ຕ່າມສຳນັກຂ່າວສານຫວຽດນາມ ປະຈຳລາວ, ໃນວັນທີ 25 ຕຸລານີ້, ຢູ່ນະຄອນຫຼວງວຽງຈັນ, ສະຖານທູດຫວຽດນາມ ປະຈຳລາວ ໄດ້ຈັດຕັ້ງການບໍລິຈາກເງິນເພື່ອສະໜັບສະໜູນປະຊາຊົນພາກກາງຫວຽດນາມ ເຊິ່ງຖືກຮັບຜົນສະທ້ອນຢ່າງໜັກໜ່ວງທີ່ສຸດໃນປະຫວັດສາດຈາກໄພນ້ຳຖ້ວມໃນຊຸມມື້ທີ່ຜ່ານມາ.
ເຂົ້າຮ່ວມເຫດການລະດົມບໍລິຈາກເງິນ ມີຊາວຫວຽດນາມອາໄສຢູ່ປະເທດລາວ ເປັນຈຳນວນຫຼວງຫຼາຍ ທີ່ດຳລົງຊີວິດຢູ່ນະຄອນຫຼວງວຽງຈັນ, ບັນດາວິສາຫະກິດຫວຽດນາມ ທີ່ດຳເນີນທຸລະກິດຢູ່ລາວ, ພະນັກງານສະຖານທູດ ແລະ ບັນດາຫ້ອງການໃກ້ຄຽງກັບສະຖານທູດຫວຽດນາມ ປະຈຳ ສປປລາວ.
 |
| ການບໍລິຈາກເງິນ ເພື່ອສະໜັບສະໜູນປະຊາຊົນພາກກາງຫວຽດນາມ ທີ່ຖືກຮັບຜົນກະທົບຈາກໄພນ້ຳຖ້ວມ. (ພາບ: TTXVN) |
ກ່າວຄຳເຫັນທີ່ການລະດົມບໍລິຈາກເງິນ, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນບາຮຸ່ງ ໄດ້ຕີລາຄາສູງການສະໜັບສະໜູນຢ່າງສຸດຈິດສຸດໃຈ ຂອງປະຊາຄົມຊາວຫວຽດນາມອາໄສຢູ່ລາວ ໃນຊຸມວັນຜ່ານມາ ຕໍ່ໜ້າຄວາມຫຍຸ້ງຍາກຂອງປະຊາຊົນພາກກາງຫວຽດນາມ. ທ່ານເອກອັກຄະລັດຖະທູດ ຫງວຽນບາຮຸ່ງ ໄດ້ຢັ້ງຢືນວ່ານີ້ແມ່ນວຽກງານທີ່ສະແດງໃຫ້ເຫັນມູນເຊື້ອຮີດຄອງປະເພນີມິດຕະພາບ, ຄວາມຮັກແພງ ແລະ ຄວາມດີງາມຂອງຈິດໃຈມູນເຊື້ອຮັກແພງຊ່ວຍເຫຼືອເຊິ່ງກັນ ແລະ ກັນ ຂອງປະຊາຊົນຫວຽດນາມ.
ທ່ານເອກອັກຄະລັດຖະທູດ ຫງວຽນບາຮຸ່ງ ໄດ້ສະແດງຄວາມຂອບໃຈ ຕໍ່ບັນດາພະນັກງານ, ລັດຖະກອນ ທີ່ບັນດາອົງການຈັດຕັ້ງ ແລະ ຊາວຫວຽດນາມອາໄສຢູ່ປະເທດລາວ ທີ່ດຳລົງຊີວິດ ແລະ ດຳເນີນທຸລະກິດຢູ່ລາວ ທີ່ໄດ້ປະກອບສ່ວນສະໜັບສະໜູນປະຊາຊົນພາກກາງຫວຽດນາມ; ພ້ອມດຽວກັນນີ້, ທ່ານ ຫງວຽນບາຮຸ່ງ ຍັງໄດ້ຢືນຢັນວ່າ ທາງສະຖານທູດຈະໂອນເງິນທັງໝົດທີ່ໄດ້ຮັບໃນມື້ນີ້ ກັບຄືນປະເທດ ເພື່ອສົ່ງໄປໃຫ້ບັນດາຄອບຄົວທີ່ໄດ້ຮັບຜົນກະທົບຈາກໄພນໍ້າຖ້ວມ.
ກິດຈະກຳລະດົມບໍລິຈາກເງິນ ເພື່ອສະໜັບສະໜູນປະຊາຊົນໃນເຂດພາກກາງ ທີ່ປະສົບກັບໄພພິບັດທາງທຳມະຊາດ ດັ່ງກ່າວ ໂດຍໄດ້ຮັບການສະໜັບສະໜູນຢ່າງແຮງຈາກປະຊາຄົມຊາວຫວຽດນາມທີ່ດຳລົງຊີວິດ ແລະ ເຮັດທຸລະກິດຢູ່ນະຄອນຫຼວງວຽງຈັນ, ພະນັກງານຂອງສະຖານທູດ ແລະ ບັນດາອົງການຕາງໜ້າຂອງຫວຽດນາມ ປະຈຳລາວ, ກໍ່ຄືບັນດາວິສາຫະກິດຫວຽດນາມ ທີ່ດຳເນີນທຸລະກິດຢູ່ລາວ. ພາຍຫຼັງພຽງ 1 ຊົ່ວໂມງຂອງການເປີດລະດົມບໍລິຈາກໃນພິທີ ໃນວັນທີ 25 ຕຸລາ, ຈຳນວນເງິນທີ່ໄດ້ຍົກມາແມ່ນຫຼາຍກ່ວາ 750 ລ້ານດົງ.
 | ວິສາຫະກິດຫວຽດນາມ ເປີດກວ້າງການດໍາເນີນທຸລະກິດຢູ່ຕະຫຼາດກໍາປູເຈຍ ຕອນເຊົ້າວັນທີ 24 ຕຸລາ, ຢູ່ນະຄອນຫຼວງພະນົມເປັນ, ບໍລິສັດບິ່ງຕຽນ ຈຳກັດ (BITI’S) ໄດ້ເປີດຮ້ານຄ້າແນະນໍາ ແລະຂາຍຜະລິດຕະພັນຕື່ມອີກຮ້ານໜຶ່ງ ຢູ່ລາຊະອານາຈັກກໍາປູເຈຍ. ທ່ານ ຫວູກວາງມີງ ເອກອັກຄະລັດຖະທູດຫວຽດນາມ ປະຈໍາ ກໍາປູເຈຍ ພ້ອມກັບຜູ້ຕາງໜ້າອຳນາດການປົກຄອງ ແລະວິສາຫະກິດໃນບໍລິເວນໄດ້ເຂົ້າຮ່ວມເຫດການດັ່ງກ່າວ. |
 | ຫວຽດນາມ ໄດ້ຖືເປັນສຳຄັນ ແລະ ຫວັງວ່າຈະມີການຮ່ວມມືຢ່າງແໜ້ນແຟ້ນກັບ ສະຫະປະຊາຊາດ ຍສໝ - ຫວຽດນາມ ຖືເປັນສຳຄັນການພົວພັນກັບສະຫະປະຊາຊາດ ແລະ ຫວັງວ່າການຮ່ວມມືລະຫວ່າງຫວຽດນາມ ແລະ ສະຫະປະຊາຊາດ ຈະສືບຕໍ່ພັດທະນາຢ່າງແຮງ ແລະ ມີປະສິດທິຜົນໃນໄລຍະຈະມາເຖິງ. |
 | ການນຳປະເທດຈີນ ແລະ ສິງກະໂປ ໄດ້ສົ່ງໂທລະເລກຖາມຂ່າວກ່ຽວກັບສະຖານະການພາຍຸຢູ່ພາກກາງຫວຽດນາມ ຍສໝ - ໂດຍໄດ້ຮັບຂ່າວບັນດາແຂວງພາກກາງຫວຽດນາມ ຖືກຮັບຜົນສະທ້ອນຢ່າງໜັກໜວ່ງເນື່ອງຈາກພາຍຸ, ການນຳ ປະເທດຈີນ ແລະ ສິງກະໂປ ໄດ້ສົ່ງໂທລະເລກຖາມຂ່າວມາຍັງບັນດາການນຳປະເທດຫວຽດນາມ. |
ຄຳຮຸ່ງ
