 |
ພະນະທ່ານ ບຸນຍັງ ວໍລະຈິດ ລົງກວດກອງທະຫານ.
ໃນໂອກາດນີ້, ທ່ານ ບຸນຍັງ ວໍລະຈິດ ໄດ້ຮັບຟັງການລາຍງານຈາກ ທ່ານ ພັນເອກ ສາຍໃຈ ກົມມະສິດ ຮອງເລຂາຄະນະພັກ, ຫົວໜ້າການທະຫານ ກອງພົນທະຫານຮາບທີ 1 ໃຫ້ຮູ້ວ່າ: ສໍາລັບກອງພົນດັ່ງກ່າວເປັນກໍາລັງ ເຄື່ອນທີ່ ຂອງກະຊວງປ້ອງກັນປະເທດ, ປະສານ ກັບບັນດາກົມກອງ ເພື່ອເຮັດໜ້າທີ່ ປົກປັກຮັກສານະຄອນ ຫລວງວຽງຈັນ ແລະ ບັນດາແຂວງ ເຂດໃຈກາງ, ເຮັດໜ້າທີ່ເກາະຫ້ອຍ ຢູ່ພື້ນທີ່ສ່ວນໃຫຍ່ຂອງແຂວງ ແລະ ຂອບເຂດຊາຍແດນ ເຊື່ອມຕໍ່ລະ ຫວ່າງບັນດາແຂວງຕ່າງໆ. ໄປຄຽງຄູ່ກັນນັ້ນ, ຍັງຈັດຕັ້ງກໍາລັງລົງກໍ່ສ້າງຮາກຖານ ການເມືອງຢູ່ບັນດາບ້ານ ທີ່ຕັ້ງຢູ່ຂອບເຂດກົມກອງຕັ້ງທັບ ເພື່ອເກັບກໍາສະພາບການ ແລະ ແກ້ໄຂບັນດາປະກົດການຫຍໍ້ທໍ້ຕ່າງໆ ຢູ່ບັນດາບ້ານຂອບ ເຂດກົມກອງ ຕົນຮັບ ຜິດຊອບ.
 |
ກອງທະຫານຮາບ ທີ 1 ແຫ່ງກອງທັບ ປະຊາຊົນປະຕິວັດລາວ.
ຈາກນັ້ນ, ທ່ານ ບຸນຍັງ ວໍລະຈິດ ກໍໄດ້ເປັນກຽດໂອ້ລົມ ແລະ ໃຫ້ທິດຊີ້ນໍາຕໍ່ ນາຍ ແລະ ພົນທະຫານ ໂດຍກ່ອນອື່ນທ່ານກໍໄດ້ຍ້ອງຍໍຊົມເຊີຍ ຕໍ່ກອງພົນດັ່ງກ່າວທີ່ປະຕິບັດໜ້າທີ່ ແລະ ພາລະບົດບາດຂອງຕົນ ໃນໄລຍະຜ່ານມາ ໄດ້ຮັບ ຜົນສໍາ ເລັດໃນຫລາຍດ້ານ ພ້ອມທັງມີຄວາມຮັບຊອບ ທາງດ້ານການເມືອງຢ່າງສູງ. ພ້ອມນິ້ທ່ານ ປະທານປະເທດ ຍັງໄດ້ເນັ້ນຕື່ມບາງບັນຫາ ໃຫ້ກອງພົນສືບຕໍ່ເອົາໃຈໃສ່ ໃນການຈັດຕັ້ງປະຕິບັດໜ້າທີ່ ແລະ ພາລະບົດບາດ ໃນການ ເປັນກໍາລັງ ປ້ອງກັນຊາດ -ປ້ອງກັນຄວາມສະຫງົບ ໃນທົ່ວສັງຄົມ. ພ້ອມທັງ ມີສະຕິລະວັງຕົວຕໍ່ກົນອຸບາຍ ຂອງອິດທິກໍາລັງປໍລະປັກ, ກຸ່ມຄົນບໍ່ດີທີ່ຫວັງມ້າງເພທໍາລາຍ ແນວທາງນະໂຍບາຍ ຂອງພັກ-ຂອງລັດ, ຫວັງມ້າງເພທໍາ ລາຍລະ ບອບການເມືອງ ຂອງພວກເຮົາ.
 |
ພະນະທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໃຫ້ກຽດໂອ້ລົມ ບັນດາພະນັກງານ ທະຫານ ນັກຮົບ.
ນອກນີ້ ກໍໃຫ້ເອົາໃຈໃສ່ສືບຕໍ່ບັນດາ 4 ເນື້ອໃນ 4 ຄາດໝາຍ ຂອງຄະນະພັກກະຊວງວາງ ອອກໃຫ້ດີຂຶ້ນ, ທັງເອົາໃຈໃສ່ແກ້ໄຂປະກົດກາດຫຍໍ້ທໍ້, ຄວາມເປັນລະບຽບຮຽບຮ້ອຍ ແລະ ຄວາມບໍ່ສະຫງົບ ໃຫ້ເດັດຂາດ ແລະ ແຂງແຮງ, ໃຫ້ ເປັນ ເຈົ້າການປະສານສົມທົບ ກັບອໍານາດການປົກຄອງ ໃນການຊ່ວຍເຫລືອສ້າງວຽກເຮັດງານທໍາ, ການສ້າງພື້ນຖານການຜະລິດ ແລະ ອື່ນໆ. ໃນໂອກາດນີ້, ທ່ານ ບຸນຍັງ ວໍລະຈິດ ພ້ອມດ້ວຍຄະນະ ຍັງໄດ້ນໍາເຄື່ອງກິລາ ແລະ ອື່ນໆ ໄປມອບ ໃຫ້ໃຫ້ກອງພົນທະຫານຮາບທີ 1. ຈາກນັ້ນທ່ານ, ພ້ອມດ້ວຍຄະນະ ຍັງໄດ້ເດີ່ນທາງໄປຢ້ຽມຊົມການສາທິດ ປືນໃຫຍ່ຂອງກອງພົນດັ່ງກ່າວ.
（ແຫຼ່ງຂໍ້ມູນ： ຂັນໄຊ/ຂປລ）
