| ຫວຽດນາມ ພວມຍາດຢ່າງກາລະໂອກາດຈາກສັນຍາ EVFTA ໄດ້ເປັນຢ່າງດີ | |
| ຫວຽດນາມພ້ອມແລ້ວທີ່ຈະຈັດຕັ້ງກອງປະຊຸມສຸດຍອດອາຊຽນຄັ້ງທີ 37 |
 |
| ກອງປະຊຸມສຸດຍອດອາຊຽນຄັ້ງທີ 36 ໄດ້ຈັດຂຶ້ນທີ່ນະຄອນຫຼວງຮ່າໂນ້ຍ ໃນວັນທີ 26 ມິຖຸນາ 2020. ພາບປະກອບ: VGP |
ຫວຽດນາມໃນຖານະເປັນປະທານອາຊຽນ 2020, ໄດ້ ແລະ ພວມມານະພະຍາຍາມຈົນສຸດຄວາມສາມາດຂອງຕົນເພື່ອຈັດຕັ້ງກອງປະຊຸມສຸດຍອດອາຊຽນຄັ້ງທີ 37 ແລະ ບັນດາກອງປະຊຸມສຸດຍອດທີ່ກ່ຽວຂ້ອງໃນເດືອນພະຈິກປີນີ້. ຄາດວ່າຈະມີກອງປະຊຸມຂັ້ນສູງ 11 ຄັ້ງ ທີ່ຈະດຳເນີນແຕ່ວັນທີ 13-15 ພະຈິກ 2020, ລວມທັງກອງປະຊຸມສຸດຍອດອາຊຽນຄັ້ງທີ 37 ແລະກອງປະຊຸມລະດັບສູງອາຊຽນກັບບັນດາຄູ່ຮ່ວມມື. ນອກຈາກນີ້, ຍັງມີກິດຈະກຳທີ່ຫຼາຍຢ່າງຈະໄດ້ຈັດຂຶ້ນຢູ່ນອກເນື້ອໃນກອງປະຊຸມດັ່ງກ່າວ, ໂດຍສະເພາະກອງປະຊຸມຜູ້ນຳແມ່ຍິງອາຊຽນ, ກອງປະຊຸມສຸດຍອດການລົງທືນດ້ານທຸລະກິດອາຊຽນ...
ໃນຖະແຫຼງການປະທານອາຊຽນ 2020 ກ່ຽວກັບຜົນຂອງກອງປະຊຸມສຸດຍອດອາຊຽນຄັ້ງທີ 36 ໄດ້ຈັດຂຶ້ນທີ່ນະຄອນຫຼວງຮ່າໂນ້ຍ ໃນວັນທີ 26 ມິຖຸນາ 2020, ບັນຫາທະເລຕາເວັນອອກແມ່ນໄດ້ຮັບຄວາມເອົາໃຈໃສ່ເປັນພິເສດ ແລະໄດ້ໃຊ້ເວລາຫຼາຍພໍສົມຄວນໃນຫົວຂໍ້ "ບັນດາບັນຫາໃນພາກພື້ນ ແລະ ສາກົນ ແລະການຜັນປ່ຽນພັດທະນາ". ໃນຖານະທີ່ເປັນປະທານອາຊຽນ 2020, ຫວຽດນາມໄດ້ອອກຖະແຫຼງການຂອງປະທານກອງປະຊຸມສຸດຍອດອາຊຽນຄັ້ງທີ 36. ອີງຕາມຖະແຫຼງການ, ບັນດາຜູ້ນຳອາຊຽນໄດ້ຊົມເຊີຍຂະບວນການປະເມີນກາງໄລຍະເວລາທີສາມສໍາລັບແຜນການໂດຍລວມກ່ຽວກັບການກໍ່ສ້າງປະຊາຄົມອາຊຽນ 2025. ໃຫ້ຄຳໝັ້ນສັນຍາໃນການຮັກສາ ແລະ ສົ່ງເສີມສັນຕິພາບ, ຄວາມໝັ້ນຄົງ ແລະສະຖຽນລະພາບໃນພາກພື້ນ, ບັນດາຜູ້ນຳ ໄດ້ເນັ້ນໜັກເຖິງການແກ້ໄຂຂໍ້ຂັດແຍ່ງໂດຍສັນຕິວິທີ, ລວມທັງການເຄົາລົບກົດໝາຍ ແລະ ການທູດ, ບໍ່ໃຫ້ນຳໃຊ້ ຫຼື ຂົ່ມຂູ່ການໃຊ້ກຳລັງ, ໂດຍອີງຕາມຫຼັກການທີ່ໄດ້ຮັບຮູ້ຂອງກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດກ່ຽວກັບກົດ ໝາຍທະເລປີ 1982 (UNCLOS).
 |
| ຫວຽດນາມໃນຖານະເປັນປະທານອາຊຽນ 2020, ໄດ້ ແລະ ພວມມານະພະຍາຍາມຈົນສຸດຄວາມສາມາດຂອງຕົນເພື່ອຈັດຕັ້ງກອງປະຊຸມສຸດຍອດອາຊຽນຄັ້ງທີ 37 ແລະ ບັນດາກອງປະຊຸມສຸດຍອດທີ່ກ່ຽວຂ້ອງໃນເດືອນພະຈິກປີນີ້. ພາບປະກອບ: baoquocte.vn |
ສຳລັບບັນດາບັນຫາສາກົນ ແລະພາກພື້ນ, ຖະແຫຼງການລະບຸວ່າ: “ບັນດາຜູ້ນຳໄດ້ຢືນຢັນເຖິງຄວາມສຳຄັນຂອງການຮັກສາ ແລະສົ່ງເສີມສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະເສລີພາບໃນການເດີນເຮືອ ແລະ ການບິນ ຢູ່ທະເລຕາເວັນອອກ ແລະຮັບປະກັນໃຫ້ທະເລຕາເວັນອອກແມ່ນທະເລແຫ່ງສັນຕິພາບ, ສະຖຽນລະພາບ ແລະຄວາມຈະເລີນຮຸ່ງເຮືອງ”. ບັນດາຜູ້ນຳໄດ້ເນັ້ນໜັກເຖິງຄວາມສຳຄັນຂອງການປະຕິບັດ DOC ຢ່າງຄົບຖ້ວນ ແລະມີປະສິດທິຜົນ, ສ້າງ COC ທີ່ມີປະສິດທິຜົນ ແລະ ແທດກັບຕົວຈິງ ໂດຍໄວ, ສອດຄ່ອງກັບກົດໝາຍສາກົນ, ລວມທັງ UNCLOS 1982.
ຕາມຖະແຫຼງການແລ້ວ, ຄວາມກັງວົນກ່ຽວກັບການດັດແປງ, ບັນດາເຫດການຮຸນແຮງທີ່ເກີດຂື້ນເມື່ອບໍ່ດົນມານີ້ຢູ່ທະເລຕາເວັນອອກ, ໄດ້ທຳລາຍຄວາມໄວ້ເນື້ອເຊື່ອໃຈ, ເພີ່ມຄວາມເຄັ່ງຕຶງ ແລະອາດຈະເຮັດໃຫ້ສັນຕິພາບ, ຄວາມໝັ້ນຄົງ ແລະສະຖຽນລະພາບຫຼຸດລົງໃນພາກພື້ນ, ບັນດາຜູ້ນຳໄດ້ຢືນຢັນເຖິງຄວາມຈຳເປັນຕ້ອງເພີ່ມທະວີຄວາມເຊື່ອໝັ້ນ ແລະຄວາມໄວ້ເນື້ອເຊື່ອໃຈເຊິ່ງກັນ ແລະກັນ, ຫລີກລ້ຽງການເຄື່ອນໄຫວຕ່າງໆ ແລະຫລີກລ້ຽງການກະທຳທີ່ອາດຈະເຮັດໃຫ້ສະຖານະການທີ່ສັບສົນຂຶ້ນຕື່ມ ແລະການແກ້ໄຂຂໍ້ຂັດແຍ່ງໂດຍສັນຕິວິທີຕາມກົດໝາຍສາກົນ, ລວມທັງ UNCLOS 1982.
ໃນຖານະທີ່ເປັນປະທານອາຊຽນ 2020, ຫວຽດນາມ ພວມກະກຽມຢ່າງຕັ້ງໜ້າໃຫ້ແກ່ກອງປະຊຸມສຸດຍອດອາຊຽນຄັ້ງທີ 37 ຕາມແຜນການ, ຮັບປະກັນໃຫ້ກອງປະຊຸມປະສົບຜົນສຳເລັດເພື່ອອາຊຽນທີ່ “ສະໜິດຕິພັນ ແລະ ເປັນເຈົ້າການຮັບມື” ເອົາຊະນະຄວາມຫຍຸ້ງຍາກ ແລະ ສິ່ງທ້າທາຍ ຫຼາຍຢ່າງ.
 | ຫວຽດນາມ ສາມາດສະກັດກັ້ນໂລກລະບາດ Covid – 19 ໄດ້ເປັນຢ່າງດີ ຍສໝ - ຕາມໜັງສືພິມດັ່ງກ່າວແລ້ວ, ຫວຽດນາມໄດ້ຢັ້ງຢືນມີຜູ້ຕິດເຊື້ອພະຍາດ Covid – 19 ສະສົມທັງໝົດ ກ່ວາ 1000 ຄົນ ແລະ ມີຜູ້ເສຍຊີວິດ 35 ຄົນ, ພ້ອມກັນນັ້ນ 28 ມື້ລຽນຕິດ ທີ່ຫວຽດນາມ ບໍ່ກວດພົບຜູ້ຕິດເຊື້ອໃນຊຸມຊົນ (ຄິດໄລ່ຮອດວັນທີ 30 ກັນຍາ), ເມື່ອທຽບໃສ່ປະຊາກອນ ເກືອບ 100 ... |
 | ທ່ານຮອງນາຍົກລັດຖະມົນຕີ ຟ້າມບິ່ງມິງ “ການພົວພັນທາງອອນລາຍ” ແລະ “ການພົວພັນ Covid” ໄດ້ຍູ້ແຮງ ແລະ ເສີມຂະຫຍາຍຢ່າງມີປະສິດທິຜົນ ຍສໝ - ທີ່ກອງປະຊຸມ, ທ່ານຮອງນາຍົກລັດຖະມົນຕີ ຟ້າມບິ່ງມິງ, ຫົວໜ້າຄະນະຊີ້ນຳ ໄດ້ເນັ້ນໜັກວ່າ ໃນສະພາບການໂລກລະບາດ Covid -19 ກໍ່ຜົນກະທົບຕໍ່ທຸກໆປະເທດໃນໂລກ, “ການພົວພັນທາງອອນລາຍ” ແລະ “ການພົວພັນ Covid” ພວມໄດ້ຮັບການຍູ້ແຮງ ແລະ ເສີມຂະຫຍາຍຢ່າງມີປະສິດທິຜົນຈາກຫວຽດນາມ. |
 | ມື້ທີ 37 ຫວຽດນາມ ບໍ່ກວດພົບຜູ້ຕິດເຊື້ອໃນວົງຄະນະຍາດ ຍສໝ - ປັດຈຸບັນ, ມີ 267/324 ກໍລະນີຕິດໄວຣັດ SARS-CoV-2 ຢູ່ ຫວຽດນາມ ໄດ້ຮັບການປິ່ນປົວຫາຍດີເປັນປົກກະຕິແລ້ວ, ກວມເອົາ 82% ໃນຍອດຈຳນວນກໍລະນີຕິດເຊື້ອໂຄວິດ-19. |
ໄຊພອນ
