 |
| ໜັງສືພິມອາເມລິກາ The Diplomat ໄດ້ຄັດສະເໜີຂໍ້ມູນຂ່າວຂອງກະຊວງການຕ່າງປະເທດຫວຽດນາມ ໃຫ້ຮູ້ວ່າ ວັນທີ 7 ເມສາ ຫວຽດນາມ ໄດ້ມອບຜ້າອັດປາກ 550.000 ອັນໃຫ້ແກ່ 5 ປະເທດເອີລົບ.(ພາບ:TTXVN) |
ໜັງສືພິມ The Diplomat ກໍ່ຄັດສະເໜີຄໍາເວົ້າຂອງທ່ານ ໂຕແອັງຢູງ ຮອງລັດຖະມົນຕີການຕ່າງປະເທດຫວຽດນາມ ທີ່ກ່າວຄໍາເຫັນຢູ່ພິທີມອບ-ຮັບດັ່ງກ່າວວ່າກອງຊ່ວຍເຫຼືອນີ້ໄດ້ສະແດງໃຫ້ເຫັນທັດສະນະຂອງຫວຽດນາມ ທີ່ຖືການເພີ່ມທະວີການຮ່ວມມື ແລະຄວາມສາມັກຄີສາກົນແມ່ນປັດໄຈສໍາຄັນໜຶ່ງເພື່ອຊ່ວຍຫຼຸດຜ່ອນຜົນຮ້າຍຂອງໂຄວິດ-19. ຕາມໜັງສືພິມດັ່ງກ່າວແລ້ວ, ນີ້ແມ່ນບັນດາຜ້າອັດປາກຂ້າເຊື້ອ ແລະໄດ້ມອບໃຫ້ເອກອັກຄະລັດຖະທູດບັນດາປະເທດ: ຝະລັ່ງ, ເຢຍລະມັນ, ອີຕາລີ, ແອັດສະປາຍ ແລະອັງກິດ ຢູ່ຮ່າໂນ້ຍ.
ນັກຂ່າວ Prashanth ຕີລາຄາການຊ່ວຍເຫຼືອນີ້ແມ່ນສອດຄ່ອງກັບນະໂຍບາຍການພົວພັນທາງການທູດທີ່ກວ້າງກວ່າຂອງຫວຽດນາມ ໃນສະພາບການໂຄວິດ-19 ພວມແຜ່ລະບາດໃນໂລກ. ນັກຂ່າວໃຫ້ຮູ້ວ່າ ຫວຽດນາມ ໄດ້ຊ່ວຍເຫຼືອໃຫ້ແກ່ບັນດາປະເທດອື່ນອີກຄືບັນດາປະເທດບ້ານໃກ້ເຮືອນຄຽງລາວ ແລະ ກໍາປູເຈຍ.
ກ່າວຄຳເຫັນໃນວັນທີ 08 ເມສາ, ໃນກອງປະຊຸມຖະແຫຼງຂ່າວທາງອອນລາຍ ຈາກ ແດນມາກ, ທ່ານ Hans Kluge ໄດ້ປຽບທຽບການຕໍ່ສູ້ຕ້ານໂຄວິດ-19 ພວມດຳເນີນຢູ່ພາກພື້ນ ເອີຣົບ ຄ້າຍຄືກັນກັບການແຂ່ງຂັນໃນໄລຍະຍາວ, ທ່ານເນັ້ນໜັກວ່າ: ປັດຈຸບັນຍັງບໍ່ທັນແມ່ນຈຸດເວລາທີ່ຈະລະເລີຍ, ຂາດສະຕິ ລະວັງຕົວ ກໍ່ຄືບັນດາມາດຕະການປ້ອງກັນ, ສະກັດກັ້ນໂລກລະບາດ.
ທ່ານ Hans Kluge ໄດ້ຮຽກຮ້ອງບັນດາປະເທດທັງໝົດ ຈົ່ງໝູນໃຊ້ທັງ 3 ວິທີການສຳຜັດ ເພີ່ມສ້າງກຳລັງແຮງໃຫ້ແກ່ການຕໍ່ສູ້, ຄວບຄຸມໂຄວິດ-19. ນັ້ນແມ່ນ ປົກປ້ອງຖັນແຖວພາລະກອນການແພດຢູ່ທຸກຂັ້ນ; ກຳນົດ ແລະ ດັບສູນແຫຼ່ງຕິດແປດ ເພື່ອຈຳກັດການແຜ່ລະບາດ, ດຳເນີນການກັກກັນບັນດາກໍລະນີທີ່ສົງໄສຕິດເຊື້ອ; ລັດຖະບານບັນດາປະເທດ ຄວນຮັກສາພາລະໜ້າທີ່ ແລະ ໂຄງປະກອບການບັນຊາ ແລະ ຄວບຄຸມໂລກລະບາດ.
| ໄລ່ຮອດຕອນເຊົ້າວັນທີ 09 ເມສາ, ຕາມເວລາ ຫວຽດນາມ, ຍອດຈຳນວນຜູ້ຕິດເຊື້ອໂຄວິດ-19 ໃນທົ່ວໂລກ ໄດ້ຂຶ້ນເຖິງ 1.507.800 ຄົນ, ເພີ່ມຂຶ້ນ 76.865 ຄົນເມື່ອທຽບໃສ່ກັບວັນທີ 08 ເມສາ. ຈຳນວນຜູ້ເສຍຊີວິດຍ້ອນໂຄວິດ-19 ແມ່ນ 88.165 ຄົນ, ເພີ່ມຂຶ້ນ 6.129 ຄົນເມື່ອທຽບໃສ່ວັນທີ 08 ເມສາ. ໃນນັ້ນ ປະເທດອາເມລິກາ ມີຜູ້ຕິດເຊື້ອໂຄວິດ-19 ຫຼາຍກວ່າໝູ່ ແມ່ນ 426.300 ຄົນ, ເພີ່ມຂຶ້ນ 25.965 ຄົນ ເມື່ອທຽບໃສ່ວັນທີ 08 ເມສາ, ຈຳນວນຜູ້ເສຍຊີວິດໃນວັນທີ 08 ເມສາ ແມ່ນ 1.781 ຄົນ ແລະ ຈຳນວນຜູ້ພວມໄດ້ຮັບການປິ່ນປົວແມ່ນ 389.445 ຄົນ. |
 | ໜັງສືພິມຕ່າງປະເທດໄດ້ຍ້ອງຍໍຫວຽດນາມທີ່ປະສົບຜົນສຳເລັດໃນການສະກັດກັ້ນການລະບາດຂອງໂລກລະບາດ Covid-19 ຍສໝ - ໃນຊ່ວງເວລາເກີດການລະບາດຂອງໂລກລະບາດ Covid-19, ອັດຕາການຕິດເຊື້ອໃນຫວຽດນາມແມ່ນຕໍ່າກວ່າປະເທດອື່ນໆໃນພາກພື້ນຍົກເວັ້ນມຽນມາ ແລະ ລາວ. |
 | ໜັງສືພິມລັດເຊຍ ຖືຫວຽດນາມແມ່ນແບບຢ່າງໃນການຄວບຄຸມໂລກລະບາດພະຍາດ COVID-19 ຍສໝ - ບົດຂຽນທີ່ລົງໃນເວບ zen.yandex.ru ຂອງລັດເຊຍ, ເຊິ່ງໄດ້ຕີລາຄາວ່າ ຫວຽດນາມ ເປັນ“ ແບບຢ່າງ” ກ່ຽວກັບວິທີການປ້ອງກັນ ແລະ ຕ້ານການຕິດເຊື້ອພະຍາດ COVID-19 ເຖິງວ່າເງື່ອນໄຂຍັງມີຄວາມຈໍາກັດ. |
 | ໜັງສືພິມຂອງເຢຍລະມັນ ຍ້ອງຍໍຊົມເຊີຍຍຸດທະສາດປ້ອງກັນ, ສະກັດກັ້ນໂລກລະບາດCovid– 19 ຢ່າງມີປະສິດທິຜົນຂອງຫວຽດນາມ ຍສໝ - ບົດຂຽນໄດ້ເຕື້ອງເຖິງບັນດາມາດຕະການປ້ອງກັນ, ສະກັດກັ້ນໂລກລະບາດຂອງຫວຽດນາມເລີ່ມແຕ່ທຳອິດຈົນເຖິງປັດຈຸບັດ. |
ໄຊພອນ
