, ເຮັດວຽກທາງອອນລາຍເມື່ອຮັກສາໄລຍະຫ່າງທາງສັງຄົມ, ຫຼຸດເວລາເຮັດວຽກ, ແບ່ງເຄິ່ງຈຳນວນຄົນເຮັດວຽກຢູ່ໂຮງງານ, ກວດຄັດກອງ, ແຈ້ງອາກາດສຸຂະພາບ.
ເມື່ອເຕື້ອງເຖິງເລື່ອງຫວຽດນາມ ຮຽກຮ້ອງບຸກຄົນ ແລະອົງການຈັດຕັ້ງບໍລິຈາກເງິນໃຫ້ກອງທຶນວັກຊິນປ້ອງກັນ, ຕ້ານໂຄວິດ-19, ທ່ານ Sudo Kazunori ກ່າວວ່າ Hitachi ຕີລາຄາສູງແຜນນະໂຍບາຍທີ່ຖືກຕ້ອງ ແລະຄວາມມານະພະຍາຍາມຂອງລັດຖະບານຫວຽດນາມ, ໃນເງື່ອນໄຂເສດຖະກິດຍັງປະສົບກັບຄວາມຫຍຸ້ງຍາກກວ່າຫຼາຍປະເທດອື່ນ, ແຕ່ໄດ້ ແລະພວມຕັດສິນໃຈປະຕິບັດຍຸດທະສາດວັກຊິນ, ມຸ່ງໄປເຖິງເປົ້າໝາຍຮັບປະກັນພູມຄຸ້ມກັນຂອງຮ່າງກາຍໃນປະຊາຄົມ-ມາດຕະການທີ່ມີປະສິດທິຜົນເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ນັບມື້ນັບອັນຕະລາຍກວ່າ. ຕາມທ່ານ Sudo Kazunori ແລ້ວ, ໂດຍສະໜັບສະໜູນຂໍ້ລິເລີ່ມນີ້ຂອງລັດຖະບານຫວຽດນາມ, ກຸ່ມບໍລິສັດ Hitachi ຄາດຄະເນວ່າຈະບໍລິຈາກເງິນເກືອບ 849 ລ້ານດົ່ງໃຫ້ກອງທຶນວັກຊິນປ້ອງກັນ, ຕ້ານໂຄວິດ-19.
la.qdnd.vn
