ສື່ມວນຊົນສາກົນ ນັບມື້ນັບສົນໃຈຕໍ່ຄວາມມານະພະຍາຍາມໃນການຮັບມືກັບພະຍາດໂຄວິດ-19 ຂອງຫວຽດນາມ
ຍສໝ - ໜັງສືພິມ DW ຂອງ ເຢຍລະມັນ ໃຫ້ຮູ້ວ່າ, ນັບແຕ່ທ້າຍເດືອນມັງກອນ ປີ 2020 ທີ່ຜ່ານມາ, ເມື່ອພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື ໄວຣັດໂຄໂຣນາພຽງແຕ່ກໍ່ຂຶ້ນຢູ່ປະເທດຈີນເທົ່ານັ້ນ ແລະ ຍັງບໍ່ທັນແຜ່ລະບາດອອກສູ່ທົ່ວໂລກນັ້ນ, ລັດຖະບານຫວຽດນາມ ໄດ້ຮັບມືກັບພະຍາດໂຄວິດ-19 ແລ້ວ.
ໃນສະພາບການພະຍາດໂຄວິດ-19 ກໍາລັງຜັນແປຢ່າງສັບສົນ, ສື່ມວນຊົນສາກົນ ນັບມື້ນັບສົນໃຈຕໍ່ຄວາມມານະພະຍາຍາມໂດຍບໍ່ຮູ້ອິດຮູ້ເມື່ອຍຂອງລັດຖະບານ ແລະປະຊາຊົນຫວຽດນາມ ທ່ີໄດ້ຮ່ວມແຮງຮ່ວມໃຈຮັບມືກັບພະຍາດໂຄວິດ-19.
ຕາມໜັງສືພິມ DW ແລ້ວ, ລັດຖະບານຫວຽດນາມ ກໍກວດກາໂດຍລະອຽດຜູ້ທີ່ອາດສາມາດໄດ້ສໍາຜັດກັບໄວຣັດ SARS-CoV-2 ໃນຂອບເຂດກວ້າງຂວາງ. ບໍ່ພຽງແຕ່ຕິດຕາມກວດກາຜູ້ຕິດເຊື້ອພະຍາດ ແລະບັນດາຜູ້ສໍາຜັດໂດຍກົງກັບເຂົາເຈົ້າເທົ່ານັ້ນ, ຫວຽດນາມ ຍັງກໍານົດທຸກໆກໍລະນີສໍາຜັດໂດຍທາງອ້ອມກັບຜູ້ຕິດເຊື້ອອີກດ້ວຍ.
ໜັງສືພິມ DW ຂອງ ເຢຍລະມັນ ໃຫ້ຮູ້ວ່າ, ນັບແຕ່ທ້າຍເດືອນມັງກອນ ປີ 2020 ທີ່ຜ່ານມາ, ເມື່ອພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື ໄວຣັດໂຄໂຣນາ ພຽງແຕ່ກໍ່ຂຶ້ນຢູ່ປະເທດຈີນເທົ່ານັ້ນ ແລະຍັງບໍ່ທັນແຜ່ລະບາດອອກສູ່ທົ່ວໂລກນັ້ນ, ລັດຖະບານຫວຽດນາມ ໄດ້ຮັບມືກັບພະຍາດໂຄວິດ-19 ແລ້ວ.
ລັດຖະບານຫວຽດນາມ ໄດ້ກະທໍາ “ຢ່າງວ່ອງໄວ” ແລະ “ຖືກຕ້ອງ” ໃນກິດຈະການປ້ອງກັນ, ຕ້ານພະຍາດໂຄວິດ-19.
ຕາມໜັງສືພິມ DW ແລ້ວ, “ເຂົາເຈົ້າລ້ວນແຕ່ຖືກຈໍາກັດການໄປມາ ແລະສໍາຜັດຢ່າງເຂັ້ມງວດ. ແລະຕັ້ງແຕ່ຫົວທີ່, ບໍ່ວ່າຜູ້ໃດເຂົ້າເມືອງຫວຽດນາມຈາກເຂດເກີດພະຍາດລ້ວນແຕ່ຕ້ອງປະຕິບັດການແຍກປ່ຽວເປັນເວລາ 14 ວັນ. ໂຮງຮຽນຖືກປິດຊົ່ວຄາວຕັ້ງແຕ່ຕົ້ນເດືອນກຸມພາ. ກອງທັບກໍໄດ້ຜັນຂະຫຍາຍຊັບພະຍາກອນມະນຸດ ແລະວັດຖຸອຸປະກອນເຂົ້າຮ່ວມການຕໍ່ສູ້ຕ້ານພະຍາດໂຄວິດ-19”.
ໜັງສືພິມ Financial Times ຂອງອັງກິດ ຖືວ່າ, ສື່ມວນຊົນຫວຽດນາມ ໄດ້ອັບເດດຂໍ້ມູນກ່ຽວກັບບັນດາສານຂອງລັດຖະບານໃນການປ້ອງກັນ, ຕ້ານພະຍາດໂຄວິດ-19 ຢ່າງຕໍ່ເນື່ອງ. ກະຊວງສາທາລະນະສຸກຫວຽດນາມ ກໍສົ່ງຂໍ້ຄວາມຜ່ານໂທລະສັບມືຖືເພື່ອອັບເດດຂໍ້ມູນກ່ຽວກັບພະຍາດ ແລະຍົກອອກບັນດາຄໍາແນະນໍາດ້ານສຸຂະພາບໃຫ້ແກ່ປະຊາຊົນເປັນປະຈໍາ.
ເພື່ອແນໃສ່ຮັບມືກັບພະຍາດໂຄວິດ-19, ລັດຖະບານຫວຽດນາມ ໄດ້ຜັນຂະຫຍາຍປະຕິບັດບັນດາມາດຕະການຕ່າງໆ, ຄື: “ຈໍາກັດການສໍາຜັດທາງສັງຄົມ”, ຢຸດຕິບັນດາເຫດການທີ່ມີຫຼາຍຄົນເຂົ້າຮ່ວມ, ໃຫ້ນັກຮຽນ, ນັກສຶກສາພັກຮຽນຊົ່ວຄາວ.
ໜຶ່ງໃນບັນດາເຫດຜົນທີ່ມີຄວາມສຳເລັດຈົນມາຮອດປັດຈຸບັນຂອງຫວຽດນາມ ໃນວຽກງານປ້ອງກັນ, ສະກັດກັ້ນໂລກລະບາດແມ່ນການລະດົມກຳລັງແຮງຂອງປະຊາຊົນຜ່ານບັນດາບັ້ນຮົບມະຫາຊົນ, ຜ່ານຂໍ້ຄວາມແລະການໂຄສະນາເຜີຍແຜ່. (ພາບ:vnexpress)
ບັນດາຄວາມມານະພະຍາຍາມຮັບມືກັບພະຍາດໂຄວິດ-19 ຂອງລັດຖະບານຫວຽດນາມ ໄດ້ຮັບການສະໜັບສະໜູນຈາກປະຊາຊົນໝົດທຸກຄົນ.
ຫາງສຽງສາກົນຕີລາຄາວ່າ ຫວຽດນາມໄດ້ມີຄວາມມານະພະຍາຍາມສຳເລັດຜົນຮັບປະກັນອັດຕາສ່ວນຜູ້ຕິດພະຍາດ Covid-19 ຢູ່ລະດັບຕໍ່າ ຍສໝ - ສໍານັກຂ່າວສານ Sputnik ຄັດສະເໜີຂໍ້ມູນຂ່າວຈາກໜັງສືພິມ The New York Times ຂອງອາເມລິກາ ຕີລາຄາວ່າ ຫວຽດນາມໄດ້ມີຄວາມມານະພະຍາຍາມສຳເລັດຜົນຮັບປະກັນອັດຕາສ່ວນຜູ້ຕິດພະຍາດ Covid-19 ຢູ່ລະດັບຕໍ່າ.
ປົກປ້ອງພົນລະເມືອງຫວຽດນາມ ຖືກຕິດຄ້າງຢູ່ຕາມສະໜາມບິນສາກົນ ຍສໝ - ນີ້ແມ່ນການປະກາດໃໝ່ທີ່ສຸດຂອງກະຊວງການຕ່າງປະເທດ, ວ່າ: ພົນລະເມືອງ ຫວຽດນາມ ທີ່ຖືກຄ້າງໄວ້ໃນສະໜາມບິນສາກົນ ຍ້ອນສະພາບການເຄື່ອນໄຫວທີ່ສັບສົນຂອງການລະບາດ Covid-19.
ງານວາງສະແດງກ່ຽວກັບສາທາລະນະສຸກສາກົນຫວຽດນາມ- Pharmed & Healthcare Vietnam 2020 ຈະຈັດຕັ້ງໃນລະຫວ່າງວັນທີ 16-19 ກັນຍາ 2020 ຍສໝ - ງານວາງສະແດງປີນີ້ຈະມີ 700 ຮ້ານວາງສະແດງຂອງກວ່າ 500 ວິສາຫະກິດທີ່ມາຈາກ 25 ປະເທດ ແລະເຂດແຄວ້ນໃນຂົງເຂດການຢາ ແລະອຸປະກອນການແພດ, ຄື: ເຢຍລະມັນ, ອາເມລິກາ, ຈີນ...
ໄຊພອນ
